Daniel 9:6 - Mbeti ti Nzapa - Tënë so amu fini

⁶ Azo ti kua ti mo so ayeke awayanga-Nzapa atene peko ti tënë ti yanga ti mo na agbia ti e, na amakonzi ti e, na akotara ti e nga na azo ti kodro kue; me e ke ti ma ala.

Daniel 9:6 ပူးပေါင်းရင်းမြစ်များ

2 Agbia 18:12

Aye so kue asi, ngbanga ti so azo ti Israel ama yanga ti *KOTA GBIA, Nzapa ti ala pepe, ala buba ya ti *mbuki ti lo. Aye so kue Moïse, zo ti kua ti KOTA GBIA amu ando yanga na ala ti sarango ni, ala ma ni pepe, ala sara nga ye alingbi na ni pepe.

2 Mbai 33:10

KOTA GBIA atene tënë na Manase nga na azo ti lo, me ala dingi mê ti ala pepe ti ma tënë ni.

Esdras 9:7

Ti londo na ngoi ti akotara ti e ngbii asi laso, e sara sioni ahon ndoni. Ndali ti siokpari ti e, e na agbia ti e, na awayango-sandaga ti e, e ti na gbe ti agbia ti amara nde; ala sara bira na e, ala gbu e ague na e na kodro wande, ala gbu aye ti e ahon na ni, ala bi kamene na le ti e, tongana ti laso so.

Néhémie 9:30

Mo kanga be ti mo na ala na ya ti ngu mingi. Na lege ti yingo ti mo, mo mu wango na ala na lege ti awayanga ti mo; me ala ma awayanga ti mo ni pepe. Tongaso mo zia ala na maboko ti azo ti amara nde.

Néhémie 9:32

Nzapa ti e, mo yeke kota Nzapa, mo yeke ngangu, mo yeke mu mbeto na zo; *mbuki so mo sara na e, mo yeke bata tënë ni mbirimbiri. Ti londo na ngoi ti agbia ti Asirii ngbii asi laso, aye ti ngangu so asi na e wani, agbia ti e na amakonzi ti e, awayango-sandaga na awayanga-Nzapa ti e, akotara ti e na azo ti mo kue, ayeke nzoni mo baa ni tongana senge ye pepe.

Néhémie 9:34

Agbia ti e na amakonzi ti e, awayango-sandaga ti e nga na akotara ti e asara ye alingbi na ndia ti mo pepe; ala dingi mê ti ala ti ma atënë ti ndia ti mo pepe, wala atënë ti yanga ti mo so mo mu wango na ala daa.

Jérémie 26:5

Ala ma tënë ti azo ti kua ti mbi, awayanga-Nzapa! Mbi mu ngoi ti mbi kue ti tokua na ala awayanga-Nzapa, me ala ma ala pepe.

Jérémie 29:19

Biani, ala ma tënë ti mbi pepe, ataa so mbi mu ngoi ti mbi kue ti tokua na ala awayanga-Nzapa so ayeke azo ti kua ti mbi; so tënë ti yanga ti KOTA GBIA laa. Me ala ma awayanga-Nzapa ni pepe; so tënë ti yanga ti KOTA GBIA laa.’

Jérémie 44:16

“Ataa so mo tene tënë so na e na iri ti *KOTA GBIA, e ye ti ma mo pepe.

Jérémie 7:13

Baa, fadeso ala yeke sara gi mara ti asioni ye so. Mbi mu ngoi ti mbi kue ti tene tënë na ala, me ala ma pepe; mbi iri ala, me ala ke ti yeda; so tënë ti yanga ti KOTA GBIA laa.

Jérémie 7:24

Me ala ke ti ma tënë ni; ala dingi mê ti ala kete pepe ti ma ni; ala sara gi ye so sioni be ti ala afa. Titene ala baa ndo na mbage ti mbi, ala zia gi peko ti ala na mbi.

Daniel 9:10

Mo mu na e andia ti mo na lege ti azo ti kua ti mo so ayeke awayanga-Nzapa si mo hunda na e ti sara ye alingbi na ni. Me e ke ti ma yanga ti mo, KOTA GBIA Nzapa ti e.

Daniel 9:9

KOTA GBIA Nzapa ti e, ataa so e sara ngangu li na mo, me ndali ti nzoni be ti mo, mo yeke zi siokpari na li ti e.

Matthieu 23:37

“Jérusalem! Jérusalem! Mo so mo yeke fâ awayanga-Nzapa; azo so Nzapa atokua ala na mo, mo bo ala na têne ti fâ ala. Lege mingi, mbi ye fade ti bongbi azo ti mo na gbe ti mbi tongana ti so mama ti kondo ayeke bongbi amolenge ti lo na gbe ti maboko ti lo, me mo yeda pepe!

Awatokua 13:27

Biani, azo ti Jérusalem na amakonzi ti gbata ni ake ti hinga Jésus, ala fâ ngbanga ti kuâ na li ti lo; tënë ti awayanga-Nzapa so ala yeke diko lakue na lango ti wungo tere so aga taa-tënë.