Daniel 8:16 - Mbeti ti Nzapa - Tënë so amu fini

¹⁶ Mbi ma mbeni go so alondo na mbage ti ngu ti Ulai; go ni adekongo, atene: ‘Gabriel, ye so zo so abaa tongana bango-li so, ayeke nzoni mo fa nda ni na lo.’

Daniel 8:16 ပူးပေါင်းရင်းမြစ်များ

Daniel 10:14

Fadeso mbi ga ti sara si mo hinga ye so ayeke si gbanda na azo ti mo. Baa, ye so mo baa tongana bango-li so ayeke kiri ti duti daa ndali ti alango so.’

Daniel 10:21

Me mbi yeke fa na mo ye so a su na ya ti mbeti ti taa-tënë. Zo oko ti mu maboko na mbi titene mbi tiri na awato so ayeke daa pepe, gi Michel oko so ayeke ange so ayeke bata azo ti Israel.

Daniel 7:16

Mbi ga nduru na tere ti mbeni zo oko so ayeke na ndo so. Mbi hunda lo titene lo fa na mbi mbirimbiri nda ti ye so mbi baa. Tongaso lo fa na mbi nda ni, lo tene:

Daniel 8:2

Ye so mbi baa na ya ti mbeni ye tongana bango-li ayeke tongaso: Mbi baa tere ti mbi tongana mbi yeke na yanga ti ngu so iri ni Ulai, na Suze, li-kodro ni so ngangu gbagba ayeke na tere ni si ayeke na sese ti Elam.

Zakarii 1:9

Mbi hunda koli ni, mbi tene: “Kota zo, ambarata so aye ti fa nyen?” *Ange so ayeke tene tënë na mbi so akiri tënë na mbi, atene: “Mbi yeke fa nda ni na mo.”

Zakarii 2:4

Mbi hunda ndo, mbi tene: “Ala ga ti sara nyen?” Lo kiri tënë na mbi, lo tene: “Azo ti pikango ndao ni aga ti zia mbeto nga ti tumba angangu mara so akangbi azo ti Juda na ando nde nde; mbeni zo oko so agbu le ni na angangu mara ni ayeke daa pepe.”

Nzoni Tënë so Luc asu na mbeti 1:19

Ange ni akiri tënë na lo: “Mbi yeke Gabriel, mbi yeke luti na le ti Nzapa ti sara na lo. Lo tokua mbi ti tene tënë na mo, ti tene nzoni tënë so na mo.

Nzoni Tënë so Luc asu na mbeti 1:26

Na nze omene ti ngo ti Élisabeth, Nzapa atokua *ange Gabriel na ya ti mbeni gbata ti Galile so iri ni Nazaret,

Awatokua 10:13

Mbeni go atene na lo: “Pierre, londo, mo fâ, mo te!”

Awatokua 9:7

Azo so ala na Paul ayeke tambula, aluti kpoo, li ti ala kue akpe; ala ma go ni, me ala baa zo oko pepe.

Ahebro 1:14

A-ange ayeke gi ayingo so ayeke sara kua na Nzapa: lo yeke tokua ala titene ala sara nzoni na azo so lo ye ti soo ala.

Aye so Nzapa afa 1:12

Mbi baa ndo na peko ti mbi ti baa zo so ayeke tene tënë na mbi so. So mbi baa ndo na peko ti mbi, mbi baa agere ti lamba mbarambara so a sara ni na lôro.

Aye so Nzapa afa 22:16

“Mbi Jésus, mbi tokua ange ti mbi ti gue ti fa peko ti aye so na *a-Eglize. Mbi yeke *hale ti sewa ti David, mbi yeke tongoro ti ndaperere so ayeke za mingi.”