Daniel 5:29 - Mbeti ti Nzapa - Tënë so amu fini

²⁹ Biaku na pekoni, Baltazar amu yanga na azo ti gbe ti lo titene ala yu Daniel na bongo ti gbia so abe bengo; ala zia na go ti lo ye ti go so ayeke na lôro. Lo mu yanga titene ala to mbela ti tene na azo atene, fade a yeke zia Daniel ti duti oko ti akota zo ota ti ya ti govoroma ti kodro ni.

Daniel 5:29 ပူးပေါင်းရင်းမြစ်များ

Tongo nda ti aye 41:42

Faraon azi bage so ayeke na maboko ti lo, lo yoro ni na maboko ti Joseph. Lo yu na Joseph mbeni pendere bongo so a sara ni na *len si lo zia na go ti lo ye ti go so a sara ni na lôro.

Esther 10:3

Biani, Mardochée, zuife so aga kota zo mingi na ya ti kodro ni; na peko ti gbia Zerses, ayeke lo. Ti azuife, lo yeke kota zo mingi na ya ti kodro ni; azo ti mara ti lo aye tënë ti lo mingi. Lo yeke gi gi nzoni ti azo ti kodro ti lo si lo yeke sara kue ti bata siriri ti azo ti mara ti lo kue.

Amato 1:9

Fade aye ni ayeke duti tongana pendere kpoto na li ti mo wala tongana pendere ye ti go na go ti mo.

Daniel 2:48

Na pekoni, gbia asara si Daniel aga kota zo mingi. Lo mu na lo gba ti anzoni ye, lo zia lo ti sara komandema na ndö ti kodro ti Babilone kue. Lo zia nga lo makonzi na li ti azo ti nganga so kue ayeke na Babilone.

Daniel 5:16

Me ti mbi, mbi ma a tene, mo lingbi ti fa nda ti aye so akara azo na nda ti aye so ahonde. Fadeso, tongana mo diko mbeti so si mo fa nda ni na mbi, fade a yeke yu na mo bongo ti agbia so abe bengo; a yeke zia na go ti mo ye ti go so a sara na lôro si mo yeke duti oko ti akota zo ota ti ya ti govoroma ti kodro ni.”

Daniel 5:7

Lo dekongo ngangu si lo mu yanga titene azo airi azo ti nganga ti Babilone, azo ti mazi, azo ti yoro na azo ti bango nda ti aye ti ga. So azo ti bango nda ti aye ni aga awe, gbia atene na ala, atene: “Zo so ayeke diko mbeti so si lo fa na mbi nda ni, fade a yeke yu na lo bongo ti agbia so abe bengo; a yeke zia na go ti lo ye ti go so ayeke na lôro si lo yeke duti oko ti akota zo ota ti ya ti govoroma ti kodro ni.”

Daniel 6:2

Darius abaa nzoni titene lo zia amakonzi ngbangbo oko na baleuse titene ala mu maboko na lo ti sara komandema na ndö ti kodro ni.