Daniel 5:5 - Mbeti ti Nzapa - Tënë so amu fini

⁵ Taa gi na ndembe ni so, maboko ti zo asigigi nduru na tere ti gere ti alamba. Maboko ni ayeke su mbeti na tere ti vuru dere ti yangbo ti gbia ni. So gbia abaa maboko so ayeke su mbeti ni,

Daniel 5:5 ပူးပေါင်းရင်းမြစ်များ

Mbeti ti Job 20:5

azo ti sioni ayeke dekongo na ngia, me dekongo ni ayeke ninga pepe; azo so ake Nzapa, ngia ti ala ayeke gue yongoro pepe.

Amato 29:1

Zo so a gboto mê ti lo si lo ngba ti sara ngangu li, fade a yeke kinda lo gi hio tongaso, mbeni ye ti sara titene lo kiri lo ga nzoni ayeke daa pepe.

Jérémie 50:43

So gbia ti Babilone ama tënë ni, ngangu ti lo kue ahunzi, vundu agbu be ti lo si lo baa pasi tongana wali na ndembe ti dungo ni.

Daniel 4:31

“So ngoi ni so ahon awe, mbi Nabukodonosor, mbi yo le ti mbi na nduzu si ndara ti mbi ti zo akiri daa. Mbi mu singila na Nzapa so ayeke na yayu kâ na ndö ti aye kue, mbi sepela lo si mbi gonda lo so angba lakue lakue: lo yeke gbia lakue lakue, kodro ti lo ayeke ngba kpu na kpu.

Daniel 4:33

“Taa gi na ndembe ni so, hingango ndo ti mbi akiri daa. Titene azo ane mbi tongana gbia, gonda na pendere ti mbi akiri daa; awamungo-wango ti mbi na akota zo so ayeke sara kua na gbe ti mbi akiri na tere ti mbi. A kiri a zia mbi na ndö ti mbata ti gbia tongana ti kozo. Mbi kiri mbi ga kota ahon ti kozo.

Daniel 5:15

Fafadeso, a ga na mbi azo ti ndara na azo ti mazi titene ala diko mbeti so a su na tere ti da so awe. Mbi ye nga fade titene ala fa na mbi nda ni, me ala ha gbaa.

Daniel 5:4

So ala kue anyon samba ni agbu le ti ala awe, ala londo ti gonda anzapa so a sara ala na lôro na wen ti nginza; ala so a sara ala na bengba wen, na wen, na keke nga na têne.

Daniel 5:6

le ti lo aga nde si li ti lo kue akpe; ya ti agere ti lo kue akanga si alikunu ti lo ayeke pika tere.

Daniel 5:8

Azo ti nganga ti gbia kue ali na da; me ala ha ti diko mbeti ni gbaa; ala lingbi nga ti fa nda ni na gbia pepe.

Kolose 2:14

Mbeti ti mbela so abi tënë na li ti e si afâ ngbanga ti kuâ na li ti e so, Nzapa amingo ngangu ni, lo kanga ni na ndö ti keke ti kroa.