Daniel 6:28 - Mbeti ti Nzapa - Tënë so amu fini

²⁸ Lo yeke zi azo si lo yeke soo azo na kuâ; lo yeke sara aye ti dongo be na aye ti kpene, lo yeke sara ni na yayu nga na sese. Lo laa lo zi Daniel na yanga ti abamara.”

Daniel 6:28 ပူးပေါင်းရင်းမြစ်များ

2 Mbai 36:22

Na kozo ngu so Sirus ayeke gbia ti Perse, *KOTA GBIA aye ti sara si tënë ti lo so lo zia ando na yanga ti Jérémie ti tene, aga taa-tënë. Nilaa KOTA GBIA azia na be ti Sirus ti mu yanga titene a to mbela na tënë ti Sirus na ya ti kodro ti lo kue; a su nga atënë ni na mbeti, atene:

2 Mbai 36:23

“Tënë so mbi Sirus, gbia ti Perse, mbi tene ayeke so: KOTA GBIA, Nzapa ti yayu azia na gbe ti mbi akodro-gbia kue ti sese. Lo mu yanga na mbi ti leke na lo da na Jérusalem, na sese ti Juda. Azo so kue na popo ti ala ayeke azo ti lo, ayeke nzoni ala gue kâ. Ayeke nzoni KOTA GBIA, Nzapa ti ala aduti na ala!”

Abia (Psaumes) 77:15

Mo yeke oko Nzapa so mo sara ye ti kpene; mo fa ngangu ti mo na popo ti azo.

Ésaïe 44:28

Tënë so mbi tene na ndö ti Sirus ayeke so: ‘Lo yeke wabatango-taba ti mbi. Ye so mbi ye, fade lo yeke sara si aga nzoni. Lo yeke mu yanga titene a kiri aleke Jérusalem, titene a kiri alu gere ti kota da ti Nzapa.’ ”

Jérémie 32:20

“Ando na Ezipte, mo sara aye ti dongo be na aye ti kpene ngbii asi laso. Mo sara si iri ti mo awu na popo ti azo ti Israel nga na popo ti tanga ti azo kue, tongana ti so a yeke baa ni laso so.

Daniel 1:21

Daniel asara kua na gbia ngbii asi na ngu so Sirus aga gbia.

Daniel 10:1

Na ngu ota ni so Sirus ayeke gbia ti Perse, a fa na Daniel, lo so a di iri ti lo Beltasar, mbeni tënë so alondo na Nzapa. Tënë ni ayeke taa-tënë si afa tënë ti kota ye ti mawa so ayeke si. Daniel agbu li ti lo daa mingi si lo hinga nda ti tënë ni na lege ti ye so lo baa na ya ti mbeni ye tongana bango-li.

Daniel 3:29

Ndani laa, mbi mu yanga fadeso, mbi tene: ‘Zo so ayeke tene sioni tënë ti Nzapa ti Shadrak, ti Meshak na ti Abed-Nego, ataa zo ni ayeke ti mara wa, wala ti yanga ti kodro wa, fade a yeke fâ ya ti zo ni nduru nduru; fade da ti zo ni aga ndo ti azende. Biani, mbeni nzapa nde ti soo zo na kuâ tongaso ayeke daa pepe.’ ”

Daniel 5:28

PARSIN aye ti tene ya ni akangbi awe: ya ti kodro ti mo akangbi awe, a mu ni na azo ti Medii na ti Perse.”