Daniel 9:23 - Mbeti ti Nzapa - Tënë so amu fini

²³ Gi so mo to nda ti voro tere ti mo na Nzapa, mbeni tënë asigigi. Nilaa mbi ga ti fa ni na mo, ngbanga ti so Nzapa aye mo. Ayeke nzoni mo ma tënë so nzoni si mo gi ti ma ya ti ye so mo baa na ya ti mbeni ye tongana bango-li so.

Daniel 9:23 ပူးပေါင်းရင်းမြစ်များ

2 Agbia 19:20

Tongaso, Ésaïe, molenge ti Amoz atokua azo na Ezekias, atene: “Tënë so *KOTA GBIA, Nzapa ti Israel atene ayeke so: Mbi ma sambela ti mo so mo sara ndali ti Senakerib, gbia ti Asirii awe.

Amato 15:8

Be ti KOTA GBIA ake mingi *sandaga ti azo ti sioni; me be ti lo anzere na sambela ti azo ti mbirimbiri.

B. ti abia 7:10

Mbi su yanga ti mo, asara mbi tongana nzoni vin! Biani, nzoni vin so a bata ndali ti kamba ti be ti mbi, anzere na yanga ti e so e yeke lango.

Ezekiel 14:14

Ataa akoli ota so, Noe, Daniel na Job ayeke fade na popo ti azo ti kodro ni, mbirimbiri ti ala ayeke soo gi fini ti ala wani. So tënë ti yanga ti Kota Gbia NZAPA laa.

Ezekiel 24:16

“*Molenge ti zo, wali so anzere na le ti mo so, mbi yeke zi fini ti lo gi biaku tongaso. Me fade mo yeke toto kuâ ti lo pepe, mo yeke dema tere ti mo pepe, ngu ti le ti mo ayeke yuru pepe.

Ezekiel 26:12

Azo ni ayeke nzi amosoro ti mo, ala yeke gbu akungba ti mo ti ngere ti hon na ni. Ala yeke kungbi na sese agbagba ti mo si ala yeke buba apendere kota da ti mo; ala yeke mu atêne ti da ni, akeke ni nga na afuku ti sese ni si ala yeke tuku ni na ya ti ngu.

Daniel 10:1

Na ngu ota ni so Sirus ayeke gbia ti Perse, a fa na Daniel, lo so a di iri ti lo Beltasar, mbeni tënë so alondo na Nzapa. Tënë ni ayeke taa-tënë si afa tënë ti kota ye ti mawa so ayeke si. Daniel agbu li ti lo daa mingi si lo hinga nda ti tënë ni na lege ti ye so lo baa na ya ti mbeni ye tongana bango-li.

Daniel 10:19

Na pekoni, lo tene na mbi, lo tene: ‘Mo koli so Nzapa aye lo mingi so, mo sara mbeto pepe! Ayeke nzoni mo duti na siriri! Wara ngangu, kpengba tere ti mo!’ So lo yeke tene tënë na mbi, ngangu ti mbi ato nda ti ga daa si mbi tene na lo, mbi tene: ‘Babâ, mo lingbi ti tene tënë senge, ngbanga ti so mo mu na mbi ngangu awe.’

Daniel 6:3

Lo zia na li ti ala agbenyogbia ota; oko ti agbenyogbia ni ayeke Daniel. Amakonzi ni ayeke fa peko ti akua ti ala na agbenyogbia ota so, tongaso si iri ti gbia alingbi ti buba pepe.

Matthieu 24:15

“Ndani laa, fade ala yeke baa ye so iri ni ‘Sioni-kpale-ti-bubango-ndo-kue’ so Daniel, wayanga-Nzapa, atene tënë ni ando so. Sioni kpale ni ayeke duti na ndo so ayeke nde si ayeke nzoni kue. – Mo so mo yeke diko mbeti so, mo gi nda ti ye so nzoni! –

Nzoni Tënë so Luc asu na mbeti 1:28

Ange ni asi na ndo so lo yeke daa si atene na lo: “Mbi bara mo-oo! Nzapa asara nzoni be na mo. *Kota Gbia ayeke na mo.”