Daniel 9:18 - Mbeti ti Nzapa - Tënë so amu fini

¹⁸ Nzapa ti mbi, dingi mê ti mo, mo ma mbi! Zi le ti mo, mo baa bubango so gbata ti e abuba so; gbata so a di iri ti mo daa so. E voro tere ti e na mo ndali ti aye ti mbirimbiri so e sara pepe, me ndali ti kota nzoni be ti mo.

Daniel 9:18 ပူးပေါင်းရင်းမြစ်များ

1 Agbia 8:29

Zi le ti mo bi na lâ ti baa ndo na tere ti kota da so, ndo so mo tene: ‘Ndo so mbi yeke duti daa laa.’ Ma sambela so mbi, zo ti kua ti mo, mbi yeke ya na mo na ndo so.

2 Agbia 19:16

KOTA GBIA, dingi mê ti mo, mo ma si! KOTA GBIA, zi le ti mo, mo baa ye si! Mo ma atënë ti Senakerib, lo so lo tokua makonzi ti aturugu ti batango lo titene lo zonga Nzapa so ayeke na fini so!

Abia (Psaumes) 116:1

Mbi ye *KOTA GBIA, ngbanga ti so lo ma mbi tongana mbi toto na lo.

Abia (Psaumes) 25:6

KOTA GBIA, dabe ti mo na nzoni be ti mo, nga na ndoye ti mo so mo to nda ni giriri.

Sigingo 3:7

KOTA GBIA akiri atene: “Mbi baa biani lege so azo ti mbi ayeke baa pasi na Ezipte; mbi ma toto ti ala ndali ti aye ti ngangu so amakonzi ti kua ti Ezipte ayeke sara na ala. Biani, mbi hinga pasi so ala yeke na ya ni.

Ésaïe 37:17

KOTA GBIA, dingi mê ti mo, mo ma si! KOTA GBIA, zi le ti mo, mo baa ye si! Mo ma atënë so Senakerib atokua ni ti zonga Nzapa so ayeke na fini so!

Ésaïe 43:7

Mo kiri na azo so kue iri ti mbi ayeke na ndö ti ala, ala so mbi sara ala, so mbi leke ala si mbi sara ala titene ala gonda mbi.”

Ésaïe 64:6

Zo oko ti di iri ti mo ayeke daa pepe, zo oko ti zingo na lango si lo bongbi oko na mo ayeke daa pepe. Biani, mo honde le ti mo na e, mo zia e si e woko na gbe ti sioni ti e.

Jérémie 14:7

“Tongana asioni ti e ayeke bi tënë na li ti e, ayeke nzoni KOTA GBIA, mo sara mbeni ye ndali ti iri ti mo. Biani, e zia mo fani mingi; e sara sioni so ake mo.

Jérémie 14:9

Ngbanga ti nyen si mo yeke sara ye tongana koli pepe so? Ngbanga ti nyen si mo yeke sara ye tongana mbeni ngangu koli so alingbi fade ti soo azo, me lo soo ala pepe so? Andaa KOTA GBIA, mo yeke na popo ti e, a zia e nde ndali ti mo awe; mo zia e pepe!”

Jérémie 15:16

Gi so atënë ti mo asi na mbi, mbi mu ni si aga ye ti mbi; atënë ni amu ngia na mbi, azia ngia mingi na be ti mbi. Biani, a zia mbi nde ndali ti mo awe, KOTA GBIA Nzapa so ayeke na ndö ti dunia kue.

Jérémie 25:29

Biani, gbata so a zia nde ndali ti mbi, mbi yeke to nda ti tokua kota kpale ti ti na ndö ni. Ala baa ti ala atene, ala yeke sigigi na ya ni? Oko pepe, fade ala yeke sigigi na ya ni pepe. Me gi bira laa mbi yeke tokua na tere ti azo ti dunia kue; so tënë ti yanga ti KOTA GBIA laa.”

Jérémie 36:7

Tongaso, e hinga pepe, vorongo tere ti ala ayeke si na KOTA GBIA si zo oko oko ayeke zia sioni lege ti sarango ye ti lo. Biani, KOTA GBIA asara ngonzo mingi si ngonzo ti lo ti wâ alondo na tere ti mara so.”

Jérémie 37:20

Ti hunzi na ni, Jérémie akiri atene: “Babâ gbia, fadeso, mbi gbu gere ti mo, mo ma mbi si! Ayeke nzoni vorongo tere ti mbi na mo agbu be ti mo: mo sara si a kiri na mbi na da ti wakuasu Jonatan pepe; tongaso pepe, fade mbi yeke kui kâ.”

Ezekiel 36:22

Ndani laa, tene na azo ti Israel, mo tene: Tënë so Kota Gbia NZAPA atene ayeke so: Ye so mbi sara so, mbi sara ni ndali ti ala, azo ti Israel pepe. Me mbi sara ni ndali ti iri ti mbi so ayeke nde si ayeke nzoni kue, iri ti mbi so ala buba ni na popo ti amara nde so ala ga na ndo ti ala.

Ezekiel 36:32

Ala azo ti Israel, alingbi ala hinga atene, ye so mbi yeke sara so, mbi sara ni ndali ti ala pepe; so tënë ti yanga ti mbi, Kota Gbia NZAPA laa. Ayeke fade nzoni titene kamene asara ala si be ti ala aso ndali ti lege ti sarango ye ti ala.

Daniel 9:7

KOTA GBIA, mo yeke ti mo mbirimbiri, me ti e, gi kamene laa ayeke na le ti e. Ye ni laa e yeke baa laso na tere ti azo ti Juda nga na tere ti azo ti Jérusalem, na azo ti Israel kue, ataa ala so ayeke nduru wala ala so ayeke na yongoro ndo. Biani, azo ti mara ti e akangbi kirikiri na ando nde nde so mo tumba ala daa ndali ti so ala sara sioni so ake mo.

Wungo ti azo 6:27

Tongana awayango-sandaga adi iri ti mbi tongaso ti sara na tufa na ndö ti azo ti Israel, fade mbi yeke sara tufa na ndö ti ala.”

1 Korente 1:2

na *Eglize ti Nzapa so ayeke na gbata ti Korente, ala so aga azo ti Nzapa na lege ti gango so ala ga oko na Jésus Christ, ala so Nzapa airi ala si lo zia ala nde ndali ti lo wani. Lo iri nga azo so kue ayeke na ando nde nde si ala yeke di iri ti *Kota Gbia ti e Jésus Christ, so lo yeke Kota Gbia ti ala si lo yeke nga Kota Gbia ti e.