Daniel 8:23 - Mbeti ti Nzapa - Tënë so amu fini

²³ Lango ti ala ti dutingo gbia ayeke hunzi si azo ayeke sara siokpari ngbii ahon ndoni. Na pekoni mbeni gbia ayeke londo ande so be ti lo ayeke sioni mingi; zo ti hinga lege ti handango azo tongana lo ayeke daa pepe.

Daniel 8:23 ပူးပေါင်းရင်းမြစ်များ

Tongo nda ti aye 15:16

Fade amolenge ti mo ti molongo osio ni, ahale ti mo ayeke kiri ge, ngbanga ti so na ngoi ni so, ade sioni ti azo ti mara ti Amori ahon ndoni pepe.”

Amato 1:6

Lo yeke ma ya ti ambeni mato so atënë ni ali, lo yeke ma gbe ti ambeni tënë so ane si lo yeke ma ya ti akpengbango tënë ti azo ti ndara.

Ezekiel 38:16

Mo yeke ga ti tiri bira na Israel, azo ti mbi. Mo yeke kanga ndö ti kodro ti ala tongana ti so mbinda ayeke kanga ndö ti sese. Ye ni ayeke si ande na lango ti ndani. Fade mbi yeke tokua mo ti gue ti tiri bira na kodro ti mbi. Tongaso si amara nde ahinga atene, mbi yeke Nzapa so mbi yeke nde si mbi yeke nzoni kue. Mbi yeke fa ye ni na ala na lege ti mo, Gog.

Ezekiel 38:8

Gbanda, ngu mingi na pekoni, mbi yeke tokua mo ti sara bira na kodro ti Israel. Andaa na ngoi ni so, azo ti kodro ni so akpe lani bira, ala yeke bongbi tere ti ala na ndö ti ahoto ti Israel, ahoto so abuba aninga awe. Na peko ti so azo ni agboto tere ti ala na popo ti gba ti amara, ala yeke duti na siriri.

Daniel 10:14

Fadeso mbi ga ti sara si mo hinga ye so ayeke si gbanda na azo ti mo. Baa, ye so mo baa tongana bango-li so ayeke kiri ti duti daa ndali ti alango so.’

Daniel 11:21

“ ‘Zo so ayeke ga na peko ti lo ayeke duti mbeni mbumbuse zo so azo amu na lo nengo ti gbia pepe. Lo yeke ga na ndembe so siriri ayeke daa si lo yeke mu kodro ni na lege ti sarango aye ti handa.

Daniel 11:24

Na ngoi so siriri ayeke duti na ya ti kodro ni, lo yeke gue na ando nde nde ti sese ni so mosoro asi singo daa. Kâ, fade lo yeke sara aye so akotara ti lo ade ti sara mara ni laoko pepe: lo yeke kangbi na azo ti lo aye so lo gbu na peko ti bira, aye so lo gbu na ngangu na maboko ti azo nga na aye ti mosoro nde nde. Lo yeke leke na be ti lo ti sara bira titene lo mu angangu gbagba. Me ye so kue ayeke ninga mingi pepe.

Daniel 7:11

“Mbi ngba ti baa ndo ndali ti gba ti atënë ti baba so didi ni ayeke tene so. So mbi ngba ti baa ndo, a fâ osio nyama ni si a bi kuâ ti lo na ya ti wâ so aza ngangu si kuâ ni agbi kue.

Daniel 7:20

Mbi ye nga ti hinga tënë mbirimbiri na ndö ti adidi baleoko so ayeke na li ti nyama ni so, na mbeni so ayeke sigigi si adidi ota ati na dawa ni so: ale ti didi ni ayeke daa si yanga ni ayeke daa so ayeke tene gba ti atënë ti baba. Azo abaa didi ni kota ahon atanga ni.

Daniel 7:25

lo yeke tene asioni tënë na tere ti Nzapa so ayeke na yayu kâ na ndö ti aye kue si lo yeke sara ngangu na azo so Nzapa asoro ala. Lo yeke leke na be ti lo ti sanze alango ti nze nga na andia ti azo ti Nzapa. Fade a yeke zia azo ti Nzapa na maboko ti gbia ni na ya ti ngu ota na ndambo.

Daniel 7:8

So mbi ngba ti gbu li ti mbi na ndö ti adidi ni, mo ye ti baa, mbeni fini didi so ayeke kete ato nda ti sigigi na popo ti adidi ni. Na dawa ti kete didi ni, a gboto didi ota ti akozo didi ni. Le ti fini didi ni ayeke daa tongana ti zo si yanga ni ayeke daa so ayeke tene gba ti atënë ti baba.

Daniel 8:22

Kota didi ni afâ si adidi osio asigigi na ndo ni: so ayeke agbia osio so ayeke londo na ya ti kodro ni, me ngangu ti ala ayeke lingbi na ti kozo gbia ni pepe.

Daniel 8:24

Ngangu ti lo ayeke gue ande gi na nduzu, me ngangu ni alondo na lo wani pepe. Lo yeke buba aye sioni; ye so kue lo yeke sara ayeke ga nzoni na lo. Ataa azo ti ngangu na azo so Nzapa asoro ala, lo yeke fâ ala, lo hunzi ala kue.

Daniel 8:25

Ndali ti so lo yeke na mayere mingi, lo yeke wara lege ti handa azo. Ndali ti baba so asi be ti lo singo, lo yeke fâ gba ti azo so aduti si ala hinga atene, mbeni sioni ye ayeke ga na ndö ti ala pepe so. Lo yeke londo ti sara bira na Makonzi ti amakonzi. Na ndembe ni so, fade a yeke fâ lo, me zo laa ayeke fâ lo pepe.

Wungo ti azo 24:24

Amangboko alondo na mbage ti zoa ti Shipre ti ga. Azo ayeke sara ngangu na azo ti mara ti Asirii nga na azo ti mara ti Eber. Ataa azo ti mara ti Eber ni kue, gigi ti ala ayeke gue ande ti buba.”

Matthieu 23:32

Nzoni! Ala ngba gi daa ma! Ala hunzi kua so akotara ti ala ato nda ti sarango ni ando so ma!

Ndia ti fani use ni 28:50

Azo ti mara ni so, ngia ayeke na le ti ala ka pepe; ala yeke kpe ambakoro pepe, ala yeke baa mawa ti amolenge pepe.

1 Tesalonike 2:16

Ala yeke kanga lege na e ti fa tënë ti Nzapa na azo ti amara nde, tënë so alingbi ti soo ala na kuâ. Tongaso, azuife ayeke sara si siokpari ti ala akiri ahon ndoni. Me na ndani, Nzapa asara ngonzo na tere ti ala.

1 Timothée 4:1

Yingo-Vuru atene biani atene, na lango ti ndani, fade ambeni zo ayeke zia lege ti mabe, ala yeke ma gi tënë ti ayingo so ayeke handa azo si ala yeke ma atënë so alondo na asioni yingo.

Aye so Nzapa afa 19:20

A gbu nyama ni na wayanga-nzapa ti mvene so asara aye ti kpene na dawa ti lo so. Na lege ti aye ti kpene laa lo wara lege ti handa azo so awara nzoroko ti nyama ni si avoro limo so akpa nyama ni so. A mu ala use kue si a bi ala na fini le ti ala na le ti kota wâ ti *sufre.