Daniel 9:16 - Mbeti ti Nzapa - Tënë so amu fini

¹⁶ Kota Gbia, mo sara ando aye ti mbirimbiri mingi. Tongaso, ayeke nzoni sioni ngonzo ti mo ahon yongoro na tere ti Jérusalem, gbata ti mo na hoto ti mo so ayeke nde si ayeke nzoni kue so. Ndali ti siokpari ti e na ti akotara ti e, amara so kue angoro e ayeke zonga Jérusalem na azo ti mo.

Daniel 9:16 ပူးပေါင်းရင်းမြစ်များ

Néhémie 9:8

Mo baa so lo yeke bata be ti lo na mo lakue; nilaa mo na lo asara *mbuki: mo mu zendo ti mu na *ahale ti lo sese ti azo ti Kanaan, ti azo ti mara ti Het, ti Amori, ti Perizi, ti Yebus na ti Girgashi. Mo sara ye alingbi na zendo ni, ngbanga ti so mo yeke mbirimbiri.

Abia (Psaumes) 143:1

Bia ti David. *KOTA GBIA, ma sambela ti mbi, dingi mê ti mo, mo ma totongo tere ti mbi. Ndali ti so mo yeke bata tënë ti yanga ti mo si mo yeke mbirimbiri, kiri tënë na mbi!

Abia (Psaumes) 31:1

Bia ti David; bia so ayeke ndali ti makonzi-bia.

Abia (Psaumes) 41:13

Mo gbu mbi awe, mbi ngba na nduzu, mo mu na mbi nzoni tere awe; mo sara si mbi ngba na dawa ti mo kpu na kpu.

Abia (Psaumes) 71:2

Mo so mo yeke bata tënë ti yanga ti mo, zi mbi, sigigi na mbi na ya ti kpale; dingi mê ti mo, mo ma mbi, soo mbi!

Abia (Psaumes) 79:4

Azo so ayeke nduru na e azonga e, azo so angoro e ahe e na ngia, e ga buba ye na le ti ala.

Abia (Psaumes) 85:4

Mo kai ngonzo ti mo awe, mo zia lege ti ngonzo ti mo ti wâ awe.

Abia (Psaumes) 89:51

Kota Gbia, dabe ti mo na zonga so azo azonga na azo ti kua ti mo; dabe ti mo na zonga ti gba ti amara so a zia na li ti mbi so.

Sigingo 20:5

Alingbi mo kuku na gbe ti ayanda so pepe, mo voro ala pepe, ngbanga ti so mbi KOTA GBIA Nzapa ti mo, mbi yeke Nzapa so ayeke sara mbanda ti azo ti lo. Azo so asara sioni ti ke mbi, mbi yeke kiri na sioni ti azo ni na ndö ti *ahale ti ala, ngbii asi na molongo ota ni wala molongo osio ni.

Ésaïe 5:25

Ndani laa ngonzo ti *KOTA GBIA alondo tongana wâ na tere ti azo ti lo. Lo yo maboko ti lo na nduzu ti pika ala. Ahoto ayingi, kuâ ti azo ni alango na ndö ti lege tongana zende. Ataa so kue, ngonzo ti KOTA GBIA akai pepe, maboko ti lo angba gi na nduzu.

Jérémie 24:9

Na ya ti akodro-gbia kue ti sese, fade mbi yeke sara si ala, azo ti Juda, ala ga tapande ti kpale so ayeke sara si azo ado na kota mbeto. Na ando so kue mbi yeke tumba ala daa, ala yeke ga tapande; zo ayeke mu iri ti ala ti zonga na mba ti lo wala ti he lo, ti he bia na iri ti lo wala ti deba lo.

Jérémie 29:18

Mbi yeke tumba peko ti ala na lege ti bira, nzara na sioni kobela ti bubango kodro. Mbi yeke sara tongaso si akodro-gbia ti sese kue ado na kota mbeto na bango ala. Na ya ti akodro so kue mbi yeke kangbi ala daa, ala yeke ga tapande ndali ti azo so ayeke deba amba ti ala; ala yeke ga ye ti dongo be nga na ye so azo ayeke huru yanga ti ala na bango ni.

Jérémie 32:31

Ti londo na ngoi so a leke gbata ti Jérusalem ngbii asi laso, gbata ni asara si ngonzo ti mbi na ngonzo ti mbi ti wâ alondo. Ndani laa, mbi ye ti zi gbata ni na le ti mbi.

Jérémie 32:32

Biani, azo ti Israel na azo ti Juda asara sioni mingi, ala sara si ngonzo ti mbi alondo; ala na agbia ti ala, amakonzi ti ala, awayango-sandaga ti ala, awayanga-Nzapa ti ala nga na azo ti Juda na azo ti Jérusalem.

Ezekiel 22:4

Tënë ayeke na li ti mo ndali ti mene ti azo so mo tuku. Mo ga *sioni ndali ti ayanda so azo ti mo aleke. Tongaso, mo sara si lango ti tingo ti mo aga nduru, mo si na nda ti ngu ti mo awe. Ndani laa, mbi sara si kamene ahon ndö ti mo na le ti amara nde, mo ga ye ti ngia ndali ti amara kue.

Ezekiel 5:14

Jérusalem, mbi yeke sara si mo buba kue, mbi yeke zia kamene na le ti mo na popo ti amara so angoro mo nga na le ti azo so kue ahon na lege.

Daniel 11:45

Fade lo yeke zia ada ti lo ti bongo ti gbia na popo ti kota ngu-ingo na hoto so ayeke nde si ayeke nzoni kue si ayeke na pendere kodro. Na ndo so laa lango ti lo ayeke hunzi, me zo oko ayeke mu maboko na lo pepe.’ ”

Daniel 9:20

“Mbi ngba ti tene tënë, ti sambela si ti fa siokpari ti mbi na ti azo ti mbi so ayeke azo ti Israel; mbi ngba ti voro tere ti mbi na KOTA GBIA Nzapa ti mbi ndali ti hoto ti lo so ayeke nde si ayeke nzoni kue.

Zakarii 8:3

Tënë so KOTA GBIA atene ayeke so: Fade mbi yeke kiri ti ga na Sion, mbi yeke kiri ti duti taa na Jérusalem. Fade a yeke mu mbeni iri na Jérusalem, atene: ‘Gbata so abata tënë ti yanga ti Nzapa’ si a yeke mu nga iri na hoto ti KOTA GBIA so ayeke na ndö ti dunia kue, atene: ‘Hoto so ayeke nde si ayeke nzoni kue’.

2 Tesalonike 1:6

Taa-tënë, Nzapa ayeke mbirimbiri: fade lo yeke kiri na peko ti pasi na azo so asara pasi na ala.

1 Jean 1:9

Tongana e fa siokpari ti e na Nzapa, lo so lo yeke bata tënë ti yanga ti lo si lo yeke nga mbirimbiri, fade lo yeke zi siokpari ti e si lo yeke sukula sioni ti e kue.

1 Samuel 2:7

KOTA GBIA laa ayeke sara si zo aga wayere; lo laa lo yeke mu mosoro na zo. KOTA GBIA laa ayeke zia zo na kete ndo; lo laa lo yeke zia zo na kota ndo.