Daniel 9:7 - Mbeti ti Nzapa - Tënë so amu fini

⁷ KOTA GBIA, mo yeke ti mo mbirimbiri, me ti e, gi kamene laa ayeke na le ti e. Ye ni laa e yeke baa laso na tere ti azo ti Juda nga na tere ti azo ti Jérusalem, na azo ti Israel kue, ataa ala so ayeke nduru wala ala so ayeke na yongoro ndo. Biani, azo ti mara ti e akangbi kirikiri na ando nde nde so mo tumba ala daa ndali ti so ala sara sioni so ake mo.

Daniel 9:7 ပူးပေါင်းရင်းမြစ်များ

Esdras 9:13

Nzapa ti e, akpale so kue asi na e ndali ti asioni sarango ye ti e nga ndali ti kota sioni ye so e sara. Me mo fâ ngbanga na li ti e alingbi na asioni ti e ni pepe. Mo sara si e ngba na fini, e so e yeke ge so.

Esdras 9:15

KOTA GBIA, Nzapa ti Israel, mo yeke mbirimbiri! Laso, mo sara si ambeni zo na popo ti e angba na fini. Baa, e laa na gbe ti mo na asioni ye ti e na li ti e so! Ndali ti aye tongaso, zo oko alingbi ti luti fade na le ti mo pepe.”

Néhémie 9:33

Na ya ti aye so kue asi na e, mo sara ye mbirimbiri nga na lege ti taa-tënë; me ti e, e sara ye so ayeke sioni.

Abia (Psaumes) 119:137

KOTA GBIA, mo yeke mbirimbiri, atënë ti fango ngbanga ti mo ayeke na legeni.

Abia (Psaumes) 44:15

Mo sara si e ga tongana tënë ti toli ti amara nde; azo ayeke he e na ngia si ala yeke yingi li ti ala.

Abia (Psaumes) 51:14

Sara si mbi kiri mbi duti na ngia ndali ti so mo soo mbi awe; sara si Yingo ti mo amu na mbi ngangu; Yingo ti mo so ayeke sara nzoni ye na zo.

Abia (Psaumes) 51:4

Sukula asioni ti mbi kue; zi siokpari ti mbi si mbi ga *nzoni.

Ésaïe 11:11

Na lango ni so, *KOTA GBIA ayeke yoro maboko ti lo ti fani use ti zi tanga ti azo ti lo ti kiri na ala na kodro ti ala: azo ti lo so angba na fini na sese ti Asirii, ti Ezipte, ti Patros, ti Kush, ti Elam, ti Shinear nga na ti Hamat na ala so ayeke na ya ti azoa so ayeke na le ti kota ngu-ingo.

Ésaïe 45:16

Azo so ayeke leke ayanda, kamene ahon ndö ti ala, kamene agbu le ti ala. Ala ba li ti ala na sese na kamene si ala yeke hon.

Jérémie 12:1

*KOTA GBIA, mo yeke mbirimbiri ahon ndoni, mbi lingbi ti dekite na mo pepe; me mbi ye ti hunda na mo tënë na ndö ti alege ti fango ngbanga ti mo: Ngbanga ti nyen si gigi ti azo ti sioni ayeke ga nzoni so? Ngbanga ti nyen si azo so ake tënë ti mo ayeke duti ti ala kpoo so?

Jérémie 23:6

Na ngoi ti lo, fade a yeke soo kodro-gbia ti Juda, mbeni ye ti sioni ti si na Israel ayeke duti daa pepe. Iri so fade azo ayeke iri na lo laa: ‘KOTA GBIA ayeke mbirimbiri ti e.’

Jérémie 24:9

Na ya ti akodro-gbia kue ti sese, fade mbi yeke sara si ala, azo ti Juda, ala ga tapande ti kpale so ayeke sara si azo ado na kota mbeto. Na ando so kue mbi yeke tumba ala daa, ala yeke ga tapande; zo ayeke mu iri ti ala ti zonga na mba ti lo wala ti he lo, ti he bia na iri ti lo wala ti deba lo.

Jérémie 3:25

Ayeke nzoni e lango na sese ndali ti kamene ti e, sarango ye ti buba ti e akanga ndö ti e, ngbanga ti so e na akotara ti e, e sara ye so ayeke sioni ti ke KOTA GBIA, Nzapa ti e; e sara ni ti londo na ngoi so e de molenge ngbii asi laso. E ma yanga ti KOTA GBIA, Nzapa ti e pepe.”

Jérémie 32:32

Biani, azo ti Israel na azo ti Juda asara sioni mingi, ala sara si ngonzo ti mbi alondo; ala na agbia ti ala, amakonzi ti ala, awayango-sandaga ti ala, awayanga-Nzapa ti ala nga na azo ti Juda na azo ti Jérusalem.

Jérémie 33:16

Na lango ni so, fade a yeke soo kodro-gbia ti Juda si mbeni ye ti sioni ti si na Jérusalem ayeke duti daa pepe. Iri so fade azo ayeke iri na lo laa: ‘KOTA GBIA ayeke mbirimbiri ti e.’ ”

Jérémie 4:17

Ala ngoro Jérusalem tongana ti so azo ti batango yaka ayeke ngoro yaka. Azo ni angoro Jérusalem, ngbanga ti so lo sara ngangu li na mbi; so tënë ti yanga ti KOTA GBIA laa.

Jérémie 7:19

Mbi laa ala yeke sara sioni na mbi so? Oko pepe! Ala sara ye ni ti bi kamene gi na le ti ala wani; so tënë ti yanga ti KOTA GBIA laa.”

Ezekiel 16:63

Tongaso, fade mo yeke dabe ti mo na ngoi so ahon; kamene ayeke sara mo si mo yeke kiri ti zi yanga pepe ndali ti gba ti kamene so agbu le ti mo na ndembe so mbi yeke zi na li ti mo sioni so kue mo sara. So tënë ti yanga ti Kota Gbia NZAPA laa.”

Ezekiel 36:31

Na ndembe ni so, fade ala yeke dabe ti ala na sioni lege ti dutingo ti ala nga na asioni sarango ye ti ala; fade li ti ala ayeke ne na kamene ndali ti asiokpari ti ala nga ndali ti asioni ye so ala sara si zo alingbi ti baa na le ti lo fani use pepe so.

Ezekiel 5:10

Na ya ti gbata ni, fade babâ na mama ayeke te amolenge ti ala, amolenge ayeke te babâ na mama ti ala. Mbi yeke fâ ngbanga na li ti ala; ti tanga ti azo so ayeke ngba na fini, mbi yeke kangbi ala kirikiri na ndo kue.

Ezekiel 6:12

Zo so ayeke na yongoro ndo, sioni kobela ti bubango kodro ayeke fâ lo, zo so ayeke nduru ge, lo yeke kui na ya ti bira. Ti atanga ni, ala so angba si a ngoro ala na bira so, fade nzara ayeke fâ ala. Mbi yeke tuku ngonzo ti mbi ti wâ na ndö ti ala ngbii be ti mbi ade si.

Daniel 9:14

Ndani laa mo leke ye kue titene sioni kpale so asi na e, ngbanga ti so KOTA GBIA Nzapa ti e ayeke mbirimbiri na ya ti asarango ye ti lo kue; me e ke ti ma yanga ti mo.

Daniel 9:18

Nzapa ti mbi, dingi mê ti mo, mo ma mbi! Zi le ti mo, mo baa bubango so gbata ti e abuba so; gbata so a di iri ti mo daa so. E voro tere ti e na mo ndali ti aye ti mbirimbiri so e sara pepe, me ndali ti kota nzoni be ti mo.

Daniel 9:8

KOTA GBIA, kamene ayeke na le ti e, e na agbia ti e, na amakonzi ti e na akotara ti e, ngbanga ti so e sara siokpari so ake mo.

Amos 9:9

Ti fadeso, mbi yeke mu yanga titene a yengere azo ti Israel na popo ti azo ti amara nde tongana ti so a yeke yengere ale ti kobe si gi ale ti têne laa angba na ya ti yengere ni.

Rome 6:21

Aye so ando ala yeke sara so, nzoni ye ti nyen laa ala wara daa? Fadeso aye ni asara ala kamene, ngbanga ti so ye ti peko ni ayeke gi kuâ!

Ndia ti fani use ni 32:4

Nzapa ayeke Kota Têne ti batango e. Aye so kue lo sara ayeke nzoni kue, lege ti sarango aye ti lo kue ayeke mbirimbiri. Lo yeke Nzapa so ayeke sara ye alingbi na tënë ti yanga ti lo, lo yeke sara ye ti kirikiri pepe, lo yeke lakue mbirimbiri, lo yeke fâ ngbanga na legeni.

Ndia ti fani use ni 4:27

Fade KOTA GBIA ayeke kangbi ala kirikiri na popo ti amara nde; wungo ti ala ayeke ngba gi kete na ya ti akodro so KOTA GBIA ayeke tumba ala daa.