Efeze 1:19 - Mbeti ti Nzapa - Tënë so amu fini

¹⁹ ala hinga nga so lo yeke ngangu mingi, ngangu ti lo ayeke sara ye mingi na ya ti fini ti e, azo ti lo. Gi na ngangu so laa

Efeze 1:19 ပူးပေါင်းရင်းမြစ်များ

Ésaïe 53:1

Zo wa laa ayeda na tënë so e ma? Zo wa laa ahinga ngangu ti maboko ti KOTA GBIA?

Jean 3:6

Zo ayeke du gi zo, Yingo ayeke du gi yingo.

Awatokua 26:18

Mbi tokua mo ti zi le ti ala, ti mu ala na ya ti vukongo ndo ti sigigi na ala na ya ti lumiere; mo yeke zi ala na gbe ti ngangu ti Satan ti gue na ala na Nzapa. Tongana ala ma na be na mbi, fade a yeke zi siokpari na li ti ala si ala yeke wara ndo na popo ti azo ti Nzapa.’ ”

Rome 1:16

Biani, kamene ti fango Nzoni Tënë asara mbi pepe: Nzoni Tënë ni ayeke ngangu ti Nzapa so lo mu ti soo azo so kue ama na be, azuife kozoni, na pekoni azo ti amara nde.

2 Korente 4:7

Ye so ayeke kota mosoro so alondo na Nzapa, me e so e yeke yo mosoro ni, e yeke tongana asenge ta ti sese. Tongaso si azo ahinga atene, kota ngangu so ahon angangu kue alondo na Nzapa, me na e pepe.

2 Korente 5:17

Tongaso, tongana mbeni zo aga oko na Christ, lo ga fini zo awe; ngbene ye ahon awe, fini ye asi.

Efeze 2:10

Taa-tënë, Nzapa laa asara e; na gango so e ga oko na Jésus Christ, Nzapa aleke e titene e mu tere ti e kue ti sara anzoni ye so lo leke kozoni titene e sara.

Efeze 3:20

Nzapa alingbi ti sara na e ye ahon ye so kue e yeke hunda na lo wala ye so kue e yeke gbu li ti e daa! Lo yeke sara ni na lege ti ngangu ti lo wani so ayeke na ya ti e.

Efeze 3:7

Na lege ti nzoni be ti Nzapa, lo sara si mbi ga zo ti kua ti fango Nzoni Tënë. Nzapa asara ye so na lege ti ngangu ti lo.

Efeze 6:10

Ti hunzi na ni, ala kpengba na lege ti kota ngangu ti *Kota Gbia, ngbanga ti so ala ga oko na lo.

Filipe 2:13

Biani, Nzapa laa ayeke zia nzara ti sarango ye na be ti ala si lo yeke mu na ala lege ti sarango ni alingbi na ye so lo leke na be ti lo.

Filipe 3:21

Lo laa lo yeke mu tere ti e so ayeke tere ti pasi ti sara ni alingbi na tere ti lo ti gonda. Lo yeke sara tongaso na lege ti ngangu so lo yeke na ni ti sara si aye kue aduti na gbe ti komandema ti lo.

Kolose 1:29

Ndali ni, mbi yeke sara kua si mbi yeke tiri ti hunzi kua ni na ngangu so Christ amu na mbi, ngangu so asara si mbi kpengba na ya ti kua ni.

Kolose 2:12

So ala wara bateme, a lu ala na Christ awe si a zingo ala na kuâ legeoko na lo, ngbanga ti so ala ma na be na ngangu ti Nzapa so azingo lo na kuâ.

1 Tesalonike 1:5

Biani, ala hinga atene, Nzoni Tënë so e fa na ala, e fa ni gi na yanga pepe, me e fa ni na ngangu nga na lege ti kua ti Yingo-Vuru. E hinga biani na be ti e, e tene, Nzoni Tënë so e fa ayeke taa-tënë. Ala kue ahinga lege ti dutingo ti e na popo ti ala, e sara ye so kue ndali ti nzoni ti ala.

2 Tesalonike 1:11

Ndani laa e yeke sambela lakue ndali ti ala titene Nzapa ti e asara si ala lingbi na iringo so lo iri ala. E hunda titene na lege ti ngangu ti lo, ala sara aye ti nzoni so kue ala yeke na nzara ti sarango ni si kua so ala yeke sara na lege ti mabe asi na ndani.

Jacques 1:18

Tongana ti so be ti lo wani aye, lo mu na e fini na lege ti tënë ti lo so ayeke taa-tënë, tongaso si e ga tongana akozo zo ti lo na popo ti aye so kue lo sara.

1 Pierre 4:11

Tongana mbeni zo ayeke fa tënë, alingbi lo fa gi tënë ti Nzapa. Tongana mbeni zo ayeke sara kua ndali ti amba ti lo, alingbi lo sara ni na ngangu so Nzapa amu na lo, tongaso si na ya ti aye kue, azo agonda Nzapa na lege ti Jésus Christ. Gonda na ngangu ayeke ti Nzapa, kpu na kpu! Amen.