Daniel 8:8 - Mbeti ti Nzapa - Tënë so amu fini

⁸ Koli-ngasa ni akono mingi. Me so ngangu ti lo ahon ndoni awe, kota didi ti lo ni afâ si akota didi osio asigigi na ndo ni; ala sigigi na ndangoro osio ti le ti nduzu.

Daniel 8:8 ပူးပေါင်းရင်းမြစ်များ

2 Mbai 26:16

Ndali ti so lo ga ngangu awe, lo ga zo ti baba; baba ni ague na lo ngbii abuba lo. Lo ga zo ti ke KOTA GBIA, Nzapa ti lo si mbeni lâ, lo li na ya ti kota da ti KOTA GBIA ti zö dukani na ndö ti gbalaka.

Esther 9:4

Biani, Mardochée ayeke lani kota zo mingi na yangbo ti gbia, sango ti lo amu ya ti akodro-sese ni kue si lo ngba ti ga kota zo lakue.

Jérémie 49:36

Ti londo na Banga asi na Mbongo, nga na To asi na Do, mbi yeke tokua apupu osio ti ga na mbage ti Elam. “Mbi yeke kangbi azo ti Elam na mbage kue. Azo ti Elam so akpe kodro ti ala ti gue na kodro wande, ala yeke duti na ya ti akodro mobimba.

Jérémie 5:27

Tongana sakpa so ya ni asi na andeke, ya ti da ti ala asi singo na aye ti handa. Lege so ala yeke ga akota zo na azo ti mosoro laa.

Ezekiel 16:7

Na pekoni, mbi sara si mo wu tongana pere ti yaka. Mo mai, mo kono, mo ga pendere ahon ndoni; me ti mo asigigi, kua ti tere ti mo asigigi. Me bongo ayeke na tere ti mo pepe, mo yeke taa ndumbu.

Ezekiel 28:9

Na dawa ti zo so ayeke fâ ande mo, mo lingbi ti tene: ‘Mbi yeke nzapa’? Andaa na gbe ti maboko ti azo so ayeke fâ mo so, mo yeke gi senge zo, mo yeke nzapa lawa!

Daniel 11:4

Tongana lo duti ande gbia si gere ti lo agbu sese mbirimbiri awe, ya ti kodro ti lo ayeke fâ si ya ni ayeke kangbi na ndangoro osio ti le ti nduzu. *Ahale ti lo laa ayeke mu kodro ni na peko ti lo pepe. Fade a yeke zi kodro ni na maboko ti lo, a kangbi ni na popo ti ambeni zo nde. Me komandema ti azo ni ayeke lingbi na ti lo pepe.

Daniel 4:31

“So ngoi ni so ahon awe, mbi Nabukodonosor, mbi yo le ti mbi na nduzu si ndara ti mbi ti zo akiri daa. Mbi mu singila na Nzapa so ayeke na yayu kâ na ndö ti aye kue, mbi sepela lo si mbi gonda lo so angba lakue lakue: lo yeke gbia lakue lakue, kodro ti lo ayeke ngba kpu na kpu.

Daniel 5:20

Me na pekoni, pikango kate ahon ndö ti lo si lo baa tere ti lo kota ahon azo kue. Tongaso Nzapa azi lo na ndö ti mbata ti gbia si azo akiri ane lo pepe.

Daniel 7:2

Lo tene: “Na bi, na ya ti mbeni ye so mbi baa tongana bango-li, mbi baa pupu so alondo na ndangoro osio ti le ti nduzu si ayingi le ti kota ngu-ingo ngangu mingi.

Daniel 7:6

Na pekoni mbi baa ndo, mbi baa mbeni nyama so ayeke tongana ze. Akpangi osio ayeke na ndö ti peko ti lo tongana ti ndeke. Li ti lo ayeke osio si a mu na lo ngangu ti sara komandema.

Daniel 8:22

Kota didi ni afâ si adidi osio asigigi na ndo ni: so ayeke agbia osio so ayeke londo na ya ti kodro ni, me ngangu ti ala ayeke lingbi na ti kozo gbia ni pepe.

Daniel 8:5

“So mbi ngba ti gbu li ti mbi na ndö ti ye so mbi baa, mbi baa mbeni koli-ngasa alondo na mbage ti Do, aga. Lo yeke tambula na ndö ti sese kue, me gere ti lo andu sese pepe. Koli-ngasa ni ayeke na mbeni didi so ayeke pika le ti zo si ayeke na popo ti ale ti lo.

Daniel 8:7

Mbi baa lo ga nduru na tere ti koli-taba ni; ngonzo alondo na be ti lo tongana wâ na tere ti lo. Lo pika koli-taba ni si lo fâ adidi ti lo use so. Me koli-taba ni ayeke na ngangu pepe ti gbu le ni na koli-ngasa ni. Lo bi lo na sese, lo do lo si zo oko so alingbi ti zi koli-taba ni na gbe ti koli-ngasa ni ayeke daa pepe.

Matthieu 24:31

Kota tatalita ayeke toto si Molenge ti Zo ayeke tokua *a-ange ti lo na ndö ti sese kue titene ala gue, abongbi azo so lo soro ala.”

Marc 13:27

Na ndani, lo yeke tokua *a-ange na ndö ti sese kue, ti londo na mbeni nda ti sese ngbii asi na mbeni nda ni titene ala gue, abongbi azo so Nzapa asoro ala.”

Ndia ti fani use ni 31:20

Biani, mbi yeke sara titene azo so ali na *sese so ngu ti me ti bagara na mafuta ti wotoro asi singo daa; sese so mbi deba yanga ti mbi ando ti mu na akotara ti ala. Fade ala yeke te kobe alingbi na ala si ala yeke kono mingi; na pekoni, ala yeke kiri na mbage ti anzapa nde, ala yeke voro ala. Ala yeke baa mbi tongana senge ye na le ti ala, ala yeke buba ya ti mbuki ti mbi na ala.

Aye so Nzapa afa 7:1

Na pekoni, mbi baa *a-ange osio, ala yeke luti na ndangoro osio ti sese kue. Ala yeke kanga lege na pupu osio so ayeke ya na ndö ti sese titene pupu ni aya na ndö ti sese, wala na le ti kota ngu-ingo wala na ndö ti akeke pepe.