Daniel 8:21 - Mbeti ti Nzapa - Tënë so amu fini

²¹ Koli-ngasa ni ayeke gbia ti kodro ti Grese; kota didi so ayeke na popo ti ale ti lo ayeke kozo gbia ni laa

Daniel 8:21 ပူးပေါင်းရင်းမြစ်များ

Daniel 10:20

Lo hunda mbi, lo tene: ‘Mo hinga nda ni so mbi ga na mbage ti mo? Fadeso mbi yeke kiri ti tiri bira na ange so ayeke bata kodro ti Perse. Gi so mbi sigigi ti gue, ange so ayeke bata kodro ti Grese asi.

Daniel 11:2

Fadeso, mbi yeke fa na mo taa-tënë.’ ” “ ‘Baa, ambeni gbia ota ayeke kiri ti ga na li ti kodro ti Perse; osio ni ayeke ga nga. Me osio ni ayeke wara mosoro mingi ahon ambeni so kue. Tongana lo baa so mosoro ti lo ni amu na lo ngangu so alingbi awe, fade lo yeke londo ti sara bira na kodro ti Grese.

Daniel 11:3

Me kâ na Grese, mbeni ngangu gbia ayeke londo; komandema ti lo ayeke duti ngangu si lo yeke sara ye so be ti lo aye.

Daniel 2:39

Na peko ti mo, fade mbeni kodro ayeke londo; kodro ni ayeke duti na ngangu tongana ti mo pepe. Na pekoni, fade mbeni ota kodro ayeke londo; kodro ni laa ayeke na bengba wen so. Lo yeke sara komandema na ndö ti sese kue.

Daniel 7:6

Na pekoni mbi baa ndo, mbi baa mbeni nyama so ayeke tongana ze. Akpangi osio ayeke na ndö ti peko ti lo tongana ti ndeke. Li ti lo ayeke osio si a mu na lo ngangu ti sara komandema.

Daniel 8:20

Koli-taba so mo baa lo si lo yeke na didi use so ayeke agbia ti Medii na ti Perse.

Daniel 8:22

Kota didi ni afâ si adidi osio asigigi na ndo ni: so ayeke agbia osio so ayeke londo na ya ti kodro ni, me ngangu ti ala ayeke lingbi na ti kozo gbia ni pepe.

Zakarii 9:13

Fade mbi yeke mu Juda tongana kokora ti bira, Efraim ayeke duti tongana ale ti kokora ni. *Sion, fade mbi yeke tokua azo ti mo ti tiri bira na azo ti Grese. Mbi yeke mu azo ni tongana yongoro zeme ti ngangu zo ti bira.”