Daniel 7:22 - Mbeti ti Nzapa - Tënë so amu fini

²² Me mbakoro ni aga si lo fâ ngbanga ti azo so Nzapa asoro ala na legeni; Nzapa so ayeke na yayu kâ na ndö ti aye kue so. So ndembe ni alingbi awe, a mu na azo ni kodro ni titene aga ti ala.

Daniel 7:22 ပူးပေါင်းရင်းမြစ်များ

Abia (Psaumes) 149:5

Ayeke nzoni azo ti Nzapa adodo na ngia ti gonda lo. Ataa na ndö ti gbogbo ti ala, ala dekongo na ngia!

Ésaïe 63:4

Mbi leke lani na be ti mbi mbeni lango ti kiri peko ti sioni na ala. Ngu ti zi azo ti mbi alingbi awe.

Daniel 7:18

Me a yeke mu kodro ni na azo so Nzapa asoro ala; Nzapa so ayeke na yayu kâ na ndö ti aye kue so; fade kodro ni ayeke ngba ti ala lakue lakue, kpu na kpu.’

Daniel 7:23

“Zo so mbi hunda lo so atene na mbi tongaso: ‘Osio nyama ni ayeke osio kodro so ayeke duti ande na ndö ti sese; kodro ni ayeke ti lo nde na atanga ni kue. Fade kodro ni ayeke te aye so kue ayeke na ndö ti sese, lo yeke do ye kue na gere si lo yeke suru ya ni kete kete.

Matthieu 19:28

Jésus atene na ala: “Mbi tene na ala taa-tënë: na ndembe so ye kue ayeke kiri ti ga fini ni, fade *Molenge ti Zo ayeke duti na ndö ti mbata ti gonda ti lo ti Gbia. Ala baleoko na use so amu peko ti mbi, ala yeke duti na ndö ti ambata ti gbia baleoko na use titene ala fâ ngbanga ti amara baleoko na use ti Israel.

2 Tesalonike 2:8

Fade Zo ti sioni ayeke si, Kota Gbia Jésus ayeke fâ lo biani biani na pupu ti yanga ti lo. Lo yeke mingo lo biani biani na lege ti zango ndo ti gango ti lo.

Aye so Nzapa afa 1:6

Lo sara si e ga azo ti Kodro-gbia ti Nzapa, awayango-sandaga ti sara kua ndali ti Nzapa Babâ ti lo. Gonda na ngangu ayeke ti Christ kpu na kpu! Amen.

Aye so Nzapa afa 20:4

Na pekoni, mbi baa ambata ti gbia. Azo so aduti na ndö ni, a mu na ala ngangu ti fâ ngbanga. Mbi baa nga yingo ti ala so azo afâ go ti ala ndali ti so ala sara ye alingbi gi na taa-tënë so Jésus afa nga na tënë ti Nzapa. Ala ke ti voro nyama ni wala limo so akpa nyama ni, ala yeke na nzoroko ti nyama ni na ndö ti le ti ala wala na ndö ti maboko ti ala pepe. Ala kiri na fini si ala na Christ abongbi ale-gbia na ya ti ngu saki oko.

Aye so Nzapa afa 3:21

“Zo so aso benda, fade mbi yeke mu na lo lege ti duti na tere ti mbi, na ndö ti mbata ti mbi ti gbia, tongana ti so mbi so benda si mbi duti na tere ti Babâ ti mbi na ndö ti mbata ti lo ti gbia so.

Aye so Nzapa afa 5:10

Mo sara si ala ga azo ti Kodro-gbia ti Nzapa, awayango-sandaga ti sara kua na Nzapa ti e; fade ala yeke le-gbia na ndö ti sese.”