Daniel 5:11 - Mbeti ti Nzapa - Tënë so amu fini

¹¹ Na ya ti kodro ti mo so, mbeni koli ayeke daa so yingo ti anzapa so ayeke nde si ayeke nzoni kue asi lo singo. Lani so babâ ti mo angba gbia, azo abaa lo tongana zo so le ti lo ahan mingi, so ahinga ye mingi si ayeke na ndara tongana anzapa. Ndani laa, babâ ti mo Nabukodonosor azia lo makonzi na li ti azo ti nganga, azo ti yoro, azo ti mazi na azo ti bango nda ti aye.

Daniel 5:11 ပူးပေါင်းရင်းမြစ်များ

Tongo nda ti aye 41:38

Faraon ahunda ala, atene: “E lingbi ti wara mbeni zo so yingo ti Nzapa ayeke na ya ti lo tongana koli so?”

2 Samuel 14:17

Mbi tene na be ti mbi, mbi tene: ‘Gbaa, tënë so gbia ayeke tene, ayeke de be ti zo. Biani, gbia ayeke tongana mbeni *ange ti Nzapa, ngbanga ti so lo hinga ti kangbi popo ti ye so ayeke nzoni na ye so ayeke sioni.’ Ayeke nzoni KOTA GBIA, Nzapa ti mo aduti na mo!”

Ezekiel 28:3

Mo baa ti mo, mo tene, mo yeke na ndara, mo hon Daniel; mbeni tënë ti gbe mingo ti honde na le ti mo ayeke daa pepe.

Ezekiel 28:4

Na lege ti ndara ti mo na mayere ti mo, mo wara gba ti mosoro; mo bongbi lôro na wen ti nginza na ya ti kubu ti da so mo bata amosoro ti mo daa.

Daniel 1:4

Alingbi mbeni ye ti tere ti amaseka-koli ni oko abuba pepe; ala yeke pendere mingi; ala si singo na ndara, ala yeke azo ti hingango mbeti na azo ti hingango ndo. Tongaso, fade ala yeke sara kua na yangbo ti gbia; fade a yeke fa na ala agere ti mbeti nga na yanga ti kodro ti azo ti Babilone.

Daniel 2:11

Ye so mo hunda so ayeke ngangu mingi. Zo oko ti fa tënë ni na gbia ayeke daa pepe. Gi anzapa si alingbi ti fa ni; me ndo ti lango ti ala ayeke na popo ti azo ti sese pepe.”

Daniel 2:22

Lo laa lo yeke fa nda ti ye so ali si ahonde. Lo hinga ye so ayeke na vukongo ndo si lumiere akanga tere ti lo kue.

Daniel 4:18

akugbe ti keke ni ayeke pendere si ale ni ayeke gbani gbani, kobe ayeke daa ndali ti aye kue. Anyama ti ngonda ayeke lango na gbe ni, andeke ti nduzu asara ada ti ala na tere ti amaboko ni.

Daniel 4:5

Na pekoni Daniel, so mbeni iri ti lo ayeke Beltasar, aga. Beltasar ayeke iri ti nzapa ti mbi so a mu na lo. Yingo ti anzapa so ayeke nde si ayeke nzoni kue asi Daniel singo. Mbi fa bango-li ni na lo, mbi tene:

Daniel 4:6

‘Beltasar, mo yeke makonzi na li ti azo ti bango nda ti aye kue; mbi hinga, mbi tene, yingo ti anzapa so ayeke nde si ayeke nzoni kue asi mo singo; mbeni ye ti ndima akara mo pepe. Mbi baa li ti mbi, ayeke nzoni mo fa na mbi nda ni.

Daniel 5:14

Mbi ma a tene, mo yeke zo so yingo ti anzapa asi mo singo; mo hinga ndo mingi, mo hinga ye mingi si mo yeke na ndara so ambeni zo ayeke na ni pepe.

Daniel 5:7

Lo dekongo ngangu si lo mu yanga titene azo airi azo ti nganga ti Babilone, azo ti mazi, azo ti yoro na azo ti bango nda ti aye ti ga. So azo ti bango nda ti aye ni aga awe, gbia atene na ala, atene: “Zo so ayeke diko mbeti so si lo fa na mbi nda ni, fade a yeke yu na lo bongo ti agbia so abe bengo; a yeke zia na go ti lo ye ti go so ayeke na lôro si lo yeke duti oko ti akota zo ota ti ya ti govoroma ti kodro ni.”

Awatokua 12:22

Azo ni adekongo, atene: “Zo laa ayeke tene tënë so pepe, mbeni nzapa laa!”

Awatokua 14:11

So azo ni abaa ye so Paul asara, ala to nda ti dekongo na yanga ti kodro ti azo ti Likaonii, atene: “Anzapa amu tere ti zo si ala ga na popo ti e!”

Awatokua 16:16

Mbeni lâ, so e yeke gue na ndo ti sambelango Nzapa, e tengbi na mbeni molenge-wali so ayeke ngbaa. Lo yeke na mbeni sioni yingo na ya ti lo so ayeke sara si lo yeke fa aye so ayeke si ande na azo. Awa ti lo ayeke wara nginza mingi na lege ti aye so lo yeke fa.

Aye so Nzapa afa 3:9

Baa, ambeni zo atene, ani yeke azuife, andaa ala yeke taa azuife pepe. Ala yeke tene mvene, ala yeke azo ti bongbi ti Satan. Fade mbi yeke sara titene ala ga, ala kuku na gbe ti mo si ala hinga atene, mbi ye mo.