Daniel 5:19 - Mbeti ti Nzapa - Tënë so amu fini

¹⁹ Ndali ti so Nzapa asara si lo ga kota zo mingi, azo kue, azo ti amara nde nde kue na azo ti ayanga ti kodro nde nde kue ayeke do na mbeto na le ti lo. Lo yeke fâ zo so be ti lo aye si lo yeke zia zo so be ti lo aye ti ngba na fini; lo yeke zia na kota ndo zo so be ti lo aye si lo yeke zia na kete ndo zo so be ti lo aye.

Daniel 5:19 ပူးပေါင်းရင်းမြစ်များ

2 Agbia 25:28

Lo tene anzoni tënë na lo si lo zia lo na kota ndo ahon ambeni gbia so lo na ala ayeke na Babilone.

Amato 16:14

Tongana ngonzo asara gbia, lo lingbi ti fâ zo; me zo ti ndara alingbi ti de be ti lo.

Zo ti bongbingo azo 8:3

E zia gbia hio ti hon pepe; ye so ayeke ye ti sioni, e ngba na ya ni pepe, ngbanga ti so gbia ayeke sara ye so be ti lo aye.

Ezekiel 31:11

Ndani laa mbi ke lo, mbi zia lo na maboko ti makonzi ti amara nde so ayeke sara na lo alingbi na sioni ti lo.

Daniel 11:12

So gbia ti Mbongo abaa atene ni kinda azo gbani gbani awe, baba ayeke hon ndö ti lo. Me ataa so lo yeke fâ aturugu kutu kutu, lo yeke so benda pepe.

Daniel 11:16

Zo so ayeke ga ti mu kodro ni ayeke sara ye tongana ti so be ti lo aye, ngbanga ti so zo ti kanga lege na lo ayeke daa pepe. Lo yeke duti na ya ti pendere kodro ni si lo yeke buba aye kue.

Daniel 11:3

Me kâ na Grese, mbeni ngangu gbia ayeke londo; komandema ti lo ayeke duti ngangu si lo yeke sara ye so be ti lo aye.

Daniel 11:36

‘Fade gbia ni ayeke sara gi ye so be ti lo aye; lo yeke gonda tere ti lo mingi si lo yeke baa tere ti lo kota ahon anzapa. Lo yeke tene atënë so akpa titene zo atene pepe na tere ti Nzapa so ahon anzapa kue. Aye so kue gbia ni ayeke sara ayeke ga nzoni na lo ngbii asi na ngoi so ngonzo ti Nzapa ayeke si na ndani. Tongaso, fade Nzapa ayeke sara ye so lo leke na be ti lo ti sara.

Daniel 3:29

Ndani laa, mbi mu yanga fadeso, mbi tene: ‘Zo so ayeke tene sioni tënë ti Nzapa ti Shadrak, ti Meshak na ti Abed-Nego, ataa zo ni ayeke ti mara wa, wala ti yanga ti kodro wa, fade a yeke fâ ya ti zo ni nduru nduru; fade da ti zo ni aga ndo ti azende. Biani, mbeni nzapa nde ti soo zo na kuâ tongaso ayeke daa pepe.’ ”

Daniel 3:4

Zo ti batango bongbi ni adekongo ngangu, atene: “Ala azo kue, azo ti amara nde nde kue na ala, azo ti ayanga ti kodro nde nde kue, ala ma tënë so gbia atene. Lo mu yanga, lo tene:

Daniel 3:6

Zo so ake ti kuku ti voro yanda ni, a yeke bi lo biaku na ya ti kota wâ so ayeke za ngangu.’ ”

Daniel 4:17

Mo baa keke so akono si aga ngangu, li ni ague ngbii akpo le ti nduzu si azo ti dunia kue alingbi ti baa ni;

Daniel 4:19

Gbia, keke so ayeke mo, ngbanga ti so mo ga kota si mo ga ngangu; kota ti mo ni ague ngbii akpo le ti nduzu si ngangu ti mo ti sara komandema asi na nda ti sese kue.

Daniel 4:22

Azo ayeke tumba mo na popo ti ala si mo yeke lango na popo ti anyama ti ngonda; a yeke mu na mo gi apere ti te tongana bagara. Fade ngu ti pere ayeke mu tere ti mo kue si mo yeke ngba tongaso na ya ti ngu mbarambara. Mo yeke ngba tongaso ngbii mo hinga, mo tene, Nzapa so ayeke na yayu kâ na ndö ti aye kue laa ayeke gbia na ndö ti kodro ti azo. Lo laa lo yeke zia zo so be ti lo aye na li ti kodro ni.

Habakuk 2:5

Biani, mosoro ayeke handa zo handango: zo ti baba ayeke duti kpoo pepe, lo yeke zi yanga ti lo kota tongana ndo ti akuâ; lo yeke tongana kuâ so nzara ti lo ayeke hunzi pepe. Lo bongbi amara kue na tere ti lo, lo zia azo kue na gbe ti komandema ti lo.

Jean 19:11

Jésus akiri tënë na lo: “Mo yeke na ngangu na ndö ti mbi pepe, gi ngangu so Nzapa amu na mo. Ndani laa zo so azia mbi na maboko ti mo so, kungba ti siokpari ti lo ane ahon ti mo.”

Rome 13:1

Alingbi azo kue ama yanga ti akota zo ti li ti kodro, ngbanga ti so komandema kue alondo na Nzapa; akota zo ti li ti kodro, Nzapa laa azia ala na ndö ti mbata ti komandema.

Aye so Nzapa afa 5:9

Ala yeke he fini bia, atene: “Mo lingbi ti mu mbeti ni ti zi anzoroko ni, ngbanga ti so a fâ mo ando awe. Mo futa ngere ti vongo azo na mene ti mo titene mo vo azo ti akete mara kue na Nzapa, azo ti ayanga ti kodro kue, azo ti akodro kue na azo ti amara kue.