Daniel 7:16 - Mbeti ti Nzapa - Tënë so amu fini

¹⁶ Mbi ga nduru na tere ti mbeni zo oko so ayeke na ndo so. Mbi hunda lo titene lo fa na mbi mbirimbiri nda ti ye so mbi baa. Tongaso lo fa na mbi nda ni, lo tene:

Daniel 7:16 ပူးပေါင်းရင်းမြစ်များ

Daniel 7:10

Mbeni wâ asigigi na dawa ti mbakoro ni si ayeke sua tongana ngu. Azo saki saki ayeke sara na lo si ambeni kutu mingi aluti na dawa ti lo. Awafango-ngbanga aduti si ala zi abuku.

Daniel 7:17

‘Akota nyama osio so ayeke agbia osio so ayeke londo ande na sese.

Daniel 8:17

Gabriel aga na tere ti mbi na ndo so mbi yeke daa so. Mbeto agbu mbi mingi tongana lo yeke ga nduru na mbi. Mbi ti mbi kpo li ti mbi na sese. Me lo tene na mbi, lo tene: ‘Daniel, mo yeke gi senge zo. Ayeke nzoni mo hinga, mo tene, ye so mo baa na ya ti mbeni ye tongana bango-li so abaa tënë ti lango ti ndani.’

Daniel 9:22

Lo fa na mbi nda ti ye ni, lo tene: ‘Daniel, mbi ga fadeso ti sara si le ti mo azi ti hinga ye.

Zakarii 2:3

Na pekoni, *KOTA GBIA afa na mbi azo ti pikango ndao osio.

Zakarii 3:7

Tënë so KOTA GBIA so ayeke na ndö ti dunia kue atene ayeke so: “Tongana mo tambula na lege ti mbi si mo sara ye alingbi na andia ti mbi, mo laa, mo yeke ga makonzi ti kota da ti mbi na ti ya ti gbagba ti kota da ni. Mbi yeke zia nga mo na popo ti azo so ayeke sara kua ti mbi ge so.”

Aye so Nzapa afa 5:5

Me mbeni *kangba ni oko atene na mbi: “Toto pepe! Baa, bamara ti mara ti Juda so ayeke *hale ti David, lo so benda awe; lo lingbi ti zi anzoroko mbarambara ni nga ti zi ya ti mbeti ni.”