Daniel 6:14 - Mbeti ti Nzapa - Tënë so amu fini

¹⁴ Awato ti Daniel akiri atene na gbia: “Gbia, Daniel, oko ti azo ti Juda so a gbu ala si a ga na ala so, lo baa mo tongana senge ye. Lo baa nga mbela so mo su maboko ti mo na gbe ni tongana senge ye: na ya ti lango oko, lo yeke sambela Nzapa ti lo fani ota.”

Daniel 6:14 ပူးပေါင်းရင်းမြစ်များ

1 Mbai 12:35

Na popo ti azo ti mara ti Neftali, amakonzi ti turugu ayeke 1 000, ala yeke na aturugu 37 000 so ayeke yo avala na alikongo.

Esther 3:8

Haman atene na gbia Zerses: “Babâ gbia, mbeni mara ayeke na ya ti kodro so ayeke ti lo nde. Azo ti mara ni amu ya ti kodro ti mo kue si ala yeke duti ti ala nde na azo ti kodro ni. Lege ti dutingo ti ala na sarango ye ti ala ayeke nde na ti ambeni mara; ala ye ti sara ye alingbi na andia ti gbia pepe. Tongana mo zia ala duti kpoo tongaso, mo yeke wara nyen daa?

Daniel 1:6

Andaa amaseka-koli osio ti mara ti Juda ayeke na popo ti amaseka-koli so a soro ala so: Daniel, Hanania, Mishael na Azaria.

Daniel 3:12

Gbia, ambeni zuife ayeke daa so mo zia ala na li ti akua ti kodro ti Babilone. Azo ni ayeke Shadrak, Meshak na Abed-Nego. Ala ma yanga ti mo pepe: ala ke ti sara na anzapa ti mo, ala ke nga ti voro yanda ti lôro so mo zia ni aluti na nduzu so.”

Daniel 3:13

Tongaso ngonzo ti wâ alondo na be ti Nabukodonosor si lo mu yanga titene ala ga na lo Shadrak, Meshak na Abed-Nego. Azo aga na ala na dawa ti gbia.

Marc 6:26

Vundu agbu be ti gbia ni mingi; me ngbanga ti dengo ba so lo de na le ti azo so kue lo tisa ala na matanga ni, lege ti ke tënë ti lo ni ayeke daa pepe.