Daniel 4:31 - Mbeti ti Nzapa - Tënë so amu fini

³¹ “So ngoi ni so ahon awe, mbi Nabukodonosor, mbi yo le ti mbi na nduzu si ndara ti mbi ti zo akiri daa. Mbi mu singila na Nzapa so ayeke na yayu kâ na ndö ti aye kue, mbi sepela lo si mbi gonda lo so angba lakue lakue: lo yeke gbia lakue lakue, kodro ti lo ayeke ngba kpu na kpu.

Daniel 4:31 ပူးပေါင်းရင်းမြစ်များ

Tongo nda ti aye 14:18

Melkisedeke, gbia ti kodro ti Salem, aga na mapa na vin. Melkisedeke ayeke wayango-sandaga ti Nzapa, Nzapa so ayeke na yayu kâ na ndö ti aye kue.

Mbeti ti Job 20:23

Na ndembe so lo yeke te kobe titene ya ti lo asi, Nzapa ayeke tokua sioni ngonzo na ndö ti lo; ngonzo ni ayeke tuku na ndö ti lo si ayeke ga kobe ti lo ti tengo ni.

Abia (Psaumes) 145:13

Lengo-gbia ti mo ayeke ngba lakue lakue, komandema ti mo ayeke na ndö ti azo ti angoi kue. Nzapa ayeke sara ye alingbi na atënë ti yanga ti lo kue, aye so kue lo yeke sara afa so lo yeke sara nzoni be.

Amato 29:23

Kuru baba ti zo asara si azo abaa lo tongana kete zo; me zo so asara tere ti lo kete, azo ayeke gonda lo.

Ésaïe 14:27

Tongana KOTA GBIA so ayeke na ndö ti dunia kue amu yanga, zo wa laa alingbi ti buba ya ni, zo wa? Tongana lo yoro maboko ti lo ti pika zo, zo wa laa alingbi ti gbanzi lo, zo wa?

Daniel 12:7

Lo so ayu bongo ti len si ayeke luti na ndö ti ngu so ayoro maboko ti lo use kue na nduzu. Lo deba yanga ti lo, lo tene: ‘Na iri ti KOTA GBIA so ayeke na fini lakue lakue, mbi deba yanga ti mbi, mbi tene: aye so ayeke ninga ande ngu ota na ndambo. Tongana a zi ngangu kue ti azo ti Nzapa awe si fade aye ni so ayeke hunzi.’

Daniel 4:24

Ndani laa, babâ gbia, ayeke nzoni mo yamba wango ti mbi na nzoni be: mo zia lege ti siokpari ti mo, mo sara ye ti mbirimbiri; mo sara nzoni be na azo ti mawa. Mbi hinga pepe, fade Nzapa ayeke sara si mo ngba ti duti kpoo.”

Daniel 4:26

Nze baleoko na use na pekoni, gbia ayeke tambula na ndö ti yangbo ti lo so ayeke na Babilone.

Daniel 4:30

Taa gi na ngbonga ni so, tënë so a tene na ndö ti Nabukodonosor aga taa-tënë: azo atumba lo na popo ti ala; lo yeke te pere tongana bagara si ngu ti pere amu tere ti lo kue. Kua ti li ti lo ayo aga tongana kua ti tere ti *ngoalo si anzënë ti maboko ti lo ayo aga tongana ti andeke.

Daniel 4:32

Lo baa azo ti sese kue na le ti lo tongana ye senge, lo yeke sara ye so be ti lo aye na aye so ayeke na yayu nga na azo ti sese. Ye so lo ye ti sara, zo oko alingbi ti kanga lege ni na lo pepe, wala zo oko ti tene na lo: ‘Nyen laa mo yeke sara so?’, zo ni ayeke daa pepe.

Daniel 4:34

Ndani laa, fadeso mbi Nabukodonosor, mbi sepela, mbi ya iri si mbi gonda gbia so ayeke na yayu! Aye so kue lo yeke sara ayeke na legeni; asarango ye ti lo kue ayeke mbirimbiri. Lo yeke na ngangu ti sara si azo ti baba aga akete zo.”

Daniel 5:20

Me na pekoni, pikango kate ahon ndö ti lo si lo baa tere ti lo kota ahon azo kue. Tongaso Nzapa azi lo na ndö ti mbata ti gbia si azo akiri ane lo pepe.

Daniel 5:28

PARSIN aye ti tene ya ni akangbi awe: ya ti kodro ti mo akangbi awe, a mu ni na azo ti Medii na ti Perse.”

Daniel 6:27

“Mbi mu yanga na ala kue, mbi tene: Na ya ti kodro so kue ayeke na gbe ti komandema ti mbi, alingbi azo kue akpe mbeto ti Nzapa ti Daniel si ane lo. Biani, lo yeke Nzapa so ayeke na fini, lo ngba lakue lakue. Lengo-gbia ti lo ayeke ngba kpu na kpu, fade ngoi ti lo ti duti gbia ayeke hunzi laoko pepe.

Matthieu 3:17

Mbeni go alondo na yayu si atene: “So ayeke Molenge ti mbi so mbi ye lo mingi, be ti mbi anzere na lo mingi.”

Nzoni Tënë so Luc asu na mbeti 12:20

Me Nzapa atene na lo: ‘Mo buba zo! Gi na bi so mo yeke kui. Me aye so mo bongbi ni kue so, zo wa laa ayeke wara ni, zo wa?’ ”

Jean 12:28

Babâ, gonda iri ti mo!” Mbeni go alondo na yayu, atene: “Mbi gonda ni awe si mbi yeke kiri ti gonda ni.”

1 Tesalonike 5:3

Na ndembe so azo ayeke tene ande, atene: “E yeke na siriri, mbeni ye ti sarango e ayeke daa pepe!”, gi na ndembe so laa kota kpale ayeke ti na ndö ti ala fafade tongana songo ya ti mama ti ngo so aga nduru ti du. Fade ala yeke wara lege ti sigigi na ya ni pepe.

Aye so Nzapa afa 16:7

Na pekoni, mbi ma mbeni go so alondo na mbage ti gbalaka si atene: “Biani, *Kota Gbia, Nzapa so ngangu ti mo ahon angangu kue, fango ngbanga ti mo ayeke na lege ti taa-tënë si ayeke nga mbirimbiri!”

1 Samuel 13:14

Me fadeso, lengo-gbia ti mo ayeke ninga pepe. KOTA GBIA asoro mbeni zo so be ti lo wani aye; lo zia lo ti duti makonzi na ndö ti azo ti lo, ngbanga ti so yanga so lo mu na mo, mo sara ye alingbi na ni pepe.”

1 Samuel 15:23

Kengo yanga ayeke sioni tongana bingo zeke; sarango ngangu li ayeke sioni tongana sambelango anzapa nde. So mo ke yanga ti KOTA GBIA so, lo nga lo ke mo awe. Mo yeke gbia mbeni pepe.”