Daniel 6:4 - Mbeti ti Nzapa - Tënë so amu fini

⁴ Daniel ahon tanga ti agbenyogbia use so na amakonzi ni kue, ngbanga ti so hingango ndo ti lo ahon ti azo kue. Nilaa gbia aleke na be ti lo ti zia lo titene lo baa ndo na ndö ti kodro ni kue.

Daniel 6:4 ပူးပေါင်းရင်းမြစ်များ

Tongo nda ti aye 41:38

Faraon ahunda ala, atene: “E lingbi ti wara mbeni zo so yingo ti Nzapa ayeke na ya ti lo tongana koli so?”

Tongo nda ti aye 43:18

Mbeto asara ala, ngbanga ti so a mu ala, a gue na ala na da ti Joseph. Ala tene na be ti ala: “A mu e, a ga na e ge ndali ti nginza so a zia ni angba na ya ti asake ti e na ndembe so e ga ge kozoni. Nilaa lo yeke gi lege ti gbu e, ti sara sioni na e, ti sara si e ga angbaa si lo mu alele ti e.”

Amato 29:27

Be ti azo ti mbirimbiri ake azo ti kirikiri mingi; be ti azo ti sioni ake azo so sarango ye ti ala ayeke na legeni.

Zo ti bongbingo azo 4:4

Mbi kiri mbi baa so akua so azo ayeke baa pasi na sarango ni, ala ye ti ga nzoni ti hon amba ti ala. Ye so nga ayeke gi senge senge si ayeke tumbango peko ti pupu senge.

Jérémie 18:18

Tongaso azo ni atene: “Ala ga, e leke tënë na tere ti Jérémie. Awayango-sandaga ayeke daa, fade ala yeke ngba ti fa na e atënë ti ndia. Azo ti ndara ayeke daa, fade ala yeke mu na e awango senge. Awayanga-Nzapa atia pepe, fade ala yeke tene na e peko ti atënë ti yanga ti Nzapa senge. Ala ga, e tene asioni tënë ti buba iri ti Jérémie. Atënë so asigigi na yanga ti lo so, e dingi mê ti e ti ma ni oko pepe.”

Jérémie 18:23

Mo KOTA GBIA, mo hinga apialo so kue ala leke na tere ti mbi ti fâ mbi. Mo zi sioni na li ti ala pepe, sara si siokpari ti ala ahon na le ti mo pepe. Ayeke nzoni ala ti na sese na dawa ti mo. Na ndembe ti ngonzo ti mo, mo sara sana na ala.

Jérémie 20:10

Mbi yeke ma gi sioni tënë ti gba ti azo. Ala yeke di iri ti mbi: “Mbeto-mbage-na-mbage-kue”. Ambeni ayeke tene: “Ala gue na lo na ngbanga ma!” Ambeni ayeke tene ti ala: “Een, e yeke gue na lo!” Ataa amba ti mbi so mbi na ala e ye tere mingi, ala yeke ku ti baa wala mbi yeke girisa lege. Ala yeke tene na be ti ala, atene: “Tongana lo ti fade na ya ti handa ti lo wani, ka anzere mingi. Tongaso si fade e gbu lo si e kiri na lo peko ti sioni so lo sara na e”.

Jérémie 29:7

Ala gi lege ngangu ti sara si gbata so KOTA GBIA ague na ala daa so amai. Ala sambela KOTA GBIA ndali ti gbata ni, ngbanga ti so maingo ti ala wani alondo gi na maingo ti gbata ni.’

Daniel 3:8

Kete na pekoni, ambeni zo ti Babilone aga si abi tënë na li ti azuife.

Daniel 5:12

Azo abaa lo tongana zo so ahinga ndo ahon azo mingi, so ahinga nda ti aye si ayeke na ndara so ayeke nde; lo lingbi ti fa nda ti abango-li, nda ti aye so ahonde na nda ti aye so akara azo. Ala iri Daniel ni aga, lo so gbia adi iri ti lo Beltasar so. Fade lo yeke fa na mo nda ti mbeti so a su na tere ti dere ti da so.”

Daniel 6:22

Daniel akiri tënë na gbia, atene: “Gbia na nduzu!

Matthieu 26:4

Ala leke tënë ti gbu Jésus na lege ti mbeni mayere titene ala fâ lo.

Matthieu 27:18

Biani, Pilate ahinga atene, ala zia Jésus na maboko ti lo, ngbanga ti so kota be asara ala na tere ti lo.

Nzoni Tënë so Luc asu na mbeti 20:20

Ala to nda ti *bembe ndo na tere ti Jésus. Ndani laa ala tokua ambeni zo na lo so asara tere ti ala tongana anzoni zo. Azo ni ague ti hunda lo na mbeni tënë titene na lege ti tënë ti yanga ti lo wani, lo ti na ya ti gbanda ti ala. Ala ye ti wara lege ti gbu lo ti zia lo na maboko ti akota zo ti kodro nga na govoronere.

Nzoni Tënë so Luc asu na mbeti 20:26

Tongaso ala wara tënë na yanga ti lo pepe ti gbu lo ndali ni na le ti azo ni. Li ti ala kue akpe ndali ti tënë so lo kiri na ni na ala so si ala zi yanga oko pepe.

Nzoni Tënë so Luc asu na mbeti 22:2

Akota wayango-sandaga na awafango-ndia ayeke gi lege ti fâ Jésus; me ala sara mbeto ti azo ti kodro.

Jean 19:4

Pilate akiri asigigi si lo tene na azuife: “Ala baa, lo laa mbi yeke sigigi na lo na ala so. Ayeke nzoni ala hinga so mbi wara ti mbi mbeni tënë oko pepe ti fâ ngbanga na li ti koli so ndali ni.”

2 Korente 11:12

Ye so mbi yeke sara laso so, fade mbi yeke ngba lakue ti sara ni, tongaso si azo so aye ti wara mbeni ye ti luti na ndö ni ti gonda tere ti ala tongana ti so e yeke gonda tere ti e, fade ala wara ye ni pepe.

Filipe 2:15

Tongaso, fade ala yeke duti azo so tënë ayeke na li ti ala pepe, azo so ayeke nzoni kue, amolenge ti Nzapa so ayeke sioni pepe na popo ti azo ti fadeso so ayeke sioni si ayeke sara kirikiri. Na popo ti azo ni, ala yeke duti tongana wâ so ayeke za na dunia so.

1 Timothée 5:14

Ndani laa, mbi ye si awali-mua so angba maseka akiri amu koli, ala du amolenge, ala fa lege na azo ti da ti ala. Ala sara tongaso si awato ti e awara lege ti tene sioni tënë na tere ti e pepe.

Tite 2:8

Mo tene gi tënë so ayeke na legeni si zo alingbi ti kasa ni pepe, tongaso si wato agi tënë ti bi na li ti e gbaa si kamene agbu lo.

1 Pierre 2:12

Alingbi dutingo ti ala na popo ti azo ti amara nde ayeke nzoni. Tongaso, ataa so azo ni ayeke bi tënë na li ti ala atene, ala yeke azo ti sarango sioni, azo ni abaa nzoni sarango ye ti ala si ala gonda Nzapa na ndembe so lo yeke ga.

1 Pierre 3:16

Ala kiri tënë na azo ni na ngangu pepe, ala ne azo ni. Alingbi mbeni sioni ye oko aduti na be ti ala pepe. Tongaso, taa ye so azo ayeke bi tënë na li ti ala senge senge ndali ni, kamene ayeke gbu azo so atene sioni tënë na tere ti ala ndali ti nzoni dutingo ti ala oko na Christ.

Awafango-ngbanga 14:4

Babâ na mama ti lo ahinga pepe atene, *KOTA GBIA laa ayeke pusu Samson ti sara ye so. Biani, lo yeke gi mbeni lege titene lo sara bira na azo ti Filistii. Na ngoi ni so, azo ti Filistii laa ayeke na ndö ti azo ti Israel.

1 Samuel 12:4

Azo ti Israel atene: “Mo mu ye ti e na haram pepe. Mo sara ngangu na e pepe. Mbeni zo oko apete nga goro na mo pepe.”

1 Samuel 18:14

Na ya ti abira so kue David ayeke gue daa, lo yeke so benda, ngbanga ti so KOTA GBIA ayeke na lo.

1 Samuel 22:14

Ahimelek akiri tënë na gbia, atene: “Na popo ti azo ti kua ti mo kue, mbeni mbirimbiri zo tongana David ayeke daa? Lo yeke kogara ti gbia, lo ga makonzi ti aturugu ti batango mo, azo ti da ti mo ayeke ne lo mingi.