Daniel 4:19 - Mbeti ti Nzapa - Tënë so amu fini

¹⁹ Gbia, keke so ayeke mo, ngbanga ti so mo ga kota si mo ga ngangu; kota ti mo ni ague ngbii akpo le ti nduzu si ngangu ti mo ti sara komandema asi na nda ti sese kue.

Daniel 4:19 ပူးပေါင်းရင်းမြစ်များ

Tongo nda ti aye 31:35

Rachel atene na babâ ti lo: “Babâ, tongana mo baa mbi londo pepe, ayeke nzoni mo sara ngonzo pepe, ngbanga ti so ye so ayeke si ka na awali kue so, ni laa asi na mbi so.” Laban agi ndo gbaa, lo wara anzapa ni pepe.

Tongo nda ti aye 32:18

Na pekoni, lo mu yanga na kozo zo ti kua ni, lo tene: “Tongana ita ti mbi Ezau awara mo si lo hunda mo, lo tene: ‘Mo yeke ti zo wa? Mo yeke gue na ndo wa? Anyama so ayeke tambula na dawa ti mo so ayeke ti zo wa?’

Tongo nda ti aye 40:12

Joseph atene na lo: “Nda ti bango-li ti mo ni ayeke tongaso: amaboko ti keke ota so ayeke lango ota.

1 Agbia 18:7

So Obadia angba na lege ti gue, mo ye ti baa, lo tengbi tere na Élie. Obadia abaa lo si ahinga lo. Lo kuku, lo kpo li ti lo na sese na dawa ti Élie si lo tene: “Taa mo Élie, kota zo ti mbi laa?”

Sigingo 32:32

Ti fadeso, mbi gbu gere ti mo, zi siokpari na li ti azo so! Tongaso pepe, mo zi iri ti mbi na ya ti mbeti ti mo so mo su ni so.”

Jérémie 29:7

Ala gi lege ngangu ti sara si gbata so KOTA GBIA ague na ala daa so amai. Ala sambela KOTA GBIA ndali ti gbata ni, ngbanga ti so maingo ti ala wani alondo gi na maingo ti gbata ni.’

Jérémie 4:19

Ae ya ti mbi! Ya ti mbi! Ya ti mbi ayeke so mbi sioni; be ti mbi kue ayeke so mbi! Ya ti mbi ni ayeke kporo kporongo. Lege titene mbi kanga yanga ti mbi ayeke daa pepe, ngbanga ti so mbi ma gi toto ti didi na dekongo ti azo ti bira.

Daniel 1:7

Makonzi ti ambaiwa azia fini iri na ndö ti ala. Lo di iri ti Daniel, Beltasar; lo di iri ti Hanania, Shadrak; lo di iri ti Mishael, Meshak si lo di iri ti Azaria, Abed-Nego.

Daniel 2:26

Gbia atene na Daniel, so mbeni iri ti lo ayeke Beltasar, atene: “Mo lingbi ti fa na mbi bango-li ni si mo fa nga na mbi nda ni?”

Daniel 2:37

O gbia! Mo yeke gbia ti agbia. Nzapa so ayeke na yayu laa azia mo gbia; lo mu na mo komandema, ngangu na gonda.

Daniel 4:24

Ndani laa, babâ gbia, ayeke nzoni mo yamba wango ti mbi na nzoni be: mo zia lege ti siokpari ti mo, mo sara ye ti mbirimbiri; mo sara nzoni be na azo ti mawa. Mbi hinga pepe, fade Nzapa ayeke sara si mo ngba ti duti kpoo.”

Daniel 5:12

Azo abaa lo tongana zo so ahinga ndo ahon azo mingi, so ahinga nda ti aye si ayeke na ndara so ayeke nde; lo lingbi ti fa nda ti abango-li, nda ti aye so ahonde na nda ti aye so akara azo. Ala iri Daniel ni aga, lo so gbia adi iri ti lo Beltasar so. Fade lo yeke fa na mo nda ti mbeti so a su na tere ti dere ti da so.”

Daniel 5:18

Babâ gbia, Nzapa so ayeke na ndö ti aye kue asara si babâ ti mo Nabukodonosor aga ando kota gbia, azo agonda lo mingi si ane lo na taa nengo ti gbia.

Daniel 5:19

Ndali ti so Nzapa asara si lo ga kota zo mingi, azo kue, azo ti amara nde nde kue na azo ti ayanga ti kodro nde nde kue ayeke do na mbeto na le ti lo. Lo yeke fâ zo so be ti lo aye si lo yeke zia zo so be ti lo aye ti ngba na fini; lo yeke zia na kota ndo zo so be ti lo aye si lo yeke zia na kete ndo zo so be ti lo aye.

Daniel 7:15

“Mbi Daniel, be ti mbi afun kue ndali ti abango-li so; aye so mbi baa azia mbeto mingi na be ti mbi.

Daniel 7:28

“Tënë ni ahunzi na ndo so. Me ti mbi Daniel, be ti mbi agi mbi mingi, mbi woko kue si mbi ngba ti gbu li ti mbi daa.”

Daniel 8:27

Tongaso, mbi Daniel, mbi woko kue si mbi ti na kobela aninga lango kete. Na pekoni, so tere ti mbi akai awe, mbi kiri na kua so gbia amu na mbi. Mbeto asara mbi mingi ndali ti ye so mbi baa na ya ti mbeni ye tongana bango-li so, ngbanga ti so mbi ma ya ni pepe.”

Habakuk 3:10

Akota hoto abaa mo, ala yeke do na mbeto; kota ngu-Nzapa apika, amu ndo kue; kota ngu-ingo atoto, lo tuku *amapo ti lo kâ na nduzu.

1 Samuel 1:15

Anne akiri tënë na lo: “Babâ, mbi nyon samba oko pepe. Mbi yeke wali so mawa ahon ndö ti mbi. Nilaa mbi yeke fa tënë ti be ti mbi na KOTA GBIA.

1 Samuel 24:8

Na lege ti tënë so, David akanga lege na azo ti lo ti tiri bira na Saul. Saul asigigi na ya ti du ti têne ni si lo gue.

1 Samuel 26:15

David atene na Abner: “Mo yeke taa koli laa? Mbeni turugu na Israel ti lingbi na mo ayeke daa pepe! Ngbanga ti nyen si mo bata gbia, kota zo ti mo pepe? Mbeni zo aga ti fâ gbia, kota zo ti mo.

1 Samuel 3:17

Heli ahunda lo, atene: “Tënë ti nyen laa KOTA GBIA atene na mo, nyen? Mo honde mbeni tënë oko na mbi pepe. Tongana mo honde na mbi mbeni tënë oko so lo tene na mo, ayeke nzoni Nzapa asara ye ti ngangu mingi na mo!”