Daniel 4:21 - Mbeti ti Nzapa - Tënë so amu fini

²¹ Gbia, nda ti bango-li ni laa, alingbi na mbela so Nzapa so ayeke na yayu kâ na ndö ti aye kue amu na tere ti mo. Mbela ni ayeke so:

Daniel 4:21 ပူးပေါင်းရင်းမြစ်များ

Abia (Psaumes) 104:17

Andeke asara da ti ala na ya ni, kota ndeke awara ndo ti duti ti lo na ya ti keke ti sipre.

Ezekiel 17:23

Mbi yeke lu maboko ni na ndö ti mbeni yongoro hoto ti Israel. Fade amaboko ni ayeke sigigi daa, ayeke le si ayeke ga pendere keke ti sedre. Amara ti andeke nde nde ayeke sara da ti ala na ya ti amaboko ti keke ni, ala yeke duti na gbe ti de ni.

Ezekiel 31:6

Andeke ti nduzu kue asara da ti ala na ya ti amaboko ti keke ni, anyama ti ngonda kue adu amolenge ti ala na gbe ti amaboko ti keke ni, gba ti amara aduti na gbe ti de ti lo.

Daniel 2:38

Lo zia na gbe ti komandema ti mo azo, anyama ti ngonda na andeke ti nduzu na ndo so kue ala yeke daa. Lo zia mo na li ti ala kue. Mo laa mo yeke li ni so ayeke na lôro so!

Daniel 4:11

Lo dekongo ngangu, lo tene: Ala de keke ni na sese, ala fâ amaboko ni. Ala zi akugbe ni; ala kangbi ya ti ale ni kirikiri. Ayeke nzoni anyama so ayeke lango na gbe ti de ni akpe ahon; andeke so asara ada ti ala na tere ti amaboko ni akpe ahon!

Daniel 4:20

Na pekoni, mo baa mbeni sanziri, lo so lo yeke nde si lo yeke nzoni kue alondo na yayu azu; lo tene: ‘Ala de keke ni na sese, ala buba ni kue! Me kota gere ni na agunda ni, ala zia ni angba na ya ti sese. Fade ayeke ngba na ya ti zingiri ti wen na ti bengba wen; ayeke ngba na popo ti apere ti ngonda. Fade ngu ti pere ayeke mu tere ni kue si lo na anyama ayeke te pere. Lo yeke ngba tongaso na ya ti ngu mbarambara.’

Daniel 4:22

Azo ayeke tumba mo na popo ti ala si mo yeke lango na popo ti anyama ti ngonda; a yeke mu na mo gi apere ti te tongana bagara. Fade ngu ti pere ayeke mu tere ti mo kue si mo yeke ngba tongaso na ya ti ngu mbarambara. Mo yeke ngba tongaso ngbii mo hinga, mo tene, Nzapa so ayeke na yayu kâ na ndö ti aye kue laa ayeke gbia na ndö ti kodro ti azo. Lo laa lo yeke zia zo so be ti lo aye na li ti kodro ni.

Nzoni Tënë so Luc asu na mbeti 13:19

Kodro ni ayeke tongana le ti keke ti mutarde so mbeni zo amu si alu na yaka ti lo. Le ti mutarde ni asigigi, akono si aga kota keke; andeke ti nduzu asara da ti ala na ya ti amaboko ni.”