Daniel 7:14 - Mbeti ti Nzapa - Tënë so amu fini

¹⁴ A mu na lo ngangu ti sara komandema, a mu na lo gonda si a mu lo gbia. Tongaso amara nde nde na azo ti ayanga ti kodro nde nde kue asara kua na lo. Ngangu ti lo ti sara komandema angba lakue lakue, fade ayeke hunzi pepe. Mbeni ye ti buba lengo-gbia ti lo ayeke daa laoko pepe.

Daniel 7:14 ပူးပေါင်းရင်းမြစ်များ

Abia (Psaumes) 102:22

Tongaso, fade azo ayeke vunga iri ti KOTA GBIA na ya ti gbata ti Sion kue; ala yeke vunga tënë ti sepelango lo na Jérusalem

Abia (Psaumes) 103:19

KOTA GBIA azia mbata ti lo ti gbia na yayu; lo yeke le-gbia na ndö ti aye kue.

Abia (Psaumes) 145:13

Lengo-gbia ti mo ayeke ngba lakue lakue, komandema ti mo ayeke na ndö ti azo ti angoi kue. Nzapa ayeke sara ye alingbi na atënë ti yanga ti lo kue, aye so kue lo yeke sara afa so lo yeke sara nzoni be.

Abia (Psaumes) 146:10

KOTA GBIA ayeke gbia kpu na kpu. *Sion, lo yeke Nzapa ti mo ngu na ngu! Aleluya!

Abia (Psaumes) 45:6

Yanga ti ale ti kokora ti mo aza mingi, fade ayeke koro be ti awato ti mo, gbia. Biani, fade azo kue ayeke ti na gbe ti mo.

Abia (Psaumes) 72:11

Agbia kue ayeke kuku na gbe ti lo, amara kue ayeke sara kua na lo.

Abia (Psaumes) 72:17

Ayeke nzoni iri ti gbia ni angba lakue lakue, ague na nduzu na ngoi so kue lâ angba ti su. Ayeke nzoni azo asara tufa na ndö ti amba ti ala na iri ti lo si azo ti amara kue atene: “Ti lo nzoni!”

Abia (Psaumes) 8:6

Mo sara lo, angba kete lo lingbi na *a-ange; mo zia lo gbia si mo mu na lo gonda na nengo.

Ésaïe 16:5

Tongaso, ndali ti nzoni be ti mo, fade mbata ti gbia ti *hale ti David ayeke kpengba. Lo yeke duti ti fâ ngbanga mbirimbiri, lo yeke sara ye na lege ti ndia, lo yeke nduru ti fâ ngbanga mbirimbiri.”

Ésaïe 60:12

Biani, amara nde na akodro-gbia so ayeke ke ti sara kua na mo, ala yeke ngba pepe. A yeke hunzi azo ni kue kue kue.

Ésaïe 9:6

Fade lengo-gbia ti lo ayeke mu ndo ti gue na ni, lo yeke mu siriri so ayeke hunzi pepe, lo yeke duti na ndö ti mbata ti gbia David si lo yeke le-gbia na kodro ti lo. Lo yeke sara titene kodro-gbia ni akpengba na lege ti sarango ye so ayeke na legeni nga na lege ti sarango ye ti mbirimbiri, ti to nda ni laso ti gue na ni ngbii kpu na kpu. Ye so KOTA GBIA so ayeke na ndö ti dunia kue ayeke sara na lege ti kota nzara ti be ti lo laa.

Ésaïe 9:7

*KOTA GBIA atokua mbeni tënë na tere ti azo ti Jacob, tënë ni ati na ndö ti Israel.

Daniel 2:35

Tongaso wen, sese ti sarango na ta, bengba wen, na wen ti nginza na lôro ni kue afâ si aga tongana poro ti ale ti kobe so ayeke na ndö ti lakere na ngoi ti buru: a pe ya ni, pupu amu ahon na ni si zo ahinga ndo so ayeke daa pepe. Ti têne so abo yanda so, têne ni akono aga kota hoto so asi ndö ti sese kue.

Daniel 2:37

O gbia! Mo yeke gbia ti agbia. Nzapa so ayeke na yayu laa azia mo gbia; lo mu na mo komandema, ngangu na gonda.

Daniel 2:44

Na ngoi ti agbia ni, fade Nzapa so ayeke na yayu ayeke sara mbeni kodro so ayeke buba laoko pepe; kodro ni ayeke ti na gbe ti azo ti ambeni mara nde pepe. Fade kodro ni ayeke fâ si ayeke nika ambeni kodro ni kue; gi kodro oko so laa ayeke ngba ti lo lakue lakue.

Daniel 3:4

Zo ti batango bongbi ni adekongo ngangu, atene: “Ala azo kue, azo ti amara nde nde kue na ala, azo ti ayanga ti kodro nde nde kue, ala ma tënë so gbia atene. Lo mu yanga, lo tene:

Daniel 4:3

Nilaa mbi mu yanga titene a iri azo ti nganga so kue ayeke na Babilone, aga na ala na le ti mbi titene ala fa na mbi nda ti bango-li ni.

Daniel 6:26

Na pekoni gbia Darius asara mbeti si lo tokua na azo nde nde kue, azo ti amara nde nde kue na azo ti ayanga ti kodro nde nde kue so asara kodro na ndö ti sese kue; lo tene: “Ayeke nzoni siriri asi ala singo!

Daniel 7:18

Me a yeke mu kodro ni na azo so Nzapa asoro ala; Nzapa so ayeke na yayu kâ na ndö ti aye kue so; fade kodro ni ayeke ngba ti ala lakue lakue, kpu na kpu.’

Daniel 7:27

Kodro, komandema na dutingo na kota ndo na ya ti akodro nde nde so ayeke na ndö ti sese, fade a mu ni na azo so Nzapa asoro ala; Nzapa so ayeke na yayu kâ na ndö ti aye kue so. Komandema ti azo ti Nzapa ayeke ngba lakue lakue; fade angangu kue ti dunia ayeke ma yanga ti ala si ayeke sara kua na ala.’

Abdias 1:21

Azo so azi amba ti ala na gbe ti ngbaa ayeke gue na ndö ti hoto ti Sion titene ala sara komandema na ndö ti azo so ayeke lango na ndö ti hoto ti Ezau. Fade lengo-gbia ayeke ti KOTA GBIA!

Mishe 4:7

Ala so gere ti ala abuba, mbi yeke sara titene ala ga tanga ti azo so angba na fini; ala so a gue na ala na yongoro ndo, mbi yeke sara titene ala ga mbeni ngangu mara. Na ndö ti hoto ti Sion, fade KOTA GBIA ayeke duti gbia ti ala fadeso kpu na kpu.

Matthieu 11:27

“Babâ ti mbi azia ye kue na maboko ti mbi. Zo oko ahinga Molenge ni pepe, gi Babâ oko; zo oko ahinga Babâ ni pepe, gi Molenge ni oko nga na azo so Molenge ni aye ti fa Babâ ni na ala titene ala hinga lo.

Matthieu 28:18

Jésus aga nduru na tere ti ala si lo tene na ala: “A mu na mbi ngangu kue na yayu nga na sese.

Nzoni Tënë so Luc asu na mbeti 1:33

Fade lo yeke le-gbia na ndö ti azo ti Israel kpu na kpu si lengo-gbia ti lo ayeke hunzi pepe.”

Nzoni Tënë so Luc asu na mbeti 10:22

“Babâ ti mbi azia ye kue na maboko ti mbi. Zo oko ahinga Molenge ni pepe, gi Babâ oko; zo oko ahinga Babâ ni pepe, gi Molenge ni oko nga na azo so Molenge ni aye ti fa Babâ ni na ala titene ala hinga lo.”

Jean 12:34

Gba ti azo ni akiri tënë na lo, atene: “Na ya ti mbeti ti *Ndia ti e, e ma a tene, fade *Mesii ayeke ngba kpu na kpu. Tongana nyen laa mo tene, a yeke mu *Molenge ti Zo ti kanga lo na nduzu so? Molenge ti Zo ni ayeke zo wa?”

Jean 3:35

Babâ aye Molenge ni si lo zia ye kue na maboko ti lo.

Ahebro 12:28

Ndali ti so e wara lege ti li na *Kodro-gbia ti Nzapa, kodro so ayeke yingi pepe, ayeke nzoni e mu singila na lo na lege ti sarango kua so anzere na be ti lo, e ma yanga ti lo si e kpe mbeto ti lo.

1 Pierre 3:22

Lo gue na yayu, lo duti na tere ti Nzapa na mbage ti maboko ti lo ti koli si *a-ange, ayingo so ayeke na komandema na ala so ayeke na ngangu ayeke na gbe ti lo.

Aye so Nzapa afa 1:6

Lo sara si e ga azo ti Kodro-gbia ti Nzapa, awayango-sandaga ti sara kua ndali ti Nzapa Babâ ti lo. Gonda na ngangu ayeke ti Christ kpu na kpu! Amen.

Aye so Nzapa afa 11:15

Mbarambara *ange ni ahuru tatalita ti lo. Mbi ma akota go so alondo na yayu, atene: “Fadeso lengo-gbia ayeke ti *Kota Gbia ti e, lo na *Mesii ti lo; fade lo yeke le-gbia kpu na kpu!”

Aye so Nzapa afa 17:14

Fade ala yeke tiri na Molenge ti Taba, me Molenge ti Taba ayeke hon ndö ti ala, ngbanga ti so lo yeke Kota Gbia ti akota gbia si lo yeke Gbia ti agbia. Lo na azo so lo iri ala, lo soro ala si ala yeke azo ti lo, ala yeke hon ndö ti agbia baleoko so.”

Aye so Nzapa afa 3:21

“Zo so aso benda, fade mbi yeke mu na lo lege ti duti na tere ti mbi, na ndö ti mbata ti mbi ti gbia, tongana ti so mbi so benda si mbi duti na tere ti Babâ ti mbi na ndö ti mbata ti lo ti gbia so.