Daniel 8:18 - Mbeti ti Nzapa - Tënë so amu fini

¹⁸ So Gabriel angba ti tene tënë na mbi, le ti mbi ayeke gi na sese si mbi hon na ndö ti yingo ti mbi. Lo ndu mbi si lo yo mbi na nduzu na ndo so mbi yeke daa.

Daniel 8:18 ပူးပေါင်းရင်းမြစ်များ

Tongo nda ti aye 15:12

Na lakui, Abram ati na kota lango. Kota mbeto agbu lo; ndo avuko pitipiti na ndö ti lo.

Mbeti ti Job 4:13

Ye ni asi na bi, na ndembe so azo ayeke baa li ti ala kirikiri, na ndembe so ala kui na lango.

Ezekiel 2:2

Gi so tënë ni angba ngbango na yanga ti lo, yingo ti Nzapa ali na ya ti mbi, asara si mbi luti na nduzu. Tongaso mbi ma lo so ayeke tene tënë na mbi so.

Daniel 10:16

Me mbeni ye so akpa zo andu poro ti yanga ti mbi; yanga ti mbi azi si mbi to nda ti tene tënë. Mbi tene na zo so aluti na dawa ti mbi so, mbi tene: ‘Babâ, ye so mbi baa tongana bango-li so asara si be ti mbi ayeke na siriri pepe; mbi woko kue awe.

Daniel 10:18

Biaku, ye so akpa zo so akiri andu mbi si mbi kiri mbi wara ngangu.

Daniel 8:17

Gabriel aga na tere ti mbi na ndo so mbi yeke daa so. Mbeto agbu mbi mingi tongana lo yeke ga nduru na mbi. Mbi ti mbi kpo li ti mbi na sese. Me lo tene na mbi, lo tene: ‘Daniel, mo yeke gi senge zo. Ayeke nzoni mo hinga, mo tene, ye so mo baa na ya ti mbeni ye tongana bango-li so abaa tënë ti lango ti ndani.’

Daniel 8:27

Tongaso, mbi Daniel, mbi woko kue si mbi ti na kobela aninga lango kete. Na pekoni, so tere ti mbi akai awe, mbi kiri na kua so gbia amu na mbi. Mbeto asara mbi mingi ndali ti ye so mbi baa na ya ti mbeni ye tongana bango-li so, ngbanga ti so mbi ma ya ni pepe.”

Zakarii 4:1

*Ange so ayeke tene tënë na mbi so akiri aga si lo zingo mbi tongana ti so a yeke zingo zo na lango.

Nzoni Tënë so Luc asu na mbeti 22:45

So lo sambela awe, lo londo si lo ga na mbage ti adisiple; lo wara ala na lango ndali ti so vundu asara ala.

Nzoni Tënë so Luc asu na mbeti 9:32

Andaa Pierre na amba ti lo akui fade na lango; me so ala zingo awe, ala baa gonda ti Jésus si ala baa nga akoli use so lo na ala ayeke luti.

Awatokua 26:6

Fadeso, mbi yeke na gbe ti azo ti fango ngbanga ndali ti so mbi zia be ti mbi ti ku ye so Nzapa amu zendo ni na akotara ti e.

Aye so Nzapa afa 1:17

So mbi baa lo, mbi ti na gbe ti lo tongana zo so akui awe. Me lo zia maboko ti lo ti koli na ndö ti mbi si lo tene: “Sara mbeto pepe! Mbi yeke lo so lo yeke kozo ni na lo so lo yeke ndangba ni,