Daniel 4:27 - Mbeti ti Nzapa - Tënë so amu fini

²⁷ Lo mu tënë si lo tene: “So Babilone pepe? Kota gbata so mbi sara ni titene aga ndo ti lango ti gbia so! Mbi sara ni na lege ti ngangu ti mbi ti gbia. Mbi sara ni titene azo agonda iri ti mbi.”

Daniel 4:27 ပူးပေါင်းရင်းမြစ်များ

Tongo nda ti aye 11:4

Na pekoni, ala tene na popo ti ala, atene: “E londo, e leke mbeni gbata; e leke mbeni kota da so li ni ayo, akpo le ti nduzu. Tongaso si iri ti e awu si e kangbi na ndö ti sese kue pepe.”

1 Agbia 21:29

“Mo baa lege so Akab asara tere ti lo kete na dawa ti mbi so? Ndali ti so lo sara tere ti lo kete na dawa ti mbi, fade mbi yeke tokua ye ti mawa na ndö ti azo ti sewa ti lo pepe, na ndembe so lo de na fini. Fade mbi yeke tokua ni na ndembe so molenge ti lo ayeke duti gbia.”

Abia (Psaumes) 119:46

Na dawa ti agbia, mbi yeke tene tënë ti aye so mo hunda; kamene ayeke sara mbi pepe.

Amato 11:2

Tongana zo aga zo ti baba, aninga pepe lo ga zo ti kamene; me zo ti ndara ayeke zo so asara tere ti lo kete.

Amato 16:6

Zo so asara nzoni be na amba ti lo si azo alingbi ti zia be ti ala na ndö ti lo, a yeke zi sioni ti lo. Kpengo mbeto ti KOTA GBIA asara si zo akpe lege ti sioni ye.

Amato 28:13

Zo so ahonde asioni ti lo, aye ti lo ayeke ga nzoni pepe; me zo so afa ni na gigi si lo zia lege ni, fade Nzapa ayeke sara nzoni be na lo.

Ésaïe 10:13

Biani, gbia ni atene: “Mbi sara aye so kue na ngangu ti mbi nga na ndara ti mbi wani, ngbanga ti so mbi hinga ndo. Mbi buba akatikati ti akodro ti amara, mbi nzi amosoro ti ala. Tongana ngangu koli, mbi kinda agbia na ndö ti mbata ti ala.

Ésaïe 47:10

Mo zia be ti mo na ndö ti asioni sarango ye ti mo, mo tene: “Zo oko abaa mbi pepe.” Me sioni ndara ti mo na sioni hingango ndo ti mo laa ahanda mo. Mo tene na be ti mo, mo tene: “Mbi so, mbeni zo ti lingbi na mbi ayeke daa pepe, gi mbi awe!”

Ésaïe 47:8

Fadeso, ma tënë so si! Mo wali so mo ye ngia mingi so, mo so mo duti kpoo si mo tene fade na be ti mo, mo tene: “Mbi so, mbeni zo ti lingbi na mbi ayeke daa pepe, gi mbi awe! Mbi yeke ga ande wali-mua pepe, amolenge ti mbi ayeke kui pepe.”

Jérémie 29:7

Ala gi lege ngangu ti sara si gbata so KOTA GBIA ague na ala daa so amai. Ala sambela KOTA GBIA ndali ti gbata ni, ngbanga ti so maingo ti ala wani alondo gi na maingo ti gbata ni.’

Jérémie 38:20

Me Jérémie atene na lo: “A yeke zia mo na maboko ti ala pepe. Ayeke nzoni mo ma tënë ti KOTA GBIA so mbi yeke tene peko ni na mo so; ndali ni, fade mo yeke baa nzoni si mo yeke soo fini ti mo.

Ezekiel 18:7

Lo yeke sara ngangu na zo pepe; tongana lo gbu ye ti zo ndali ti yongo ti lo so ayeke na li ti zo ni, lo yeke kiri na ni; lo yeke nzi ye ti zo pepe, lo yeke mu kobe na zo so nzara asara lo, lo yeke mu bongo na zo so bongo atia lo.

Ezekiel 29:3

Mo tene na lo: Tënë so Kota Gbia NZAPA atene ayeke so: Mbi yeke ga na tere ti mo, Faraon, gbia ti Ezipte. Mo yeke tongana kota sioni nyama so akpa ngunde si alango na ya ti angu ti Nil. Mo tene: ‘Ngu ti Nil ayeke ti mbi; mbi wani laa mbi sara ni.’

Ezekiel 29:9

Fade Ezipte ayeke buba kue si ayeke ga benyama. Tongaso, fade azo ayeke hinga atene, mbi laa mbi yeke KOTA GBIA. “Mo tene: ‘Ngu ti Nil ayeke ti mbi; mbi laa mbi sara ni.’

Joël 2:14

E hinga pepe, fade lo yeke zia lege ti sara ye so lo leke na be ti lo ti sara. Fade lo yeke sara tufa na ndö ti ala si ala lingbi ti mu *sandaga ti *ble na ti samba na KOTA GBIA, Nzapa ti ala.

Amos 6:13

Ala yeke sara ngia, ngbanga ti so ala so benda na Lo-Dabar, gbata so ayeke ye oko pepe so. Na pekoni, ala yeke tene: “Ndali ti ngangu ti e laa e mu gbata ti Karnaim, ngangu gbata so!”

Jonas 3:9

E hinga pepe, fade Nzapa ayeke zia lege ti ye so lo leke na be ti lo ti sara; e hinga pepe, fade ngonzo so agbu lo mingi so akai si e kui pepe.”

Habakuk 1:11

Ala hon tongana ngangu pupu, ala yeke hon ti ala hongo, tongaso tënë aga na li ti ala. Ngangu ti ala wani laa ayeke nzapa ti ala.”

Sofonii 2:15

Baa, ye so ayeke si na gbata so, gbata so aduti ando na ngia so laa! Gbata so abaa ti lo atene, mbeni sioni ye alingbi ti si na lo pepe so; lo tene: “Gi mbi oko awe!” Asara tongana nyen laa gbata ni akiri aga ngonda so? Akiri aga ndo ti lango ti anyama so? Zo so kue ayeke hon nduru na ni ayeke huru yanga ti lo si lo yeke sara maboko ti he na gbata ni.

Matthieu 3:8

Ala sara ye so afa atene, ala zia ngbene lege ti sarango ye ti ala awe!

Nzoni Tënë so Luc asu na mbeti 11:41

Ala mu na azo ti mawa ye so ayeke na ya ti akopo na asembe ti ala. Tongaso si aye kue ayeke ga ande *nzoni ndali ti ala.

Awatokua 24:25

Me so Paul ayeke tene tënë na ndö ti lege ti sarango ye ti mbirimbiri, ti kangango nzara ti tere nga na ndö ti fango ngbanga so ayeke ga gbanda, mbeto agbu Félix si lo kai Paul, lo tene: “Ti laso alingbi awe! Tongana mbi wara ngoi, fade mbi yeke kiri ti iri mo.”

Awatokua 26:20

Me mbi to nda ti fa tënë ti Nzapa kozoni na azo ti Damas nga na azo ti Jérusalem. Na pekoni, mbi fa tënë ni na azo ti sese ti Judée kue nga na azo ti amara nde; mbi hunda na ala titene ala zia ngbene lege ti sarango ye ti ala ti kiri na mbage ti Nzapa, ala sara ye so afa atene, ala zia ngbene lege ti sarango ye ti ala awe.

Awatokua 8:22

Mo zia lege ti sarango asioni ye ti mo so, mo sambela Kota Gbia titene tongana lege ayeke daa, lo yeke zi sioni tënë so mo leke na be ti mo so.

2 Korente 5:11

E hinga lege ti kpengo mbeto ti *Kota Gbia awe, nilaa e yeke gi lege ti sara kue titene azo ayeda na tënë ti lo. Nzapa ahinga e nzoni mingi, mbi hinga, mbi tene, gbaa na be ti ala kâ, ala nga ahinga mbi nzoni mingi.

Galasii 5:13

Ala a-ita, Nzapa airi ala titene ala sigigi na gbe ti ngbaa. Gi ye oko, ayeke nzoni sigingo na gbe ti ngbaa ni aga mbeni ye titene ala luti na ndö ni ti sara aye alingbi na asioni nzara ti be ti ala pepe. Me na lege ti ndoye, ala sara kua na amba ti ala na popo ti ala.

Galasii 5:22

Me ye so Yingo ti Nzapa ayeke du ayeke so: ndoye, ngia, siriri, kangango be, nzoni be, sarango nzoni na azo, mabe,

Galasii 5:6

Biani, tongana zo aga oko na Jésus Christ, ataa zo ni afâ ganza wala lo fâ ganza pepe, so kota ye ni laa pepe! Kota ye ni ayeke titene zo aduti na mabe so ayeke sara titene lo ye amba ti lo.

Efeze 4:28

Zo so lani ayeke zo ti nzi, lo kiri lo nzi pepe; me ayeke nzoni lo mu tere ti lo ti sara kua na maboko ti lo wani na legeni si lo wara ye ti mu maboko na azo ti mawa.

Ndia ti fani use ni 24:13

Na lakui, mo kiri ni na lo; tongaso, fade lo yeke yu kota bongo ti lo ti de ti lango na ni na bi si lo yeke sara tufa na ndö ti mo. Fade *KOTA GBIA Nzapa ti mo ayeke baa ye so mo sara so tongana ye ti mbirimbiri.

Ndia ti fani use ni 32:27

Me mbi sara mbeto titene awato ti ala ahe ala; mbi sara mbeto titene azo ti kengo ala ahanda tere ti ala pepe, atene: ngangu ti maboko ti e laa asara ye so, KOTA GBIA laa asara ni pepe!

Ndia ti fani use ni 8:17

Ala tene na be ti ala pepe, atene: “Mbi wara amosoro so kue na lege ti akua ti mbi nga na lege ti ngangu ti mbi wani.”

1 Pierre 4:8

Kozoni kue, ala ye tere na popo ti ala na be ti ala kue, ngbanga ti so ndoye ayeke zi asiokpari mingi.