Daniel 8:10 - Mbeti ti Nzapa - Tënë so amu fini

¹⁰ Kete didi ni aga kota ngbii asi na ndo so aturugu ti yayu ayeke daa. Lo kinda ambeni turugu ni na ambeni tongoro ni na sese si lo do ala na gbe ti gere ti lo.

Daniel 8:10 ပူးပေါင်းရင်းမြစ်များ

Ésaïe 14:13

Mo yeke tene ando na be ti mo, mo tene: “Mbi yeke ma ngbii mbi si na yayu, mbi yeke zia mbata ti mbi ti gbia na ndö ti atongoro ti Nzapa. Mbi yeke duti na ndö ti hoto so anzapa ayeke wara tere daa, yongoro kâ na mbage ti Banga.

Jérémie 48:26

Moab abaa tere ti lo kota ahon KOTA GBIA. Ayeke nzoni a mu na lo samba, lo nyon ngbii lo de samba ni na sese. Tongaso si lo nga lo ga ye so azo ayeke he ni na ngia.

Daniel 11:28

Fade gbia ti Banga ayeke kiri na kodro ti lo na gba ti mosoro. Na kiringo ti lo, lo yeke sara ye so lo leke na be ti lo ti sarango ni na azo so Nzapa aga mbuki na ala. Na pekoni, lo yeke kiri na kodro ti lo.

Daniel 11:30

Azo ti mbage ti Do ayeke mu amangboko si ayeke ga ti tiri bira na lo. Be ti lo ayeke woko si lo yeke mu lege ti kiri. Na kiringo ni, lo yeke de ngonzo ti be ti lo na ndö ti azo so Nzapa aga mbuki na ala. Me azo so azia lege ti mbuki ti ala na Nzapa, lo na ala ayeke ma tere.

Daniel 7:7

Na pekoni mbi baa ndo, mbi baa na bi na ya ti mbeni ye tongana bango-li osio nyama ni. Lo yeke mu mbeto mingi na zo, lo yeke taa sioni sioni; ngangu ti lo ahon ndoni. Lo yeke na akota pembe ti wen so lo yeke te na ye, lo yeke suru na ya ti aye kete kete. Aye so lo yeke te ni pepe, lo yeke do na gere ti lo. Lo yeke ti lo nde na akozo nyama ota so; lo yeke na didi baleoko.

Daniel 8:7

Mbi baa lo ga nduru na tere ti koli-taba ni; ngonzo alondo na be ti lo tongana wâ na tere ti lo. Lo pika koli-taba ni si lo fâ adidi ti lo use so. Me koli-taba ni ayeke na ngangu pepe ti gbu le ni na koli-ngasa ni. Lo bi lo na sese, lo do lo si zo oko so alingbi ti zi koli-taba ni na gbe ti koli-ngasa ni ayeke daa pepe.

Aye so Nzapa afa 12:4

Atongoro kue ti le ti nduzu, damba ti nyama ni apika tongoro oko na popo ti atongoro ota abi na ndö ti sese. Sioni nyama ni ague, aluti na dawa ti wali so aga nduru ti du molenge so, ti ku ti te molenge ni na sigingo ti lo.