Daniel 6:20 - Mbeti ti Nzapa - Tënë so amu fini

²⁰ Na ndaperere, so ndo angba kâ, gbia alondo si lo gue hio na du ti abamara ni.

Daniel 6:20 ပူးပေါင်းရင်းမြစ်များ

Tongo nda ti aye 18:14

Mbeni ye ti kpene so KOTA GBIA alingbi ti sara pepe ayeke daa? Na ngu ti peko, gi na mara ti ngoi so e yeke daa so, na ndembe so mbi yeke kiri ti ga ge, Sara adu molenge-koli awe.”

1 Mbai 16:11

Ala gi KOTA GBIA, ala gi ngangu ti lo; ala gi le ti lo lakue.

Abia (Psaumes) 119:112

Mbi mu be ti mbi kue ti sara ye alingbi na ambela ti mo; ye so mbi yeke wara na peko ni kpu na kpu laa.

Abia (Psaumes) 146:2

Na lango ti fini ti mbi kue, mbi ye ti sepela KOTA GBIA; na ngoi so kue mbi yeke ngba na fini, mbi ye ti he bia na Nzapa ti mbi.

Abia (Psaumes) 73:23

Andaa mbi yeke lakue na mo. Mo gbu maboko ti mbi ti koli,

Jérémie 32:17

“Ae Kota Gbia NZAPA, mo laa mo sara yayu na sese na lege ti kota ngangu ti mo, na lege ti maboko ti mo so mo yoro. Mbeni ye so ayeke ngangu na mo ayeke daa pepe.

Daniel 3:15

Fade ala yeke kiri ti ma toto ti tatalita, ti ngoli, ti kete kundi na ti kota kundi, ti kalangba na mara ti angoli nde nde na aye ti sarango na mozoko nde nde. Ala yeke fadeso nduru ti kuku na sese ti voro yanda ti lôro so mbi sara ni so? Tongana ala ke, fade a yeke bi ala biaku na ya ti kota wâ so ayeke za ngangu. Nzapa wa si ayeke zi ala na maboko ti mbi?”

Daniel 3:17

Me ayeke nzoni mo hinga, mo tene, Nzapa ti e so e yeke sara na lo, tongana lo lingbi ti zi e na ya ti kota wâ ni nga na maboko ti mo, fade lo yeke zi e senge.

Daniel 6:16

Me awato ti Daniel akiri aga na loro na ndo ti gbia si ala tene na lo, atene: “Gbia, ayeke nzoni mo hinga, mo tene, na lege ti ndia ti azo ti Medii na ti Perse, tongana gbia asu maboko na gbe ti mbela wala na gbe ti ndia awe, zo alingbi ti mingo ngangu ni pepe.”

Daniel 6:19

Na pekoni, gbia akiri na yangbo ti lo na bi ni so. Lo ke ti te kobe. Lo hunda titene a ga na awali ti lo na tere ti lo pepe; lango agbu le ti lo nga pepe.

Daniel 6:26

Na pekoni gbia Darius asara mbeti si lo tokua na azo nde nde kue, azo ti amara nde nde kue na azo ti ayanga ti kodro nde nde kue so asara kodro na ndö ti sese kue; lo tene: “Ayeke nzoni siriri asi ala singo!

Daniel 6:27

“Mbi mu yanga na ala kue, mbi tene: Na ya ti kodro so kue ayeke na gbe ti komandema ti mbi, alingbi azo kue akpe mbeto ti Nzapa ti Daniel si ane lo. Biani, lo yeke Nzapa so ayeke na fini, lo ngba lakue lakue. Lengo-gbia ti lo ayeke ngba kpu na kpu, fade ngoi ti lo ti duti gbia ayeke hunzi laoko pepe.

Osée 12:6

KOTA GBIA, Nzapa so ayeke na ndö ti dunia kue; taa iri ti lo so a yeke iri na lo ayeke “KOTA GBIA”.

Wungo ti azo 11:23

KOTA GBIA akiri tënë na Moïse: “Ngangu ti mbi alingbi ti sara ye tongaso pepe? Mo ku, mo baa wala tënë so mbi tene na mo ayeke ga taa-tënë wala ayeke ga taa-tënë pepe!”

Nzoni Tënë so Luc asu na mbeti 1:37

So ti fa atene, ye ti hon ngangu ti Nzapa ayeke daa pepe.”

Nzoni Tënë so Luc asu na mbeti 18:1

Jésus atene na ala mbeni toli ti fa na ala atene, ayeke nzoni ala sambela lakue, be ti ala awoko pepe.

Awatokua 6:4

Ti e, fade e yeke mu tere ti e kue ti sambela, ti sara kua ti fango tënë ti Nzapa.”

Rome 2:7

Azo so amu be ti ala kue ti gi ti sara nzoni ye, ala yeke gi titene Nzapa agonda ala, lo ne ala si lo mu na ala fini so angba lakue lakue, fade Nzapa ayeke mu lege na ala ti duti na fini kpu na kpu.

2 Korente 1:10

Lo laa lo zi e na ya ti kuâ, fade lo yeke kiri ti zi e na ya ni. Biani, e zia be ti e ti ku lo, fade lo yeke kiri ti zi e.

Kolose 4:2

Ala ngba lakue ti sambela. Le ti ala akpengba na lege ti sambela ni, ala mu singila na Nzapa.

2 Timothée 1:12

Ndani laa, mbi yeke baa pasi so, me kamene ayeke sara mbi pepe, ngbanga ti so mbi hinga zo so mbi zia be ti mbi na ndö ti lo. Mbi hinga nga so, zo ni ayeke na ngangu ti bata ye so lo zia na maboko ti mbi so ngbii asi na lango ti ndani.

Ahebro 7:25

Ndani laa, azo so ayeke ga nduru na Nzapa na lege ti lo, lo yeke na ngangu ti soo ala biani biani, ngbanga ti so lo yeke ngba na fini lakue lakue ti sambela ndali ti ala.

Jacques 1:25

Me zo so agi nda ti ndia mbirimbiri, ndia so ayeke nzoni kue si ayeke zi zo na gbe ti ngbaa, zo ni azia be ti lo kue na ndö ni, lo ma tënë ni si tënë ni ahuru mê ti lo pepe, me lo yeke sara ye alingbi na ni, fade lo yeke baa nzoni na lege ti aye ti lo so lo yeke sara.

Jude 1:24

Nzapa so alingbi ti bata ala si ala ti pepe, lo lingbi ti sara si ala ga nzoni kue, ala si na gbe ti gonda ti lo na ngia.