Daniel 6:24 - Mbeti ti Nzapa - Tënë so amu fini

²⁴ Ngia asi be ti gbia si lo mu yanga titene a sigigi na Daniel na ya ti du ni. Gi so a sigigi na Daniel na ya ti du ni awe, azo abaa so ka oko ayeke na tere ti lo pepe, ngbanga ti so lo zia be ti lo na ndö ti Nzapa ti lo.

Daniel 6:24 ပူးပေါင်းရင်းမြစ်များ

2 Agbia 14:6

Me lo fâ pepe amolenge ti azo ti fango babâ ti lo, alingbi na tënë so a su na ya ti mbeti ti *Ndia ti Moïse. Na ya ti mbeti ni, KOTA GBIA amu yanga atene: “Fade a yeke fâ ababâ na amama pepe ndali ti siokpari ti amolenge ti ala; a yeke fâ nga amolenge pepe ndali ti siokpari ti ababâ na amama ti ala; a yeke fâ zo oko oko ndali ti siokpari ti lo wani.”

Esther 7:10

Ala kanga go ti Haman na nduzu na tere ti keke so lo wani, lo leke ndali ti Mardochée. Na pekoni, ngonzo ti gbia ade.

Esther 9:10

Ala kue ayeke amolenge baleoko ti Haman, molenge ti Hamedata, zo ti sarango ngangu na azuife. Me a gbu ye ti azo ni pepe.

Esther 9:25

Me so Esther ague, abaa gbia, gbia amu yanga titene a su mbeni mbeti ti sara titene sioni so Haman aye ti sara na azuife so akiri gi na ndö ti lo wani; a mu Haman a kanga go ti lo na tere ti keke na nduzu, lo na amolenge ti lo baleoko.

Abia (Psaumes) 54:5

Awande alondo ti tiri na mbi; azo ti sarango ngangu na azo aye gi kuâ ti mbi; na le ti ala, Nzapa ayeke ye oko pepe. Luti kete

Amato 11:8

A yeke zi zo ti mbirimbiri na ya ti ye ti ngangu; na plase ti lo, zo ti sioni ati na ya ni.

Amato 19:9

Zo so atene mvene na le ti ngbanga, fade pekoni ayeke ngba na lo senge pepe. Zo so atene mvene, ti lo ahunzi awe.

Ésaïe 38:13

Kozo si ndo ahan, mbi yeke ye oko pepe. KOTA GBIA afâ ya ti abio ti mbi kue tongana ti so bamara ayeke sara. Na kota lâ ngbii asi na lakui, mo hunzi na mbi awe.

Jérémie 34:17

“Baa, tënë so KOTA GBIA atene ayeke so: Ala oko oko kue alingbi fade ti to mbela titene a zi a-ita ti ala na amba ti ala na gbe ti ngbaa; me ala ma yanga ti mbi pepe. Ndani laa, mbi KOTA GBIA, mbi to mbela titene a zi lege na bira, na sioni kobela ti bubango kodro nga na nzara ti ga na tere ti ala; so tënë ti yanga ti KOTA GBIA laa. Fade akodro-gbia kue ti sese ayeke do na kota mbeto na bango ala.

Daniel 3:22

Ndali ti so gbia aluti biani na ndö ti yanga so lo mu, azo asara wâ ni si akiri aza ngangu ahon ti so ala yeke sara lakue. Nilaa aturugu so amu Shadrak, Meshak na Abed-Nego si abi ala na ya ti wâ ni, menga ti wâ ni agbi aturugu ni si ala kui.

Ndia ti fani use ni 24:16

Moïse atene: Alingbi ti fâ ababâ na amama pepe ndali ti siokpari ti amolenge ti ala; alingbi nga ti fâ amolenge pepe ndali ti siokpari ti ababâ na amama ti ala; a yeke fâ zo oko oko ndali ti siokpari ti lo wani.