Daniel 6:5 - Mbeti ti Nzapa - Tënë so amu fini

⁵ Tongaso, tanga ti agbenyogbia use na amakonzi ni agi lege ti hinga sioni so Daniel asara na kodro ni si ala lingbi ti bi tënë na li ti lo. Me ala wara tënë na li ti lo oko pepe, ngbanga ti so Daniel ayeke sara aye ti lo kue na legeni: azo abaa mbeni sioni ye oko so lo sara pepe.

Daniel 6:5 ပူးပေါင်းရင်းမြစ်များ

Esther 3:8

Haman atene na gbia Zerses: “Babâ gbia, mbeni mara ayeke na ya ti kodro so ayeke ti lo nde. Azo ti mara ni amu ya ti kodro ti mo kue si ala yeke duti ti ala nde na azo ti kodro ni. Lege ti dutingo ti ala na sarango ye ti ala ayeke nde na ti ambeni mara; ala ye ti sara ye alingbi na andia ti gbia pepe. Tongana mo zia ala duti kpoo tongaso, mo yeke wara nyen daa?

Abia (Psaumes) 37:32

Azo ti sioni ayeke hara zo ti mbirimbiri, ala yeke gi lege ti fâ lo.

Jérémie 29:7

Ala gi lege ngangu ti sara si gbata so KOTA GBIA ague na ala daa so amai. Ala sambela KOTA GBIA ndali ti gbata ni, ngbanga ti so maingo ti ala wani alondo gi na maingo ti gbata ni.’

1 Samuel 24:17

So David atene tënë so awe, Saul ahunda ndo, atene: “David molenge ti mbi, taa go ti mo laa?” Na pekoni, Saul ati na kota toto.

1 Samuel 29:3

Amakonzi ti aturugu ti Filistii ahunda ndo, atene: “Ahebro so ayeke sara nyen ge?” Akish akiri tënë na ala: “So David laa, zo ti kua ti Saul, gbia ti Israel! A sara ngu oko wala ngu use so lo yeke na ndo ti mbi. Ngbene ye so lo zia wa ti lo si lo ga na ndo ti mbi ngbii asi laso, mbi baa sioni ye oko pepe so lo sara.”