Daniel 4:12 - Mbeti ti Nzapa - Tënë so amu fini

¹² Me kota gere ni na agunda ni, ala zia ni angba na ya ti sese. Fade angba na ya ti zingiri ti wen na ti bengba wen; fade angba na popo ti apere ti ngonda. Fade ngu ti pere ayeke mu tere ni kue si lo na anyama ayeke te pere.

Daniel 4:12 ပူးပေါင်းရင်းမြစ်များ

Mbeti ti Job 12:24

Lo yeke zi hingango ndo ti amakonzi ti kodro; lo yeke sara si ala tambula kirikiri na ndo so lege ayeke daa pepe.

Mbeti ti Job 14:7

Ataa keke, lo yeke lakue na nzoni ye ti ku; tongana a de lo na sese, afini maboko ni ayeke sigigi daa si ayeke kono.

Mbeti ti Job 14:9

gi so lo ma fion ti ngu awe, amaboko ti keke ni akiri asigigi tongana fini keke.

Abia ti demango tere 4:20

Lo so KOTA GBIA asoro lo ti zia lo gbia so, lo so fini ti e ayeke na maboko ti lo si e tene tënë ti lo, e tene: “Tongana e wara ndo na popo ti awande, fade lo laa lo yeke bata e.” Baa, awato agbu lo, abi lo na du ti kanga ti ala.

Ezekiel 17:23

Mbi yeke lu maboko ni na ndö ti mbeni yongoro hoto ti Israel. Fade amaboko ni ayeke sigigi daa, ayeke le si ayeke ga pendere keke ti sedre. Amara ti andeke nde nde ayeke sara da ti ala na ya ti amaboko ti keke ni, ala yeke duti na gbe ti de ni.

Ezekiel 31:17

Ala nga, ala na lo azu na ndo ti akuâ, na tere ti ala so akui na ya ti bira, ala so lani amu maboko na lo si ala duti na gbe ti de ti lo na popo ti amara nde so.

Daniel 4:14

‘Ngbanga so aga na lege ti mbela ti asanziri; tënë so aga na lege ti ndia ti ala so ayeke nde si ayeke nzoni kue; tongaso si aye so kue ayeke na fini ahinga atene, Nzapa so ayeke na yayu kâ na ndö ti aye kue laa ayeke gbia na ndö ti akodro ti azo. Lo laa lo yeke zia zo so be ti lo aye na li ti kodro; lo lingbi nga ti zia mbumbuse zo na li ti kodro ni.

Matthieu 13:32

Le ni ayeke kete ahon tanga ti ale ti kobe kue; me tongana asigigi si akono awe, ayeke ga kota ahon akugbe ti kasa kue; ayeke ga nga kota keke si andeke aga, asara da ti ala na ya ti amaboko ni.”

Marc 13:32

“Ti lango ti singo ti aye ni wala ngbonga ni, zo oko ahinga pepe: ataa *a-ange so ayeke na yayu, ataa Molenge ni; gi Babâ oko laa ahinga ni.

Marc 4:32

So a lu ni awe, keke ni akono aga kota ahon ambeni kugbe ti kasa kue ti yaka. Amaboko ni akono mingi si andeke asara da ti ala na gbe ti de ti akugbe ni.”

Nzoni Tënë so Luc asu na mbeti 13:19

Kodro ni ayeke tongana le ti keke ti mutarde so mbeni zo amu si alu na yaka ti lo. Le ti mutarde ni asigigi, akono si aga kota keke; andeke ti nduzu asara da ti ala na ya ti amaboko ni.”