Daniel 6:7 - Mbeti ti Nzapa - Tënë so amu fini

⁷ Agbenyogbia use so na amakonzi alondo na loro, ala gue na ndo ti gbia si ala tene na lo, atene: “Gbia Darius, na nduzu!

Daniel 6:7 ပူးပေါင်းရင်းမြစ်များ

Abia (Psaumes) 10:9

Lo honde tere ti lo ngangu tongana bamara na ya ti pere; lo honde tere ti lo ti gbu zo ti mawa; lo gbu lo, lo gboto lo na gbanda ti lo.

Abia (Psaumes) 2:2

Agbia ti sese alondo ti tiri bira; amakonzi ti akodro ama tere ti ke *KOTA GBIA, lo na zo ti lo so lo zia lo gbia so.

Abia (Psaumes) 59:3

Zi mbi na maboko ti azo ti sarango sioni; soo mbi na maboko ti azo ti tukungo mene.

Abia (Psaumes) 59:5

Mbi sara sioni oko pepe, me ala kpe hio, ala leke tere ti ala ti tiri na mbi. Zingo na lango! Ga na mbage ti mbi, mo baa ye si!

Abia (Psaumes) 62:4

Fade ala kue ayeke bongbi tere ti ti na ndö ti mbeni zo ti fâ lo ngbii asi lawa? Ala ye ti fâ lo tongana dere ti da so aba bango wala tongana gbagba so aye ti ti?

Abia (Psaumes) 83:5

Azo ni atene: “Ala ga, e hunzi mara ti ala si azo akiri adi iri ti Israel pepe.”

Abia (Psaumes) 94:20

Asioni zo so ayeke na li ti awafango-ngbanga si ayeke sara asioni ye so ndia ake tënë ni, fade mo yeke sara beoko na ala tongana nyen?

Daniel 2:4

Ala kiri tënë na lo na yanga ti *arameen, atene: “Gbia na nduzu! Mo fa na e, azo ti kua ti mo, bango-li ni si e fa nda ni na mo.”

Daniel 3:11

Zo so ake ti kuku ti voro yanda ni, fade a bi lo biaku na ya ti kota wâ so ayeke za ngangu.’

Daniel 3:2

Na pekoni, gbia Nabukodonosor atokua azo ti bongbi amakonzi, akota komanda, agovoronere, awamungo-wango, awabatango-nginza, azo ti ndia, awafango-ngbanga na akota zo ti akete kodro ni kue. A iri ala ti ga na matanga ti vorongo yanda so gbia azia ni aluti na nduzu so.

Daniel 3:27

Amakonzi, akota komanda, agovoronere na awamungo-wango ti gbia abongbi gbani gbani ti baa akoli ota so; ala baa tere ti ala kpoo: wâ ni andu mbeni ye ti tere ti ala oko pepe, kua ti li ti ala agbi pepe, abongo ti ala agbi nga pepe, tere ti ala afun guru pepe.

Daniel 3:6

Zo so ake ti kuku ti voro yanda ni, a yeke bi lo biaku na ya ti kota wâ so ayeke za ngangu.’ ”

Daniel 6:16

Me awato ti Daniel akiri aga na loro na ndo ti gbia si ala tene na lo, atene: “Gbia, ayeke nzoni mo hinga, mo tene, na lege ti ndia ti azo ti Medii na ti Perse, tongana gbia asu maboko na gbe ti mbela wala na gbe ti ndia awe, zo alingbi ti mingo ngangu ni pepe.”

Daniel 6:22

Daniel akiri tënë na gbia, atene: “Gbia na nduzu!

Mishe 6:5

Ala azo ti mbi, ala dabe ti ala na ye so Balak, gbia ti Moab, aleke ando na be ti lo ti sarango ni, nga na tënë so Balaam, molenge ti Beor, akiri na ni na Balak so. Ala dabe ti ala nga na londongo so azo ti Israel alondo na Shitim ngbii ala si na Gilgal so. Tongaso, fade ala yeke hinga lege so KOTA GBIA ayeke sara nzoni na azo ti lo.”

Nahum 2:12

Fadeso, ndo ti lango ti abamara ayeke na ndo wa? Ndo so akete bamara ayeke te kobe daa ayeke na ndo wa? Lani, tongana bamara ahon ti gi nyama ndali ti amolenge ti lo, zo oko ti zia mbeto na be ti ala ayeke daa pepe.

Matthieu 12:14

So *afarizien asigigi na ya ti da ti sambelango Nzapa, ala bongbi ti gbu li ti ala ti gi lege ti fâ Jésus.

Matthieu 26:4

Ala leke tënë ti gbu Jésus na lege ti mbeni mayere titene ala fâ lo.

Marc 15:1

Gi na kota ndaperere, akota wayango-sandaga, *akangba, awafango-ndia na azo kue ti *Kota Bongbi ti Fango Ngbanga abongbi ti ma tere. Ala kanga Jésus, ague na lo si azia lo na maboko ti Pilate.

Jean 12:10

Akota wayango-sandaga aleke tënë na popo ti ala ti fâ nga Lazare,