Daniel 9:17 - Mbeti ti Nzapa - Tënë so amu fini

¹⁷ Fadeso, ayeke nzoni KOTA GBIA Nzapa ti e, mo ma sambela na vorongo tere ti mbi, zo ti kua ti mo, so mbi yeke voro tere ti mbi na mo so. Ndali ti iri ti mo wani, ayeke nzoni mo baa na nzoni le ndo so a zia ni nde ndali ti mo si abuba so.

Daniel 9:17 ပူးပေါင်းရင်းမြစ်များ

1 Agbia 8:28

Ataa so kue, KOTA GBIA, Nzapa ti mbi, dingi mê ti mo, mo ma sambela ti mbi na toto ti mbi, zo ti kua ti mo. Ma dekongo na sambela so mbi, zo ti kua ti mo, mbi yeke ya na mo laso.

Néhémie 1:6

Mbi gbu gere ti mo, ayeke nzoni mo bi le ti mo na mbage ti mbi, mo zi mê ti mo, mo ma sambela so mbi yeke ya na mo, mbi, zo ti kua ti mo. Ti ndembe so, bi na lâ, mbi ngba na gbe ti mo ti sambela ndali ti e, azo ti Israel, azo ti kua ti mo. Mbi hunda na mo ti zi na li ti e asiokpari so e sara ti ke mo. Biani, mbi na akotara ti mbi, e sara siokpari.

Abia (Psaumes) 119:135

Baa mbi zo ti kua ti mo na nzoni le; fa na mbi ambela ti mo.

Abia (Psaumes) 4:6

Ala mu asandaga so alingbi na tënë ti ndia, ala zia be ti ala kue na ndö ti KOTA GBIA.

Abia (Psaumes) 67:1

Bia so ayeke ndali ti makonzi-bia. A he ni na kundi. Bia.

Abia (Psaumes) 67:2

Nzapa, ayeke nzoni mo baa mawa ti e, mo sara tufa na ndö ti e! Ayeke nzoni mo baa e na nzoni le! Luti kete

Abia (Psaumes) 74:3

Ga mo baa ndo so abuba biani biani awe so: na ndo ti mo so ayeke nde si ayeke nzoni kue so, wato abuba ye kue awe.

Abia (Psaumes) 80:1

Bia ti Asaf; bia so ayeke ndali ti makonzi-bia. A he ni na kundi.

Abia (Psaumes) 80:19

Tongaso, fade e yeke hon na tere ti mo pepe, mo yeke sara si e kiri e duti na fini si e yeke voro mo.

Abia (Psaumes) 80:3

fa ni na le ti azo ti mara ti Efraim, ti Benjamin na ti Manase, fa ngangu ti mo, ga, mo soo e!

Abia (Psaumes) 80:4

Nzapa, sara si e kiri maa! Baa e na nzoni le si fade e soo kuâ.

Abia (Psaumes) 80:7

Mo sara si azo so ayeke nduru na e ayeke tiri na popo ti ala ndali ti e, e ga ye so awato ti e ayeke he na ngia.

Ésaïe 48:11

Ndali ti mbi wani, ndali ti mbi wani laa, mbi sara aye ni so. Biani, mbi ke titene a buba iri ti mbi; mbi ke nga titene gonda ti mbi aga ti mbeni zo nde.”

Abia ti demango tere 3:56

si mo ma go ti mbi: “Mbi yeke dema, mbi yeke dekongo na mo ti mu na mbi maboko, mo kanga mê ti mo ti ma mbi pepe!”

Abia ti demango tere 5:18

Ndani ayeke so: hoto ti Sion aga ngonda; hoto ni aga ndo ti fonongo ti anyama ti gbungo kondo.

Daniel 9:19

Kota Gbia, mo ma e maa! Kota Gbia, mo zi sioni ti e na li ti e maa! Kota Gbia, dingi mê ti mo, mo ma e maa! Nzapa ti mbi, ndali ti iri ti mo wani, mo ku pepe, mo sara ye hio ndali ti gbata ti mo na azo ti mo.”

Jean 16:24

Ala de ti hunda mbeni ye na iri ti mbi pepe. Ayeke nzoni ala hunda ye, fade ala wara ni si ngia ti ala alingbi kue.”

2 Korente 1:20

Na lege ti lo laa Nzapa atene “een” ti mu na e aye so kue lo mu ando zendo ni. Na lege ti lo nga laa e yeke tene “amen” ti gonda Nzapa.

Aye so Nzapa afa 21:23

Gbata ni aku titene lâ wala nze asu na ya ni pepe, ngbanga ti so gonda ti Nzapa ayeke su na ya ni si Molenge ti Taba ayeke sara titene ndo ni avuru.