Daniel 5:30 - Mbeti ti Nzapa - Tënë so amu fini

³⁰ Gi na bi ni, azo afâ Baltazar, gbia ti Babilone.

Daniel 5:30 ပူးပေါင်းရင်းမြစ်များ

Ésaïe 47:9

Baa, fade aye ti mawa use so ayeke si na mo: gi hio tongaso, na ya ti lango oko, amolenge ti mo ayeke kui, mo yeke ga nga wali-mua. Ataa gba ti azo ti mo ti yoro, ataa ngangu ti azo ti mazi ti mo, fade aye so kue ayeke si na mo.

Jérémie 50:24

Babilone, mbi leke kuku ndali ti mo; kuku ni agbu mo awe, me mo hinga ye oko daa pepe. A wara mo awe, a gbu mo awe, ngbanga ti so mo londo ti tiri bira na mbi, KOTA GBIA.”

Jérémie 51:11

KOTA GBIA aleke na be ti lo ti buba kodro ti Babilone. Ndani laa lo zia nzara ni na be ti agbia ti Medii. Biani, KOTA GBIA akiri na awato ti e peko ti sioni ti ala awe; lo kiri na ala peko ti sioni so ala sara na kota da ti lo. Ala leke yanga ti ale ti kokora, aza! Ala mu ni asi ya ti abozo ni!

Jérémie 51:31

Azo ti tokua akpe ague, awara ambeni zo ti tokua, azo ti mungo sango akpe ague awara ambeni zo ti mungo sango; ala gue ti tene na gbia ti Babilone, atene: “A mu gbata ni kue awe;

Jérémie 51:39

Na ndembe so nzara ti aye ayeke gbi be ti ala tongana wâ, mbi yeke leke matanga ti tengo kobe ndali ti ala. Mbi yeke mu na ala samba, ala nyon ngbii ahon ndö ti ala. Fade ala yeke lango kpu na kpu, ala yeke kiri ti zingo pepe; so tënë ti yanga ti KOTA GBIA laa.

Jérémie 51:57

“Mbi yeke mu samba na akota zo ti lo nga na azo ti ndara ti lo, agovoronere ti lo, akota komanda nga na angangu turugu ti lo. Fade azo ni ayeke lango kpu na kpu, ala yeke kiri ti zingo pepe; so tënë ti yanga ti Gbia laa, lo so iri ti lo ayeke KOTA GBIA so ayeke na ndö ti dunia kue.”

Amos 6:7

Ndani laa, fadeso ala yeke akozo zo so a yeke gbu ala ti gue na ala na kodro wande. Matanga ti ala ahunzi awe, azo ti sopo!