Efeze 1:17 - Mbeti ti Nzapa - Tënë so amu fini

¹⁷ Mbi hunda na Nzapa ti Kota Gbia ti e Jésus Christ, Babâ so ayeke na gonda, titene lo mu na ala Yingo ti ndara. Fade Yingo ni ayeke fa Nzapa na ala, tongaso si ala hinga lo nzoni.

Efeze 1:17 ပူးပေါင်းရင်းမြစ်များ

1 Mbai 29:11

KOTA GBIA, mo yeke kota, mo yeke ngangu, mo lingbi na gonda, iri ti mo awu mingi, mo yeke gbia! Biani, aye so kue ayeke na yayu nga na ndö ti sese ayeke ti mo. KOTA GBIA, lengo-gbia ayeke ti mo si mo yeke na li ti aye kue.

Mbeti ti Job 42:5

Kozoni, mbi ma tënë ti mo mango, me fadeso, mbi baa mo na le ti mbi awe.

Abia (Psaumes) 24:10

– Gbia ti gonda ni ayeke zo wa? – KOTA GBIA laa, lo so lo yeke na ndö ti dunia kue. Lo laa lo yeke Gbia ti gonda ni. Luti kete

Abia (Psaumes) 24:7

Ayanga ti da, ala zi tere ti ala kota! Ayanga ti da ti lakue lakue, ala zi tere ti ala! Ala zia lege si Gbia ti gonda ali!

Abia (Psaumes) 29:3

Go ti KOTA GBIA atoto amu ndö ti angu kue. Nzapa ti gonda asara si bekpa asungba, KOTA GBIA amu ndö ti akota ngu kue.

Sigingo 28:3

Ndali ni, fade mo yeke tene tënë na azo so kue ayeke sara ye na kode, ala so mbi mu na ala kota ndara ti fu abongo ti Aaron. Lo yeke yu abongo ni na ndembe so a yeke zia lo nde ti sara kua ti wayango-sandaga nga na ngoi so lo yeke sara kua ni.

Amato 18:15

Zo ti gbungo-li ayeke gi lege ti hinga ye; zo ti ndara ayeke gi lege ti ma atënë so ayeke fa ye na lo.

Amato 2:5

Tongana mo sara tongaso, fade mo yeke hinga nda ti kpengo mbeto ti KOTA GBIA, mo yeke wara lege ti hinga Nzapa.

Ésaïe 11:2

Fade yingo ti *KOTA GBIA ayeke duti na ndö ti lo: yingo ti ndara na ti hingango popo ti nzoni na sioni, yingo ti mungo wango na ti ngangu, yingo ti hingango ndo na ti kpengo mbeto ti KOTA GBIA.

Jérémie 2:11

Laoko ala baa mbeni mara so azia anzapa ti lo ti mu ambeni nde? Ataa so ala yeke anzapa pepe! Me azo ti mbi azia mbi, mbi so mbi yeke nengo ti ala, ala mu peko ti ye so alingbi ti sara mbeni ye oko pepe.

Jérémie 24:7

Mbi yeke mu na ala be ti hinga so mbi yeke KOTA GBIA. Na be ti ala kue, fade ala yeke kiri na mbage ti mbi. Ala yeke duti azo ti mbi si mbi yeke duti Nzapa ti ala.

Jérémie 31:34

Zo oko na popo ti ala ayeke kiri ti fa ye na mba ti lo wala na ita ti lo pepe, atene: ‘Ala hinga KOTA GBIA!’ Biani, ti londo na kete zo asi na kota zo, fade ala kue ayeke hinga mbi; so tënë ti yanga ti KOTA GBIA laa. Mbi yeke zi sioni ti ala, mbi yeke kiri ti dabe ti mbi na siokpari ti ala pepe.”

Jérémie 9:24

“Mbeni lango ayeke ga so mbi yeke ga na tere ti azo so atene, ani yeke azo so afâ *ganza awe so; so tënë ti yanga ti KOTA GBIA laa.

Daniel 10:1

Na ngu ota ni so Sirus ayeke gbia ti Perse, a fa na Daniel, lo so a di iri ti lo Beltasar, mbeni tënë so alondo na Nzapa. Tënë ni ayeke taa-tënë si afa tënë ti kota ye ti mawa so ayeke si. Daniel agbu li ti lo daa mingi si lo hinga nda ti tënë ni na lege ti ye so lo baa na ya ti mbeni ye tongana bango-li.

Daniel 5:11

Na ya ti kodro ti mo so, mbeni koli ayeke daa so yingo ti anzapa so ayeke nde si ayeke nzoni kue asi lo singo. Lani so babâ ti mo angba gbia, azo abaa lo tongana zo so le ti lo ahan mingi, so ahinga ye mingi si ayeke na ndara tongana anzapa. Ndani laa, babâ ti mo Nabukodonosor azia lo makonzi na li ti azo ti nganga, azo ti yoro, azo ti mazi na azo ti bango nda ti aye.

Matthieu 11:25

Na ndembe ni so, Jésus akiri atene: “Mbi gonda mo Babâ, mo so mo yeke *Kota Gbia ti yayu na ti sese, ndali ti so mo honde ye so na azo ti ndara nga na azo ti hingango ye si mo sigigi na nda ni na akete molenge.

Matthieu 11:27

“Babâ ti mbi azia ye kue na maboko ti mbi. Zo oko ahinga Molenge ni pepe, gi Babâ oko; zo oko ahinga Babâ ni pepe, gi Molenge ni oko nga na azo so Molenge ni aye ti fa Babâ ni na ala titene ala hinga lo.

Matthieu 16:17

Jésus akiri tënë na lo: “Ti mo nzoni Simon, molenge ti Jean! Tënë so mo tene so, zo laa azia ni na yanga ti mo pepe, me Babâ ti mbi so ayeke na yayu laa afa na mo.

Matthieu 20:33

Ala kiri tënë na lo: “Kota Gbia, e ye ti baa ndo.”

Matthieu 6:13

Sara si e ti na ya ti ye ti tarango be pepe, me mo zi e na maboko ti Sioni wato. [Mo yeke Gbia, mo yeke na ngangu si gonda ayeke ti mo kpu na kpu! Amen.’]

Nzoni Tënë so Luc asu na mbeti 12:12

Biani, tongana ngbonga ni alingbi, fade Yingo-Vuru ayeke fa na ala tënë ti tenengo ni.”

Nzoni Tënë so Luc asu na mbeti 2:14

“E gonda Nzapa so ayeke na yayu kâ na ndö ti aye kue, siriri na ndö ti sese na popo ti azo so lo ye ala!”

Nzoni Tënë so Luc asu na mbeti 21:15

Biani, fade mbi wani, mbi yeke mu na ala tënë ti tenengo ni na ndara so awato ti ala alingbi pepe ti dekite na ni wala ti ke ni.

Jean 14:17

lo yeke Yingo ti taa-tënë. Azo ti dunia so alingbi ti yamba lo pepe, ngbanga ti so ala baa lo pepe si ala hinga nga lo pepe. Me ti ala, ala hinga lo awe, ngbanga ti so lo yeke na ya ti ala si lo yeke na tere ti ala.

Jean 14:26

Wagbungo-koko ayeke Yingo-Vuru so Babâ ayeke tokua lo na iri ti mbi. Lo laa lo yeke fa ande na ala nda ti aye kue, lo yeke dabe ti ala na tënë so kue mbi tene na ala.

Jean 16:3

Azo ni ayeke sara ye so na ala, ngbanga ti so azo ni ahinga Babâ wala mbi pepe.

Jean 17:3

Fini so angba lakue lakue ayeke titene azo ahinga mo, mo so mo yeke oko taa Nzapa si ala hinga nga Jésus Christ, lo so mo tokua lo.

Jean 20:17

Jésus atene na lo: “Zia ti gbu mbi, ngbanga ti so mbi de ti gue na Babâ pepe. Me mo gue, mo baa a-ita ti mbi, mo tene na ala, mo tene: ‘Mbi yeke gue na Babâ ti mbi so ayeke nga Babâ ti ala; lo yeke Nzapa ti mbi na Nzapa ti ala nga.’ ”

Awatokua 6:10

Me Étienne atene tënë na lege ti ndara so Yingo-Vuru amu na lo, nilaa ala lingbi ti hon lo na tënë pepe.

Awatokua 7:2

Étienne akiri tënë: “Ababâ, a-ita, ala ma mbi! Kozo titene kotara ti e Abraham ague ti duti na kodro ti Haran, Nzapa ti gonda asi na lo na Mezopotamii

Rome 1:28

So ala ke ti hinga Nzapa awe, lo zia ala titene hingango ndo ti ala aga kirikiri si ala sara ye so zo alingbi fade ti sara pepe.

Rome 15:6

Tongaso, na be oko nga na yanga oko, ala gonda Nzapa, lo so lo yeke Babâ ti Jésus Christ, *Kota Gbia ti e.

1 Korente 12:8

Yingo ayeke mu na mbeni zo tënë ti ndara si na mbeni zo, lo yeke mu tënë ti hingango ye;

1 Korente 14:6

A-ita, tongana mbi si na popo ti ala si mbi tene tënë na ala na ambeni yanga nde, fade nzoni ye ti nyen laa ala yeke wara na mbage ti mbi? Mbi yeke sara nzoni na ala gi tongana mbi fa na ala mbeni ye so Nzapa afa na mbi, wala mbi fa na ala mbeni ye so ala hinga pepe, wala mbi tene na ala peko ti tënë ti yanga ti Nzapa, wala mbi fa na ala mbeni ye!

1 Korente 2:10

Me Nzapa asigigi na nda ti tënë so na e na lege ti Yingo. Biani, Yingo ayeke gi nda ti aye kue, ataa ye so ahonde na ya ti be ti Nzapa.

1 Korente 2:8

Mbeni oko na popo ti ala so ayeke na komandema na ndö ti dunia so ahinga tënë ti ndara ni pepe. Tongana ala hinga ni fade, ka ala fâ *Kota Gbia na ndö ti keke ti kroa pepe, Kota Gbia so alingbi na gonda.

2 Korente 12:1

Alingbi mbi gonda tere ti mbi, ataa so zo alingbi ti wara ye daa pepe. Me mbi ye ti tene tënë ti aye so *Kota Gbia afa na mbi na ya ti mbeni ye tongana bango-li si lo sara titene mbi hinga ni.

Efeze 1:3

E gonda Nzapa, Babâ ti *Kota Gbia ti e Jésus Christ! Lo mu na e anzoni ye ti Yingo so kue ayeke na yayu, na lege ti gango so e ga oko na Christ.

Efeze 3:5

Na ya ti angoi so ahon, Nzapa afa tënë ni na azo pepe; me fadeso, na lege ti Yingo ti lo, lo fa tënë ni na *awatokua ti lo nga na awayanga-Nzapa so lo zia ala nde ndali ti lo.

Efeze 4:13

ngbii e kue, e ga oko na lege ti mabe nga na lege ti hingango Molenge ti Nzapa. Tongaso, fade e yeke ga akangba na lege ti mabe si fini ti e kue ayeke ga tongana ti Christ.

Filipe 3:15

E so kue e ga akangba na lege ti aye ti Yingo, ayeke nzoni tënë ti be ti e kue aga gi oko. Tongana mbeni tënë ayeke daa si tënë ti be ti ala ague nde, fade Nzapa ayeke zi le ti ala na ndö ni.

2 Timothée 2:25

Azo so ayeke ke tënë na yanga ti lo, ayeke nzoni lo fa ye na ala yeke-yeke. E hinga pepe, Nzapa ayeke sara titene ala zia ngbene lege ti sarango ye ti ala, ala hinga taa-tënë

Tite 1:1

Mbi Paul, mbi yeke zo ti kua ti Nzapa si mbi yeke nga *watokua ti Jésus Christ. Nzapa atokua mbi ti sara si azo so lo soro ala ama na be si ala hinga taa-tënë so alingbi gi na lege ti vorongo Nzapa,

Jacques 2:1

A-ita ti mbi, ala ma na be awe na *Kota Gbia ti e Jésus Christ so e yeke gonda lo. Tongaso, ala ne ambeni zo ahon ambeni pepe.

2 Pierre 1:3

Na lege ti ngangu ti lo, Christ amu na e aye so kue alingbi na e titene e duti na fini si e ngba ti gbu tënë ti Nzapa ngangu. Christ afa na e ti hinga Nzapa so airi e ti wara mbage ti gonda ti lo na ti nzoni ye so lo sara.

2 Pierre 3:18

Me alingbi nzoni be ti Kota Gbia Jésus Christ, Wasongo e angba ti mai na be ti ala si ala ngba ti mai na lege ti hingango lo. Gonda ayeke ti lo fadeso si angba ti lo kpu na kpu! Amen.

Aye so Nzapa afa 7:12

Ala tene: “Amen! Sepelango, gonda, ndara, singila, nengo, komandema na ngangu ayeke ti Nzapa ti e, kpu na kpu! Amen.”