Daniel 9:10 - Mbeti ti Nzapa - Tënë so amu fini

¹⁰ Mo mu na e andia ti mo na lege ti azo ti kua ti mo so ayeke awayanga-Nzapa si mo hunda na e ti sara ye alingbi na ni. Me e ke ti ma yanga ti mo, KOTA GBIA Nzapa ti e.

Daniel 9:10 ပူးပေါင်းရင်းမြစ်များ

2 Agbia 18:12

Aye so kue asi, ngbanga ti so azo ti Israel ama yanga ti *KOTA GBIA, Nzapa ti ala pepe, ala buba ya ti *mbuki ti lo. Aye so kue Moïse, zo ti kua ti KOTA GBIA amu ando yanga na ala ti sarango ni, ala ma ni pepe, ala sara nga ye alingbi na ni pepe.

Jérémie 16:11

Tongaso, fade mo yeke kiri tënë: ‘So tënë ti yanga ti KOTA GBIA laa: Kota kpale ni ayeke ti na ndö ti ala, ngbanga ti so akotara ti ala ado mbi, azia, ala mu peko ti anzapa nde ti voro ala, ala ti akpo li ti ala na sese na gbe ti ala. Me mbi, akotara ti ala ni ado mbi, azia, ala ke ti sara ye alingbi na ye so mbi fa na ala.

Jérémie 32:23

Ala ga si ala mu kodro ni titene aga ti ala. Ye oko, ala ma tënë ti mo pepe, ala bata lege ti andia ti mo pepe, ala ke ti sara ye so mo mu yanga na ala ti sarango ni. Nilaa mo tokua akpale so kue na ndö ti ala laso.

Daniel 9:6

Azo ti kua ti mo so ayeke awayanga-Nzapa atene peko ti tënë ti yanga ti mo na agbia ti e, na amakonzi ti e, na akotara ti e nga na azo ti kodro kue; me e ke ti ma ala.

Ahebro 1:1

Ando, Nzapa atene tënë fani mingi na akotara ti e na lege nde nde; lo zia tënë ni na yanga ti awayanga-Nzapa si ala tene.