Daniel 7:7 - Mbeti ti Nzapa - Tënë so amu fini

⁷ Na pekoni mbi baa ndo, mbi baa na bi na ya ti mbeni ye tongana bango-li osio nyama ni. Lo yeke mu mbeto mingi na zo, lo yeke taa sioni sioni; ngangu ti lo ahon ndoni. Lo yeke na akota pembe ti wen so lo yeke te na ye, lo yeke suru na ya ti aye kete kete. Aye so lo yeke te ni pepe, lo yeke do na gere ti lo. Lo yeke ti lo nde na akozo nyama ota so; lo yeke na didi baleoko.

Daniel 7:7 ပူးပေါင်းရင်းမြစ်များ

2 Samuel 22:43

Mbi nika ala tongana fuku ti sese; mbi do ala na gbe ti gere ti mbi tongana ti so zo ayeke do potopoto ti ndö ti lege.

Mbeti ti Job 41:14

Ngangu ti lo ayeke na go ti lo so akpengba kpengbango; na dawa ti lo, kota mbeto ayeke gbu azo kue.

Ezekiel 40:2

Na ya ti mbeni ye tongana bango-li, Nzapa amu mbi, ague na mbi na sese ti Israel. Lo zia mbi na ndö ti mbeni hoto so ayo na nduzu mingi. Gba ti ada so akpa ada ti mbeni gbata ayeke na ndö ti hoto ni, na mbage ti Mbongo.

Daniel 2:19

Na bi, na ya ti mbeni ye tongana bango-li, Nzapa afa na Daniel nda ti ye ti ndima ni. Tongaso Daniel alondo ti gonda Nzapa so ayeke na yayu;

Daniel 7:13

“Mbi ngba ti baa aye so na bi tongana bango-li: mbi baa mbeni ye so akpa zo; zo ni alondo na ya ti mbinda, azu. Lo ga nduru na tere ti mbakoro ni si a mu lo, a gue na lo na dawa ti mbakoro ni.

Daniel 7:2

Lo tene: “Na bi, na ya ti mbeni ye so mbi baa tongana bango-li, mbi baa pupu so alondo na ndangoro osio ti le ti nduzu si ayingi le ti kota ngu-ingo ngangu mingi.

Daniel 8:10

Kete didi ni aga kota ngbii asi na ndo so aturugu ti yayu ayeke daa. Lo kinda ambeni turugu ni na ambeni tongoro ni na sese si lo do ala na gbe ti gere ti lo.

Daniel 8:22

Kota didi ni afâ si adidi osio asigigi na ndo ni: so ayeke agbia osio so ayeke londo na ya ti kodro ni, me ngangu ti ala ayeke lingbi na ti kozo gbia ni pepe.

Zakarii 2:1

Mbi yo le ti mbi na nduzu si na ya ti mbeni ye tongana bango-li, mbi kiri mbi baa adidi osio.

Aye so Nzapa afa 12:3

Mbeni ye ti kpene nde akiri asigigi na le ti nduzu: mbeni sioni nyama so akpa ngunde, tere ti lo abe tongana wâ, li ti lo ayeke mbarambara, lo yeke na adidi baleoko si lo yu akpoto ti gbia na ali ti lo oko oko kue.

Aye so Nzapa afa 13:1

Na pekoni, mbi baa mbeni nyama so alondo na ya ti kota ngu-ingo si ayeke sigigi. Lo yeke na adidi baleoko, ali ti lo ayeke mbarambara. Akpoto ti gbia ayeke na ndö ti adidi ti lo ni oko oko kue; a su airi ti zongango Nzapa na ndö ti li ti lo oko oko kue.

Aye so Nzapa afa 17:12

“Adidi baleoko so mo baa so ayeke agbia baleoko so ade ti ko na ndö ti mbata ti gbia pepe. Me fade a yeke mu na ala ngangu ti sara komandema tongana agbia na ya ti ngbonga oko, ala na nyama ni.

Aye so Nzapa afa 17:7

Tongaso, ange ni atene na mbi: “Li ti mo akpe ngbanga ti nyen?” Mbi yeke fa na mo nda ti ye so angba na hondengo ni nga na nda ti tënë ti wali so, na ti nyama so ali ti lo ayeke mbarambara, adidi ti lo ayeke baleoko si lo yeke yo wali ni so.

Aye so Nzapa afa 17:8

Nyama so mo baa lo so ayeke ando na fini, me lo yeke na fini mbeni pepe. Lo yeke londo ande na ya ti *kota du so alinda mingi si lo yeke sigigi titene a buba lo biani biani. Fade li ti azo ti sese ayeke kpe na bango nyama ni, so ti tene azo so, ngbene ye so dunia abaa gigi, iri ti ala ayeke na ya ti mbeti pepe, mbeti so a su iri ti azo so ayeke na taa fini daa. Biani, nyama ni ayeke ando na fini, me fadeso lo yeke na fini mbeni pepe; fade lo yeke kiri ti ga.