Daniel 5:28 - Mbeti ti Nzapa - Tënë so amu fini

²⁸ PARSIN aye ti tene ya ni akangbi awe: ya ti kodro ti mo akangbi awe, a mu ni na azo ti Medii na ti Perse.”

Daniel 5:28 ပူးပေါင်းရင်းမြစ်များ

2 Mbai 36:23

“Tënë so mbi Sirus, gbia ti Perse, mbi tene ayeke so: KOTA GBIA, Nzapa ti yayu azia na gbe ti mbi akodro-gbia kue ti sese. Lo mu yanga na mbi ti leke na lo da na Jérusalem, na sese ti Juda. Azo so kue na popo ti ala ayeke azo ti lo, ayeke nzoni ala gue kâ. Ayeke nzoni KOTA GBIA, Nzapa ti ala aduti na ala!”

Ésaïe 13:17

KOTA GBIA atene: “Mbi yeke tokua azo ti mara ti Medii na tere ti ala; azo ni ayeke sara nzara ti nginza pepe, ala yeke nga na nzara ti lôro pepe.

Ésaïe 21:2

Na ya ti mbeni ye tongana bango-li, mbi baa mbeni ye so ayeke sioni mingi: zo so lani ayeke na ya ti *mbuki, lo ga zo ti kango azo, zo ti bubango ye ayeke sara kua ti lo. *KOTA GBIA atene: “Azo ti Elam, ala londo na bira ma! Azo ti Medii, ala ngoro gbata ni na bira! Mbi yeke sara titene dema kue akai.”

Ésaïe 47:11

Baa, fade mbeni ye ti mawa ayeke ti na ndö ti mo, mo yeke hinga lege so mo yeke sigigi na ya ni pepe. Baa, mbeni kpale ayeke ti na ndö ti mo, mo yeke hinga lege ti bata tere ti mo daa pepe. Mbeni ngangu pupu ayeke ga na ndö ti mo biaku, mo yeke hinga li ti mo na ni pepe.

Jérémie 25:13

Akpale so kue mbi tene tënë ni si a su tënë ni na ya ti buku so, fade mbi yeke sara si akpale ni ati na ndö ti kodro so. Jérémie atene tënë ni na peko ti yanga ti mbi na tere ti amara so kue awe.

Jérémie 51:28

Ala bongbi amara ti tiri bira na lo; so ti tene agbia ti Medii, ala na agovoronere ti ala, na akota komanda ti ala nga na kodro so kue ala yeke sara komandema na ndö ni.

Daniel 2:32

Li ti yanda ni ayeke na nzoni lôro; kate ni na amaboko ni ayeke na wen ti nginza; ya ni na ngbonda ni ayeke na bengba wen.

Daniel 2:39

Na peko ti mo, fade mbeni kodro ayeke londo; kodro ni ayeke duti na ngangu tongana ti mo pepe. Na pekoni, fade mbeni ota kodro ayeke londo; kodro ni laa ayeke na bengba wen so. Lo yeke sara komandema na ndö ti sese kue.

Daniel 6:28

Lo yeke zi azo si lo yeke soo azo na kuâ; lo yeke sara aye ti dongo be na aye ti kpene, lo yeke sara ni na yayu nga na sese. Lo laa lo zi Daniel na yanga ti abamara.”

Daniel 6:8

Agbenyogbia kue ti kodro ni, akota komanda na amakonzi, awamungo-wango na agovoronere ama tere. Gbia, tongana mo yeda, fade mo mu mbeni kota mbela ti kanga lege na mbeni sarango ye ti azo. Tënë ti ya ni ayeke duti tongaso: na ya ti lango baleota, fade zo avoro mbeni nzapa nde pepe, wala lo voro mbeni zo nde pepe, gi mo oko. Tongana zo ni ake, o gbia, mo bi lo na ya ti du ti abamara.

Daniel 8:20

Koli-taba so mo baa lo si lo yeke na didi use so ayeke agbia ti Medii na ti Perse.

Daniel 9:1

Darius, molenge ti Zerses, zo ti mara ti Medii laa ayeke gbia na ndö ti kodro ti Babilone.

Awatokua 2:9

E so e londo na Parte, na Medii, na Elam, na Mezopotamii, na Judée, na Kapadose, na Pon, na Azii,