Daniel 8:27 - Mbeti ti Nzapa - Tënë so amu fini

²⁷ Tongaso, mbi Daniel, mbi woko kue si mbi ti na kobela aninga lango kete. Na pekoni, so tere ti mbi akai awe, mbi kiri na kua so gbia amu na mbi. Mbeto asara mbi mingi ndali ti ye so mbi baa na ya ti mbeni ye tongana bango-li so, ngbanga ti so mbi ma ya ni pepe.”

Daniel 8:27 ပူးပေါင်းရင်းမြစ်များ

Daniel 10:16

Me mbeni ye so akpa zo andu poro ti yanga ti mbi; yanga ti mbi azi si mbi to nda ti tene tënë. Mbi tene na zo so aluti na dawa ti mbi so, mbi tene: ‘Babâ, ye so mbi baa tongana bango-li so asara si be ti mbi ayeke na siriri pepe; mbi woko kue awe.

Daniel 10:8

Tongaso mbi ngba gi mbi oko si mbi yeke baa kota ye so aga na le ti mbi so. Ngangu ti mbi kue ahunzi; mbeto agbu mbi si mbi ga tongana zo so ayeke kui; mbi woko kue.

Daniel 4:19

Gbia, keke so ayeke mo, ngbanga ti so mo ga kota si mo ga ngangu; kota ti mo ni ague ngbii akpo le ti nduzu si ngangu ti mo ti sara komandema asi na nda ti sese kue.

Daniel 5:14

Mbi ma a tene, mo yeke zo so yingo ti anzapa asi mo singo; mo hinga ndo mingi, mo hinga ye mingi si mo yeke na ndara so ambeni zo ayeke na ni pepe.

Daniel 7:28

“Tënë ni ahunzi na ndo so. Me ti mbi Daniel, be ti mbi agi mbi mingi, mbi woko kue si mbi ngba ti gbu li ti mbi daa.”

Daniel 8:17

Gabriel aga na tere ti mbi na ndo so mbi yeke daa so. Mbeto agbu mbi mingi tongana lo yeke ga nduru na mbi. Mbi ti mbi kpo li ti mbi na sese. Me lo tene na mbi, lo tene: ‘Daniel, mo yeke gi senge zo. Ayeke nzoni mo hinga, mo tene, ye so mo baa na ya ti mbeni ye tongana bango-li so abaa tënë ti lango ti ndani.’

Daniel 8:2

Ye so mbi baa na ya ti mbeni ye tongana bango-li ayeke tongaso: Mbi baa tere ti mbi tongana mbi yeke na yanga ti ngu so iri ni Ulai, na Suze, li-kodro ni so ngangu gbagba ayeke na tere ni si ayeke na sese ti Elam.

Daniel 8:7

Mbi baa lo ga nduru na tere ti koli-taba ni; ngonzo alondo na be ti lo tongana wâ na tere ti lo. Lo pika koli-taba ni si lo fâ adidi ti lo use so. Me koli-taba ni ayeke na ngangu pepe ti gbu le ni na koli-ngasa ni. Lo bi lo na sese, lo do lo si zo oko so alingbi ti zi koli-taba ni na gbe ti koli-ngasa ni ayeke daa pepe.

Habakuk 3:16

Mbi ma tënë ti aye so si li ti mbi kue akpe. Toto ti aye ni asara si yanga ti mbi ado dongo, bio ti mbi awoko kue, gere ti mbi awoko kue, mbi lingbi ti luti na nduzu pepe. Mbi duti kpoo ti ku lango ti ye ti vundu ni, ti ku lango ti gue ti tiri bira na azo so ayeke sara ngangu na e.

1 Samuel 3:15

Samuel angba alango ngbii ndo ahan. Na pekoni, lo zi ayanga ti kota da ti KOTA GBIA. Mbeto asara lo ti tene na Heli peko ti ye so lo baa na ya ti mbeni ye tongana bango-li so.