Daniel 5:6 - Mbeti ti Nzapa - Tënë so amu fini

⁶ le ti lo aga nde si li ti lo kue akpe; ya ti agere ti lo kue akanga si alikunu ti lo ayeke pika tere.

Daniel 5:6 ပူးပေါင်းရင်းမြစ်များ

Abia (Psaumes) 22:14

Ala yeke tongana abamara so ayeke toto, ala zi yanga ti ala na tere ti mbi si ala ye ti suru ya ti mbi surungo.

Abia (Psaumes) 69:23

Ayeke nzoni akobe ti matanga ti ala aga gbanda ndali ti ala, aga kuku ndali ti azo so ala tisa ala!

Ésaïe 35:3

Ala sara si maboko so awoko, akiri awara ngangu; ala sara si alikunu so awoko, akiri akpengba.

Ésaïe 5:27

Mbeni zo na popo ti ala awoko pepe, mbeni zo apika gere ti lo pepe titene lo ti, lango asara mbeni zo oko pepe, zo oko alango nga pepe, kamba ti ndö ti bongo ti mbeni zo oko azi pepe si kamba ti poro ti mbeni zo oko afâ nga pepe.

Jérémie 50:43

So gbia ti Babilone ama tënë ni, ngangu ti lo kue ahunzi, vundu agbu be ti lo si lo baa pasi tongana wali na ndembe ti dungo ni.

Ezekiel 21:7

“Molenge ti zo, mo baa ndo na mbage ti Jérusalem, mo tene peko ti tënë ti yanga ti mbi na ndö ti ando so a zia nde ndali ti yango asandaga; mo tene tënë ti yanga ti mbi na ndö ti sese ti Israel.

Ezekiel 7:17

Amaboko ti ala kue ayeke woko si likunu ti ala ayeke do kpakpakpa.

Daniel 2:1

Na ngu use ni so Nabukodonosor ayeke le-gbia, lo baa li ti lo. Li ti lo kue akpe si lo kiri lo lango pepe.

Daniel 3:19

Tongaso be ti Nabukodonosor asi na ngonzo ti wâ si le ti lo abe na tere ti Shadrak, Meshak na Abed-Nego. Lo mu yanga titene a sara wâ ni si akiri aza ngangu fani mbarambara, ahon ti so a yeke sara ka lakue.

Daniel 4:19

Gbia, keke so ayeke mo, ngbanga ti so mo ga kota si mo ga ngangu; kota ti mo ni ague ngbii akpo le ti nduzu si ngangu ti mo ti sara komandema asi na nda ti sese kue.

Daniel 4:5

Na pekoni Daniel, so mbeni iri ti lo ayeke Beltasar, aga. Beltasar ayeke iri ti nzapa ti mbi so a mu na lo. Yingo ti anzapa so ayeke nde si ayeke nzoni kue asi Daniel singo. Mbi fa bango-li ni na lo, mbi tene:

Daniel 5:5

Taa gi na ndembe ni so, maboko ti zo asigigi nduru na tere ti gere ti alamba. Maboko ni ayeke su mbeti na tere ti vuru dere ti yangbo ti gbia ni. So gbia abaa maboko so ayeke su mbeti ni,

Daniel 7:28

“Tënë ni ahunzi na ndo so. Me ti mbi Daniel, be ti mbi agi mbi mingi, mbi woko kue si mbi ngba ti gbu li ti mbi daa.”

Nahum 2:10

Ala azo, ala nzi nginza na lôro ahon na ni! Amosoro asi singo na ya ti gbata ni, apendere ye ayeke daa gbani gbani.

Ahebro 12:12

Ndani laa, ala yoro ya ti amaboko ti ala so awoko, ala sara si alikunu ti ala so awoko, akpengba!