Daniel 4:30 - Mbeti ti Nzapa - Tënë so amu fini

³⁰ Taa gi na ngbonga ni so, tënë so a tene na ndö ti Nabukodonosor aga taa-tënë: azo atumba lo na popo ti ala; lo yeke te pere tongana bagara si ngu ti pere amu tere ti lo kue. Kua ti li ti lo ayo aga tongana kua ti tere ti *ngoalo si anzënë ti maboko ti lo ayo aga tongana ti andeke.

Daniel 4:30 ပူးပေါင်းရင်းမြစ်များ

Tongo nda ti aye 10:10

Akota gbata ti kodro so lo yeke gbia daa ayeke Babel, Erek, Akad na Kalne; agbata ni kue ayeke na kodro ti Shinear.

Esther 1:4

Lo fa na ala anengo mosoro ti kodro ti lo na aye ti pendere so afa gonda ti lo ti gbia. Matanga ni aninga ngbii nze omene.

Abia (Psaumes) 104:1

Mbi ye ti mu singila na *KOTA GBIA! *KOTA GBIA Nzapa ti mbi, mo yeke kota mingi! Mo yu gonda na nengo tongana bongo;

Abia (Psaumes) 49:20

Me fade lo yeke gue ti wara akotara ti lo so ayeke kiri ti baa le ti lâ pepe so.

Abia (Psaumes) 73:8

Ala yeke he azo na ngia, ala yeke tene sioni tënë ti aye ti ngangu so ala ye ti sara na azo; ala yeke tene tënë ni gi na baba.

Amato 11:2

Tongana zo aga zo ti baba, aninga pepe lo ga zo ti kamene; me zo ti ndara ayeke zo so asara tere ti lo kete.

Amato 16:18

Kuru baba ayeke gue na zo titene lo baa sioni; zo so abaa mba ti lo tongana senge zo, lo yeke gue ti ti.

Amato 29:23

Kuru baba ti zo asara si azo abaa lo tongana kete zo; me zo so asara tere ti lo kete, azo ayeke gonda lo.

Ésaïe 13:19

Babilone, gbata so apendere ahon ambeni gbata ti kodro ni, azo ti Babilone ayeke pika kate ti ala ndali ni, fade Nzapa ayeke buba ni tongana ti so lo buba ando agbata ti Sodome na Gomore.

Ezekiel 29:3

Mo tene na lo: Tënë so Kota Gbia NZAPA atene ayeke so: Mbi yeke ga na tere ti mo, Faraon, gbia ti Ezipte. Mo yeke tongana kota sioni nyama so akpa ngunde si alango na ya ti angu ti Nil. Mo tene: ‘Ngu ti Nil ayeke ti mbi; mbi wani laa mbi sara ni.’

Daniel 4:31

“So ngoi ni so ahon awe, mbi Nabukodonosor, mbi yo le ti mbi na nduzu si ndara ti mbi ti zo akiri daa. Mbi mu singila na Nzapa so ayeke na yayu kâ na ndö ti aye kue, mbi sepela lo si mbi gonda lo so angba lakue lakue: lo yeke gbia lakue lakue, kodro ti lo ayeke ngba kpu na kpu.

Habakuk 1:11

Ala hon tongana ngangu pupu, ala yeke hon ti ala hongo, tongaso tënë aga na li ti ala. Ngangu ti ala wani laa ayeke nzapa ti ala.”

Nzoni Tënë so Luc asu na mbeti 14:11

Biani, zo so kue asara tere ti lo tongana kota zo, fade a sara si lo ga kete zo; zo so asara tere ti lo tongana kete zo, fade a sara si lo ga kota zo.”

Nzoni Tënë so Luc asu na mbeti 14:9

si zo so atisa ala use kue so aga atene na mo: ‘Zia ngende ti mo na lo.’ Fade mo yeke gue na kamene na le ti mo ti duti na ndö ti ngende ti ndani.

1 Korente 10:31

Tongaso, ataa ala yeke te, ataa ala yeke nyon, ataa ye so kue ala yeke sara, ala sara ni kue ndali ti gonda ti Nzapa.

1 Pierre 5:5

Amaseka, ala nga, ala ma yanga ti akangba. Ala kue, na lege ti dutingo ti ala na popo ti amba ti ala, ala sara tere ti ala kete, ngbanga ti so Mbeti ti Nzapa atene: “Nzapa ake azo ti baba, me lo yeke sara nzoni be na azo so asara tere ti ala kete.”

Aye so Nzapa afa 14:8

Mbeni use ange aga na peko ti lo si atene: “Lo ti awe! Kota Babilone ati awe! Lo mu ngangu vin ti lo na amara kue titene ala nyon si ala sara asioni ye ti ndumba tongana lo.”

Aye so Nzapa afa 16:19

Ya ti kota gbata ni akangbi ota si agbata ti akodro nde nde atuku na sese. Nzapa adabe ti lo na kota gbata ti Babilone; lo mu vin ti ngonzo ti lo ti wâ na ya ti kopo titene azo ti gbata ni anyon.

Aye so Nzapa afa 17:5

Na ndö ti le ti lo, a su mbeni iri so nda ni angba na hondengo ni: “Kota Babilone, mama ti awali-ndumba, na ti aye ti sioni kue ti ndö ti sese so zo alingbi ti baa na le ti lo fani use pepe.”

Aye so Nzapa afa 18:10

Mbeto ti pasi so lo yeke baa ayeke sara ala; ala yeke luti yongoro si ala yeke tene: “Mawa-ee! So mawa! Kota gbata-ee, Babilone-ee! Ngangu gbata! Gi na ya ti ngbonga oko, a fâ ngbanga na li ti mo awe!”

Aye so Nzapa afa 18:21

Tongaso, mbeni ngangu ange amu mbeni ngbongboro têne so akono alingbi na têne ti nikango na ye, lo bi na ya ti kota ngu-ingo si lo tene: “A yeke bi Babilone, kota gbata ni na ngangu tongaso. Fade azo ayeke kiri ti baa ni pepe!