Efeze 1:11 - Mbeti ti Nzapa - Tënë so amu fini

¹¹ Na lege ti gango so e ga oko na Christ, Nzapa asoro e kozoni titene e ga azo ti lo alingbi na ye so lo leke na be ti lo, lo sara ye so kue tongana ti so be ti lo aye.

Efeze 1:11 ပူးပေါင်းရင်းမြစ်များ

Mbeti ti Job 12:13

Andaa ndara na ngangu ayeke ti Nzapa; wango na hingango nda ti ye ayeke ti lo.

Mbeti ti Job 33:29

Baa, ye so kue Nzapa ayeke sara ndali ti zo laa; lo yeke sara ni fani mingi.

Abia (Psaumes) 37:18

Azo so alingbi kue, KOTA GBIA ahinga lango ti ala; kodro so aga ti ala, fade ayeke ngba ti ala lakue.

Amato 8:14

Kua ti mbi ayeke ti mu wango na azo; mbi yeke mu lege na ala ti sara aye ti ala nzoni. Mbi laa mbi yeke hingango nda ti aye; ngangu ayeke ti mbi.

Ésaïe 25:1

*KOTA GBIA, mo yeke Nzapa ti mbi, mbi yeke ya iri ti mo, mbi yeke sepela iri ti mo, ngbanga ti so mo sara aye ti dongo be. Mo leke tënë ti aye ni na be ti mo ngbene ye aninga, aluti ngangu si akpengba.

Ésaïe 28:29

Ye so kue alondo na *KOTA GBIA so lo yeke na ndö ti dunia kue, lo so wango ti lo ayeke sara si be ti zo ado, ndara ti lo ayeke kota.

Ésaïe 5:19

Ala yeke tene: “Ye so KOTA GBIA aye ti sara so, ayeke nzoni lo sara ni hio e baa ma! Pialo so Nzapa ti Israel so ayeke nde si ayeke nzoni kue aye ti sara so, ayeke nzoni lo sara ni si e hinga tënë ni ma!”

Jérémie 23:18

Me zo wa laa aduti na ya ti bongbi ti mbi KOTA GBIA, zo wa? Zo wa laa abaa mbi na tenengo tënë ni, zo wa? Zo wa laa ama tënë ni, zo wa? Zo wa laa adingi mê ti lo ti ma tënë ni, zo wa? Zo wa laa ama nda ni, zo wa?”

Jérémie 32:19

Apialo ti mo ayeke kota; na lege ti ngangu ti mo, mo yeke sara si apialo ni abaa gigi. Ye so azo ayeke sara, mo yeke baa ni kpoo. Tongaso, mo yeke sara na zo oko oko alingbi na lege ti dutingo ti lo nga na lengo ti sarango ye ti lo.

Zakarii 6:13

Biani, lo laa lo yeke kiri ti leke kota da ni. Lo yeke yu abongo ti gbia, lo yeke duti na ndö ti mbata ti gbia ti sara komandema na ndö ti azo. Mbeni wayango-sandaga ayeke duti na tere ti lo. Ala use kue ayeke ma tere na popo ti ala nzoni.

Awatokua 13:48

So azo ti amara nde ama tënë so, be ti ala asi na ngia si ala gonda tënë ti Kota Gbia. Ala so a soro ala ti wara fini so angba lakue lakue, ala ma na be.

Awatokua 2:23

A zia koli so na maboko ti ala, ala kanga lo na ndö ti keke ti kroa si ala fâ lo. Andaa Nzapa ahinga kozoni si lo leke na be ti lo awe.

Awatokua 20:27

Biani, aye so kue Nzapa aleke na be ti lo so, mbi fa na ala awe, mbi honde ye oko pepe.

Awatokua 20:32

“Fadeso, mbi zia ala na maboko ti Nzapa, mbi zia nga ala titene tënë ti nzoni be ti lo abata ala. Nzapa ayeke na ngangu ti kpengba ala, ti mu na ala anzoni ye so kue lo bata ni ndali ti azo ti lo.

Awatokua 26:18

Mbi tokua mo ti zi le ti ala, ti mu ala na ya ti vukongo ndo ti sigigi na ala na ya ti lumiere; mo yeke zi ala na gbe ti ngangu ti Satan ti gue na ala na Nzapa. Tongana ala ma na be na mbi, fade a yeke zi siokpari na li ti ala si ala yeke wara ndo na popo ti azo ti Nzapa.’ ”

Awatokua 4:28

Tongaso ala sara ye so kue mo leke kozoni na be ti mo na lege ti ngangu ti mo.

Rome 11:34

Mbeti ti Nzapa atene: “Zo wa laa ahinga tënë ti be ti *Kota Gbia? Zo wa laa alingbi ti mu wango na lo?

Rome 8:17

So e yeke amolenge ti Nzapa, e yeke wara nga anzoni ye ti lo so lo mu zendo ni na azo ti lo; e na Christ laa e yeke wara anzoni ye ni. Biani, so e na Christ e yeke baa pasi legeoko so, fade e na lo nga, e yeke duti na ya ti gonda ti lo.

Rome 8:28

E hinga so, ye kue abongbi ti sara nzoni na azo so aye Nzapa, azo so lo iri ala na lege so be ti lo aye.

Rome 8:29

Biani, azo so Nzapa asoro ala kozoni, lo leke na be ti lo kozoni ti sara si ala ga tongana Molenge ti lo, tongaso si Molenge ni aga yaya ti a-ita mingi.

Rome 8:30

Azo so Nzapa aleke ye so kozoni na be ti lo ndali ti ala, lo iri nga ala, ala so lo iri ala, lo sara si ala ga nga mbirimbiri, ala so lo sara si ala ga mbirimbiri, lo gonda nga ala.

Rome 9:11

Andaa ye so Nzapa aleke na be ti lo ayeke ti soro zo: lo yeke soro zo ndali ti sarango ye ti lo pepe, me tongana ti so be ti lo aye; lo laa lo yeke iri zo. Titene Nzapa abata tënë ti yanga ti lo, lo tene na Rébecca: “Fade kozo molenge ti mo ayeke sara kua na gbe ti ngambe ni.” Nzapa atene tënë ni kozo titene Rébecca adu amolenge ni, andaa ala de ti sara nzoni wala sioni pepe.

Galasii 3:18

Tongana Nzapa ayeke mu fade ye na azo ndali ti so ala sara ye alingbi na Ndia, ka lo mu ye ni na lege ti zendo pepe. Andaa na lege ti zendo laa Nzapa asara nzoni be na Abraham.

Efeze 1:14

Yingo so e wara afa atene, anzoni ye so Nzapa abata ndali ti e, e yeke wara ni kue na ndembe so a yeke zi e na ya ti sioni biani biani. Tongaso, ayeke nzoni e sepela gonda ti Nzapa!

Efeze 1:18

Mbi hunda nga titene lumiere ti Nzapa aza na ya ti hingango ndo ti ala, tongaso si ala lingbi ti hinga ye so lo iri ala ngbanga ni si lo yeke leke ti ku na ala so. Tongaso, fade ala hinga atene, aye so lo bata ndali ti azo ti lo ayeke anzoni ye ahon ndoni,

Efeze 1:5

Nzapa aleke na be ti lo kozoni ti sara si e ga amolenge ti lo na lege ti Jésus Christ. Na lege ti nzoni be ti lo, ye so lo ye ti sara laa.

Efeze 1:8

Nzapa amu na e anzoni ye mingi na lege ti nzoni be ti lo; lo mu na e ndara na hingango ndo kue.

Efeze 1:9

Ye so lo leke na be ti lo si angba na hondengo ni, lo sara si e hinga ni: so ti tene, ye so lo leke kozoni na lege ti nzoni be ti lo ti sara ni na lege ti Christ.

Efeze 3:11

Nzapa asara ye ni alingbi gi na ye so lo leke ando na be ti lo si ayeke lakue lakue; lo sara ni awe na lege ti *Kota Gbia ti e Jésus Christ.

Ndia ti fani use ni 4:20

Me ti ala, azo ti Israel, KOTA GBIA amu ala, lo sara si ala sigigi na sese ti Ezipte, ndo so ala baa pasi daa tongana ti zo so ayeke na ya ti kota fur. Lo sara si ala ga azo ti lo wani, tongana ti so ala yeke laso.

Kolose 1:12

Na ngia na be, ala mu singila na Nzapa Babâ so asara si ala lingbi ti wara anzoni ye so lo leke ndali ti azo ti lo na ya ti lumiere.

Kolose 3:24

Ayeke nzoni ala hinga atene, Kota Gbia ayeke futa ande ala; so ti tene ala yeke wara anzoni ye so Kota Gbia ayeke bata ni ndali ti azo ti lo. Taa Gbia so ala yeke sara kua na lo ayeke Christ.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

Tite 3:7

Tongaso, na lege ti nzoni be ti lo, e ga mbirimbiri na le ti Nzapa si e wara nga fini so angba lakue lakue so e zia be ti e ti ku ni.

Ahebro 6:17

Andaa, azo so Nzapa amu zendo ti mu aye na ala, lo ye ti fa biani na ala so be ti lo angba lakue na ndö ti zendo ni. Ndani laa lo deba yanga ti lo na ndö ti zendo ni.

Jacques 2:5

A-ita ti mbi so mbi ye ala mingi, ala ma mbi si: Nzapa asoro azo so azo ti dunia so abaa ala tongana awayere titene ala ga azo ti mosoro na lege ti mabe si *Kodro-gbia so Nzapa amu zendo ni aga ti ala. Biani, lo mu zendo ni na azo so aye lo!

1 Pierre 1:4

E yeke ku nga ti wara aye so Nzapa ayeke mu na azo ti lo titene aga ti ala. Aye ni alingbi ti buba pepe, ye ti sioni alingbi ti si na tere ni pepe si pendere ni alingbi ti hon nga pepe. Nzapa ayeke bata aye ni ti ku na ala na yayu.

1 Pierre 3:9

Ala kiri sioni ndali ti sioni pepe, ala kiri zonga ndali ti zonga pepe. Me ala sara tufa na ndö ti azo, ngbanga ti so Nzapa airi ala ndali ni, tongaso si fade Nzapa ayeke sara tufa na ndö ti ala.