Daniel 6:18 - Mbeti ti Nzapa - Tënë so amu fini

¹⁸ Azo aga na têne si ala zia ni na ndö ti yanga ti du ni. Gbia akpo nzoroko ti lo wani na ndö ni nga na ti akota zo ti lo, tongaso si mbeni zo aga ti sara ye nde na Daniel pepe.

Daniel 6:18 ပူးပေါင်းရင်းမြစ်များ

2 Samuel 19:24

Na pekoni, gbia atene na Shimei: “Fade a yeke fâ mo pepe, mbi deba yanga ti mbi awe.”

1 Agbia 21:27

So Akab ama atënë so Élie atene, lo suru bongo na tere ti lo, lo yu bongo ti mua si lo ke kobe ti sambela. Na bi, lo yeke lango na bongo ti mua ni na tere ti lo si lo yeke tambula gi yeke-yeke.

Esther 6:1

Na bi ni so, gbia aye ti lango, lo lango gbaa. Tongaso lo hunda titene a ga na lo ambeti-sango ti ngu oko oko ti kodro ni; so ti tene mbeti so a su akota tënë ti kodro ni daa so. A ga na mbeti ni si a diko ni na lo.

Mbeti ti Job 21:12

Ala yeke he bia, na pikango ngo, na kundi; ala yeke sara ngia na toto ti *ngoli.

Abia (Psaumes) 137:2

E zia akundi ti e na nduzu na ya ti akeke ti yanga ti ngu ni.

Abia (Psaumes) 77:4

So mbi dabe ti mbi na Nzapa, mbi yeke dema; so mbi ngba ti gbu li ti mbi, be ti mbi awoko kue. Luti kete

Zo ti bongbingo azo 2:8

Mbi bongbi wen ti nginza na lôro mingi; mbi bongbi mosoro ti agbia na ti akodro so ayeke na gbe ti mbi. Mbi yeke na akoli na awali ti hengo bia. Mbi wara nga ye so ayeke zia ngia mingi na be ti zo: mbi mu awali gbani gbani.

Abia ti demango tere 3:53

Ala mu mbi na fini le ti mbi, ala bi mbi na ya ti kota du; ala mu têne, abi na ndö ti mbi.

Daniel 10:3

Mbi ke ti te apendere kobe; ataa nyama wala vin ali yanga ti mbi pepe. Mbi sara mafuta na tere ti mbi pepe ngbii yenga ota so ahunzi.

Daniel 2:1

Na ngu use ni so Nabukodonosor ayeke le-gbia, lo baa li ti lo. Li ti lo kue akpe si lo kiri lo lango pepe.

Daniel 6:19

Na pekoni, gbia akiri na yangbo ti lo na bi ni so. Lo ke ti te kobe. Lo hunda titene a ga na awali ti lo na tere ti lo pepe; lango agbu le ti lo nga pepe.

Aye so Nzapa afa 18:22

Babilone, zo ayeke kiri ti ma ngombi ti azo ti pikango kundi, na go ti azo ti hengo bia, na toto ti *ngoli na ti tatalita na ndo ti mo pepe. Zo ayeke kiri ti wara azo ti sarango akua nde nde na kode na ndo ti mo pepe; zo ayeke kiri ti ma nga toto ti têne ti nikango na ye na ndo ti mo pepe.