Efeze 1:10 - Mbeti ti Nzapa - Tënë so amu fini

¹⁰ Lo leke na be ti lo titene, tongana lango ni alingbi awe, lo yeke bongbi ye kue ti yayu na ti sese na gbe ti makonzi oko so ayeke Christ.

Efeze 1:10 ပူးပေါင်းရင်းမြစ်များ

Tongo nda ti aye 49:10

Mbata ti gbia ayeke ngba lakue na ya ti sewa ti Juda. *Ahale ti lo ayeke ngba lakue na komandema, ngbii taa wa ti komandema ni asi. Lo laa azo ti mara kue ayeke ma yanga ti lo.

Daniel 2:44

Na ngoi ti agbia ni, fade Nzapa so ayeke na yayu ayeke sara mbeni kodro so ayeke buba laoko pepe; kodro ni ayeke ti na gbe ti azo ti ambeni mara nde pepe. Fade kodro ni ayeke fâ si ayeke nika ambeni kodro ni kue; gi kodro oko so laa ayeke ngba ti lo lakue lakue.

Amos 9:11

“Gbata ti David ayeke tongana mbeni da so atuku na sese awe. Na lango ni so, fade mbi yeke kiri ti yo ni na nduzu, mbi yeke kanga adu ti da ni, mbi yeke kiri ti leke da ni kue; mbi yeke sara si akiri aluti na nduzu tongana ti kozo.

Malashii 3:1

Tënë so *KOTA GBIA so ayeke na ndö ti dunia kue atene laa: “Baa, mbi yeke tokua zo ti mbi; lo yeke leke lege na dawa ti mbi. Gi hio tongaso, kota zo so ala yeke gi lo so, fade lo yeke si na ya ti kota da ti lo. Zo ti tokua so ala sara nzara ti lo so ayeke ga ti fa tënë ti *mbuki ti mbi na ala.

Matthieu 25:32

Fade a yeke bongbi amara kue na dawa ti lo; lo yeke kangbi popo ti ala tongana ti so wabatango-taba ayeke kangbi popo ti ataba ti lo na angasa ti lo:

Marc 1:15

Lo tene: “Ngbonga ni alingbi awe, *Kodro-gbia ti Nzapa aga nduru awe. Ala zia ngbene lege ti sarango ye ti ala, ala ma na be na Nzoni Tënë!”

1 Korente 10:11

Aye so asi ando na akotara ti e titene e manda ye na lege ni. A su ni na mbeti ti gboto mê ti e, ngbanga ti so e yeke na ngoi so nda ti aye kue aga nduru ti si awe.

1 Korente 11:3

Me mbi ye ala hinga so Christ ayeke makonzi ti koli kue; koli ayeke makonzi ti wali si Nzapa ayeke makonzi ti Christ.

Galasii 4:4

Me so ndembe ni alingbi na le ti Nzapa awe, lo tokua Molenge ti lo; wali laa adu lo, lo duti na gbe ti *Ndia ti azuife

Efeze 1:22

Nzapa azia ye kue na gbe ti Christ; lo so lo yeke na ndö ti aye kue, lo zia lo kota makonzi na li ti *Eglize.

Efeze 2:15

*Ndia ti Moïse so atene na zo, atene: “Mo sara so, mo sara so!”, Christ amingo ni awe. Lo sara tongaso ti bongbi azuife na azo ti amara nde titene ala ga mara oko, na lege ti gango so ala use kue aga oko na lo; Christ asara so ti zia siriri na popo ti ala.

Efeze 3:15

lo so lo mu iri na aye so kue ayeke na fini na yayu nga na ndö ti sese.

Efeze 3:2

Ala hinga atene, Nzapa azia kua so na maboko ti mbi na lege ti nzoni be ti lo titene mbi sara ni ndali ti ala.

Kolose 1:16

Na lege ti lo, Nzapa asara aye so kue ayeke na yayu na aye so kue ayeke na sese, aye so zo ayeke baa na aye so zo ayeke baa pepe, ayingo so aduti gbia, ala so ayeke makonzi na ala so ayeke na komandema. Nzapa asara aye kue na lege ti Christ, ndali ti Christ.

Kolose 1:20

Nzapa ayeda nga si songo akiri na popo ti lo na aye ti dunia kue na lege ti Molenge ti lo. Lo mu siriri na aye kue na lege ti mene ti Molenge ti lo so ayuru na ndö ti keke ti kroa. Tongaso, songo akiri na popo ti lo na aye kue, ataa aye ti sese, ataa aye ti yayu kue.

Kolose 3:11

Nilaa greke wala zuife ayeke daa mbeni pepe, zo so afâ *ganza wala zo so afâ ganza pepe, zo ti amara nde wala basanzi, ngbaa wala zo so ayeke ngbaa pepe ayeke daa mbeni pepe; me kota ye ni ayeke so: Christ ayeke ye kue si lo yeke na be ti azo ti lo kue.

Ahebro 1:2

Me na ngoi ti ndani so e yeke daa, lo tene tënë na e na lege ti Molenge ti lo. Nzapa asara dunia mobimba na lege ti Molenge si lo zia Molenge ni titene aye kue aga ti lo.

Ahebro 11:40

Biani, Nzapa aleke ndali ti e mbeni nzoni ye so ahon atanga ni. Ndani laa, lo ye titene ala ku si e na ala, e ga nzoni kue legeoko.

Ahebro 9:10

Aye so kue ayeke gi asenge ndia ti azo, andia so ayeke na ndö ti tengo akobe, na nyongo ye, na tënë ti *sukulango asioni nde nde. Ndia so ayeke ngba ngbii asi na ndembe so Nzapa asara titene ye oko oko kue akiri aga fini ni.

1 Pierre 1:20

Nzapa asoro Christ kozoni si dunia abaa gigi. Na ngoi ti ndani, lo fa Christ na le ti azo kue ndali ti nzoni ti ala, a-ita.

Aye so Nzapa afa 5:9

Ala yeke he fini bia, atene: “Mo lingbi ti mu mbeti ni ti zi anzoroko ni, ngbanga ti so a fâ mo ando awe. Mo futa ngere ti vongo azo na mene ti mo titene mo vo azo ti akete mara kue na Nzapa, azo ti ayanga ti kodro kue, azo ti akodro kue na azo ti amara kue.