Daniel 7:20 - Mbeti ti Nzapa - Tënë so amu fini

²⁰ Mbi ye nga ti hinga tënë mbirimbiri na ndö ti adidi baleoko so ayeke na li ti nyama ni so, na mbeni so ayeke sigigi si adidi ota ati na dawa ni so: ale ti didi ni ayeke daa si yanga ni ayeke daa so ayeke tene gba ti atënë ti baba. Azo abaa didi ni kota ahon atanga ni.

Daniel 7:20 ပူးပေါင်းရင်းမြစ်များ

Daniel 7:11

“Mbi ngba ti baa ndo ndali ti gba ti atënë ti baba so didi ni ayeke tene so. So mbi ngba ti baa ndo, a fâ osio nyama ni si a bi kuâ ti lo na ya ti wâ so aza ngangu si kuâ ni agbi kue.

Daniel 7:19

Na pekoni, mbi ye ti hinga tënë mbirimbiri na ndö ti osio nyama ni so lo yeke ti lo nde na tanga ti anyama ni so; lo yeke zia mbeto mingi na be ti zo. Apembe ti lo ayeke na wen si anzënë ti gere ti lo ayeke na bengba wen. Lo yeke te ye, lo suru ya ni kete kete si atanga ni lo yeke do na gere ti lo.

Daniel 7:21

Mbi ngba ti baa ndo, mbi baa didi ni ayeke sara bira na azo so Nzapa asoro ala si lo yeke nduru ti kinda ala na ya ti bira ni.

Daniel 7:23

“Zo so mbi hunda lo so atene na mbi tongaso: ‘Osio nyama ni ayeke osio kodro so ayeke duti ande na ndö ti sese; kodro ni ayeke ti lo nde na atanga ni kue. Fade kodro ni ayeke te aye so kue ayeke na ndö ti sese, lo yeke do ye kue na gere si lo yeke suru ya ni kete kete.

Daniel 7:7

Na pekoni mbi baa ndo, mbi baa na bi na ya ti mbeni ye tongana bango-li osio nyama ni. Lo yeke mu mbeto mingi na zo, lo yeke taa sioni sioni; ngangu ti lo ahon ndoni. Lo yeke na akota pembe ti wen so lo yeke te na ye, lo yeke suru na ya ti aye kete kete. Aye so lo yeke te ni pepe, lo yeke do na gere ti lo. Lo yeke ti lo nde na akozo nyama ota so; lo yeke na didi baleoko.

Daniel 7:8

So mbi ngba ti gbu li ti mbi na ndö ti adidi ni, mo ye ti baa, mbeni fini didi so ayeke kete ato nda ti sigigi na popo ti adidi ni. Na dawa ti kete didi ni, a gboto didi ota ti akozo didi ni. Le ti fini didi ni ayeke daa tongana ti zo si yanga ni ayeke daa so ayeke tene gba ti atënë ti baba.

Aye so Nzapa afa 12:3

Mbeni ye ti kpene nde akiri asigigi na le ti nduzu: mbeni sioni nyama so akpa ngunde, tere ti lo abe tongana wâ, li ti lo ayeke mbarambara, lo yeke na adidi baleoko si lo yu akpoto ti gbia na ali ti lo oko oko kue.