Daniel 6:17 - Mbeti ti Nzapa - Tënë so amu fini

¹⁷ Tongaso, gbia amu yanga titene a ga na Daniel si a bi lo na ya ti du ti abamara. Gbia atene na Daniel, atene: “Nzapa ti mo oko, lo so mo ngba ti sara na lo lakue so, lo laa lo yeke soo mo.”

Daniel 6:17 ပူးပေါင်းရင်းမြစ်များ

Mbeti ti Job 5:19

Fani mingi aye ti ngangu ayeke si na mo, me lo yeke zi mo na ya ni; ti hunzi na ni, lo yeke sara si sioni akiri ti wara mo pepe.

Jérémie 38:5

Tongaso gbia Sedesias akiri tënë na ala: “Lo laa na maboko ti ala so! Ataa so mbi yeke gbia, mbi lingbi ti kanga lege na ala pepe.”

Abia ti demango tere 3:53

Ala mu mbi na fini le ti mbi, ala bi mbi na ya ti kota du; ala mu têne, abi na ndö ti mbi.

Awatokua 12:4

So a gbu Pierre awe si a bi lo na da ti kanga awe, aturugu baleoko na omene akangbi ya ti ala osio osio ti bata lo. Herode aleke na be ti lo ti ga na lo na le ti azo kue ti fâ ngbanga ti lo na peko ti *matanga ti Pake.

Aye so Nzapa afa 20:3

Ange ni abi lo na ya ti kota du ni, lo kanga yanga ni si lo kpo *nzoroko na yanga ni titene nyama ni akiri awara lege ti handa amara pepe, ngbii ngu saki oko ni ahunzi si. Na pekoni, alingbi a zi lo ndali ti mbeni kete ngoi.