Daniel 7:18 - Mbeti ti Nzapa - Tënë so amu fini

¹⁸ Me a yeke mu kodro ni na azo so Nzapa asoro ala; Nzapa so ayeke na yayu kâ na ndö ti aye kue so; fade kodro ni ayeke ngba ti ala lakue lakue, kpu na kpu.’

Daniel 7:18 ပူးပေါင်းရင်းမြစ်များ

Abia (Psaumes) 45:16

Na dekongo na ngia, ala yeke li na yangbo ti gbia.

Abia (Psaumes) 49:14

Azo so azia be ti ala mingi na ndö ti ala wani, azo so tënë ti ala wani anzere na ala mingi so, baa ye so ayeke si ande na ala ayeke so:

Ésaïe 14:2

Amara nde ayeke ga ti mu azo ti Israel ti kiri na ala na kodro ti ala. Na sese so ayeke ti KOTA GBIA, azo ti Israel ayeke mu amara ni ti ga angbaa ti ala, akoli na awali. Azo so lani agbu azo ti Israel na kanga so, fade azo ti Israel ayeke gbu ala ti ga azo ti kanga; ala yeke sara komandema na ndö ti azo so asara lani ngangu na ala.

Daniel 7:14

A mu na lo ngangu ti sara komandema, a mu na lo gonda si a mu lo gbia. Tongaso amara nde nde na azo ti ayanga ti kodro nde nde kue asara kua na lo. Ngangu ti lo ti sara komandema angba lakue lakue, fade ayeke hunzi pepe. Mbeni ye ti buba lengo-gbia ti lo ayeke daa laoko pepe.

Daniel 7:17

‘Akota nyama osio so ayeke agbia osio so ayeke londo ande na sese.

Daniel 7:22

Me mbakoro ni aga si lo fâ ngbanga ti azo so Nzapa asoro ala na legeni; Nzapa so ayeke na yayu kâ na ndö ti aye kue so. So ndembe ni alingbi awe, a mu na azo ni kodro ni titene aga ti ala.

Daniel 7:25

lo yeke tene asioni tënë na tere ti Nzapa so ayeke na yayu kâ na ndö ti aye kue si lo yeke sara ngangu na azo so Nzapa asoro ala. Lo yeke leke na be ti lo ti sanze alango ti nze nga na andia ti azo ti Nzapa. Fade a yeke zia azo ti Nzapa na maboko ti gbia ni na ya ti ngu ota na ndambo.

Daniel 7:27

Kodro, komandema na dutingo na kota ndo na ya ti akodro nde nde so ayeke na ndö ti sese, fade a mu ni na azo so Nzapa asoro ala; Nzapa so ayeke na yayu kâ na ndö ti aye kue so. Komandema ti azo ti Nzapa ayeke ngba lakue lakue; fade angangu kue ti dunia ayeke ma yanga ti ala si ayeke sara kua na ala.’

Abdias 1:17

Me azo so akpe si angba na fini, fade ala ayeke honde tere ti ala na ndö ti hoto ti *Sion; hoto ni ayeke kiri ti ga ndo so ayeke nde si ayeke nzoni kue. Fade *ahale ti Jacob ayeke kiri ti mu sese ti ala na maboko ti azo so amu ni lani so.

Nzoni Tënë so Luc asu na mbeti 1:33

Fade lo yeke le-gbia na ndö ti azo ti Israel kpu na kpu si lengo-gbia ti lo ayeke hunzi pepe.”

1 Korente 6:2

Ala hinga pepe atene, azo ti Nzapa laa ayeke fâ ande ngbanga ti azo ti dunia so? So ala laa ayeke fâ ande ngbanga ti azo ti dunia so, ala lingbi ti fâ ngbanga ti akete kete tënë pepe?

Efeze 1:3

E gonda Nzapa, Babâ ti *Kota Gbia ti e Jésus Christ! Lo mu na e anzoni ye ti Yingo so kue ayeke na yayu, na lege ti gango so e ga oko na Christ.

Efeze 6:12

Biani, e yeke tiri bira ni na azo pepe, me na ayingo so ayeke na komandema, ala so ayeke na ngangu na ndö ti dunia so ayeke na ya ti vukongo ndo, so ti tene asioni yingo so ayeke na le ti nduzu.

Aye so Nzapa afa 20:4

Na pekoni, mbi baa ambata ti gbia. Azo so aduti na ndö ni, a mu na ala ngangu ti fâ ngbanga. Mbi baa nga yingo ti ala so azo afâ go ti ala ndali ti so ala sara ye alingbi gi na taa-tënë so Jésus afa nga na tënë ti Nzapa. Ala ke ti voro nyama ni wala limo so akpa nyama ni, ala yeke na nzoroko ti nyama ni na ndö ti le ti ala wala na ndö ti maboko ti ala pepe. Ala kiri na fini si ala na Christ abongbi ale-gbia na ya ti ngu saki oko.

Aye so Nzapa afa 22:5

Ndo ayeke kiri ti vuko na ndo ni so pepe, azo ayeke ku zango ti lamba wala sungo ti lâ ti baa ndo na ni pepe, ngbanga ti so *Kota Gbia Nzapa ayeke su na ndö ti ala. Ala yeke le-gbia kpu na kpu.

Aye so Nzapa afa 3:21

“Zo so aso benda, fade mbi yeke mu na lo lege ti duti na tere ti mbi, na ndö ti mbata ti mbi ti gbia, tongana ti so mbi so benda si mbi duti na tere ti Babâ ti mbi na ndö ti mbata ti lo ti gbia so.

Aye so Nzapa afa 5:10

Mo sara si ala ga azo ti Kodro-gbia ti Nzapa, awayango-sandaga ti sara kua na Nzapa ti e; fade ala yeke le-gbia na ndö ti sese.”