Daniel 6:25 - Mbeti ti Nzapa - Tënë so amu fini

²⁵ Gbia amu yanga titene a ga na akoli so a bi tënë na li ti Daniel so. A mu ala si a bi ala na ya ti du ti abamara, ala na awali ti ala nga na amolenge ti ala. Kozo titene azo ni ati na ngbonda ti du ni kâ, abamara ni agbu ala gi na le ti nduzu si afâ ya ti abio ti ala nduru nduru.

Daniel 6:25 ပူးပေါင်းရင်းမြစ်များ

Esdras 4:17

Gbia Artakzerses akiri na peko ti mbeti ni atene: “Mbi tokua mbeti so na govoronere Rehum, na wakuasu Shimeshai nga na amba ti ala so ayeke na gbata ti Samarii nga na ala so ayeke na sese ti Do ti ngu ti Efrate. “Mbi bara ala…

Esther 3:12

Na lango baleoko na ota ti kozo nze ni, a tokua titene a iri awakuasu ti gbia ti ga. Ala ga si ala su na mbeti atënë ni kue alingbi gi na yanga so Haman amu na ala. Na pekoni ala tokua mbeti ni na akota komanda, agovoronere ti akodro-sese oko oko nga na amakonzi ti amara oko oko kue. Awakuasu ni asu ambeti ni na lege ti kode ti sungo mbeti nga na yanga ti kodro ti azo ni oko oko kue. Awakuasu ni asu iri ti gbia Zerses daa si ala kpo nzoroko ti lo na ndö ni.

Esther 7:10

Ala kanga go ti Haman na nduzu na tere ti keke so lo wani, lo leke ndali ti Mardochée. Na pekoni, ngonzo ti gbia ade.

Esther 8:9

Gi na oko lango ni so, so ti tene na lango baleuse na ota ti ota nze ni, so ti tene nze ti Sivan si a tisa awakuasu ti gbia ti ga. Ala ga si ala su ambeti ni alingbi gi na yanga so Mardochée amu na ala ndali ti azuife; ala tokua ambeti ni na akota komanda, agovoronere nga na akota zo ti akodro-sese ngbangbo oko na baleuse na mbarambara ti kodro ni kue, ti londo na Inde ngbii asi na Etiopii. Ala su ambeti ni na lege ti kode ti sungo mbeti ti azo ti akodro-sese oko oko nga na yanga ti kodro ti amara oko oko. Ala su nga ambeti ni na lege ti kode ti sungo mbeti ti azuife nga na yanga ti kodro ti ala.

Abia (Psaumes) 7:15

Zo so aleke na be ti lo ti sara sioni, fade sioni ni ayeke kono na ya ti lo ti ga kpale; na pekoni, lo yeke du atënë ti mvene.

Abia (Psaumes) 9:16

Azo ti mara nde ati na ya ti du so ala wani azi; kuku so ala leke na hondengo ni, kuku ni akiri agbu gere ti ala wani.

Amato 11:8

A yeke zi zo ti mbirimbiri na ya ti ye ti ngangu; na plase ti lo, zo ti sioni ati na ya ni.

Daniel 3:4

Zo ti batango bongbi ni adekongo ngangu, atene: “Ala azo kue, azo ti amara nde nde kue na ala, azo ti ayanga ti kodro nde nde kue, ala ma tënë so gbia atene. Lo mu yanga, lo tene:

Daniel 4:1

“Mbi Nabukodonosor, mbi yeke duti ti mbi lani kpoo na ya ti da ti mbi si mbi yeke nzoni na yangbo ti mbi.

Ndia ti fani use ni 19:19

fade ala, azo ti Israel, ala yeke sara na zo ni gi ye so lo ye fade ti sara na ita ti lo so. Lege so ala yeke zi sioni ye na popo ti ala laa.

1 Pierre 1:2

Nzapa Babâ asoro ala tongana ti so lo leke na be ti lo kozoni; lo sara si ala ga azo so ayeke nde si ayeke nzoni kue na lege ti Yingo ti lo, tongaso si ala ma yanga ti Jésus Christ, tongaso nga si lo *sukula asioni ti ala na mene ti lo. Ayeke nzoni Nzapa asara nzoni be mingi na ala si lo mu na ala siriri ahon ndoni!

2 Pierre 1:2

Ayeke nzoni Nzapa asara nzoni be na ala, lo mu na ala siriri gbani gbani na lege so ala hinga Nzapa nga na Jésus, Kota Gbia ti e.

Jude 1:2

Ayeke nzoni Nzapa asara nzoni be na ala, lo mu na ala siriri nga na ndoye gbani gbani!