Daniel 8:25 - Mbeti ti Nzapa - Tënë so amu fini

²⁵ Ndali ti so lo yeke na mayere mingi, lo yeke wara lege ti handa azo. Ndali ti baba so asi be ti lo singo, lo yeke fâ gba ti azo so aduti si ala hinga atene, mbeni sioni ye ayeke ga na ndö ti ala pepe so. Lo yeke londo ti sara bira na Makonzi ti amakonzi. Na ndembe ni so, fade a yeke fâ lo, me zo laa ayeke fâ lo pepe.

Daniel 8:25 ပူးပေါင်းရင်းမြစ်များ

Mbeti ti Job 34:20

Na be ti bi, gi hio tongaso, azo ni akui; azo ti kodro atomboka, a fâ amakonzi. A mingo angangu makonzi, me maboko ti zo laa asara ni pepe.

Jérémie 48:26

Moab abaa tere ti lo kota ahon KOTA GBIA. Ayeke nzoni a mu na lo samba, lo nyon ngbii lo de samba ni na sese. Tongaso si lo nga lo ga ye so azo ayeke he ni na ngia.

Abia ti demango tere 4:6

Sioni ti azo ti kodro ti mbi ayeke mingi, siokpari ti ala ahon ti azo ti Sodome; kodro ti Sodome ati hio, mbeni zo andu nga ni pepe.

Daniel 11:12

So gbia ti Mbongo abaa atene ni kinda azo gbani gbani awe, baba ayeke hon ndö ti lo. Me ataa so lo yeke fâ aturugu kutu kutu, lo yeke so benda pepe.

Daniel 11:45

Fade lo yeke zia ada ti lo ti bongo ti gbia na popo ti kota ngu-ingo na hoto so ayeke nde si ayeke nzoni kue si ayeke na pendere kodro. Na ndo so laa lango ti lo ayeke hunzi, me zo oko ayeke mu maboko na lo pepe.’ ”

Daniel 7:26

Na pekoni, awafango-ngbanga ayeke duti ti fâ ngbanga na li ti lo si ala yeke zi komandema na maboko ti lo. Fade a yeke fâ lo si komandema ti lo ni ayeke mingo biani biani.

Daniel 7:8

So mbi ngba ti gbu li ti mbi na ndö ti adidi ni, mo ye ti baa, mbeni fini didi so ayeke kete ato nda ti sigigi na popo ti adidi ni. Na dawa ti kete didi ni, a gboto didi ota ti akozo didi ni. Le ti fini didi ni ayeke daa tongana ti zo si yanga ni ayeke daa so ayeke tene gba ti atënë ti baba.

Daniel 8:11

Didi ni asara nga bira na makonzi ti aturugu ti yayu ni; didi ni akanga lege ti *sandaga so azo ayeke mu na ya ti lango oko oko na makonzi ni; lo sara si ndo so a zia ni nde ndali ti makonzi ni aga sioni.

Daniel 9:25

Alingbi mo hinga ye so si mo ma ya ni: mbeni lâ, a mu yanga titene azo akiri na kodro ti ala na peko ti so a gbu ala, a gue na ala na kodro wande; a mu nga yanga titene azo akiri aleke gbata ti Jérusalem. Ti londo na ngoi ni so ngbii asi na ngoi so a tuku mafuta na li ti mbeni zo titene a zia lo makonzi, ngoi mbarambara ti ngu mbarambara ayeke hon. Na pekoni, na ya ti mbeni ngoi baleomene na use ti ngu mbarambara, a yeke kiri ti leke gbata ni na agbagba ti bira ti gbata ni; me ayeke duti angoi ti ngangu.

Awatokua 12:23

Mo ye ti baa, *ange ti *Kota Gbia abi kobela na tere ti Herode, ngbanga ti so lo gonda Nzapa pepe: angusu ate lo si lo kui.

2 Tesalonike 2:3

Ala zia zo oko ahanda ala na mbeni tënë pepe. Biani, kozoni si lango so alingbi, fade ambeni ye ayeke si: gba ti azo ayeke zia lege ti Nzapa, Zo ti sioni ayeke si, lo so a yeke buba ande lo na ndo so wâ ayeke gbi daa lakue.

2 Tesalonike 2:8

Fade Zo ti sioni ayeke si, Kota Gbia Jésus ayeke fâ lo biani biani na pupu ti yanga ti lo. Lo yeke mingo lo biani biani na lege ti zango ndo ti gango ti lo.

Aye so Nzapa afa 17:14

Fade ala yeke tiri na Molenge ti Taba, me Molenge ti Taba ayeke hon ndö ti ala, ngbanga ti so lo yeke Kota Gbia ti akota gbia si lo yeke Gbia ti agbia. Lo na azo so lo iri ala, lo soro ala si ala yeke azo ti lo, ala yeke hon ndö ti agbia baleoko so.”

Aye so Nzapa afa 19:16

A su iri na ndö ti kota bongo ti lo nga na ndö ti gere ti lo; iri ni ayeke: “Gbia ti agbia, *Kota Gbia ti akota gbia.”