Daniel 3:6 - Mbeti ti Nzapa - Tënë so amu fini

⁶ Zo so ake ti kuku ti voro yanda ni, a yeke bi lo biaku na ya ti kota wâ so ayeke za ngangu.’ ”

Daniel 3:6 ပူးပေါင်းရင်းမြစ်များ

Tongo nda ti aye 19:28

Lo baa ndo na mbage ti Sodome na Gomore nga na mbage ti lando ni. Lo baa so guru ti wâ alondo na sese si ayeke gue na nduzu tongana guru ti kota wâ.

Sigingo 20:5

Alingbi mo kuku na gbe ti ayanda so pepe, mo voro ala pepe, ngbanga ti so mbi KOTA GBIA Nzapa ti mo, mbi yeke Nzapa so ayeke sara mbanda ti azo ti lo. Azo so asara sioni ti ke mbi, mbi yeke kiri na sioni ti azo ni na ndö ti *ahale ti ala, ngbii asi na molongo ota ni wala molongo osio ni.

Ésaïe 44:17

Na mbeni mbage ti keke ni, ala yeke sara na mbeni nzapa, mbeni yanda so ala yeke kuku na gbe ti lo, ala yeke voro lo si ala yeke sambela lo, atene: “Mo yeke nzapa ti e, soo e!”

Jérémie 29:22

Azo ti Juda so kue a gbu ala si a gue na ala na Babilone, fade ala yeke mu iri ti akoli use ti deba na amba ti ala. Biani, fade azo ti Juda ni ayeke tene: Ayeke nzoni KOTA GBIA asara na mo gi mara ti ye so lo sara na Sidekia nga na Ahab so gbia ti Babilone azö ala na le ti wâ so!’

Daniel 2:5

Gbia akiri tënë na ala, atene: “Mbi mu yanga awe, mbi tene: Tongana ala fa na mbi bango-li ni pepe si ala fa na mbi nda ni pepe, fade a yeke fâ ya ti ala nduru nduru si ada ti ala aga ndo ti azende.

Daniel 3:11

Zo so ake ti kuku ti voro yanda ni, fade a bi lo biaku na ya ti kota wâ so ayeke za ngangu.’

Daniel 3:15

Fade ala yeke kiri ti ma toto ti tatalita, ti ngoli, ti kete kundi na ti kota kundi, ti kalangba na mara ti angoli nde nde na aye ti sarango na mozoko nde nde. Ala yeke fadeso nduru ti kuku na sese ti voro yanda ti lôro so mbi sara ni so? Tongana ala ke, fade a yeke bi ala biaku na ya ti kota wâ so ayeke za ngangu. Nzapa wa si ayeke zi ala na maboko ti mbi?”

Daniel 3:21

Hio na pekoni, aturugu akanga akoli ota so na kamba; abongo ti ala kue angba na tere ti ala, ayongoro gere ti bongo, akota bongo na akpoto. Aturugu amu akoli ota so si abi ala na ya ti kota wâ ni.

Daniel 3:7

Na ndö ti tënë so, gi na ndembe so azo ti amara nde nde kue na azo ti ayanga ti kodro nde nde kue ama toto ti tatalita, ti ngoli, ti kete kundi, ti kota kundi na ti kalangba, ala kuku na sese si ala voro yanda ti lôro so gbia Nabukodonosor azia ni aluti na nduzu so.

Daniel 5:19

Ndali ti so Nzapa asara si lo ga kota zo mingi, azo kue, azo ti amara nde nde kue na azo ti ayanga ti kodro nde nde kue ayeke do na mbeto na le ti lo. Lo yeke fâ zo so be ti lo aye si lo yeke zia zo so be ti lo aye ti ngba na fini; lo yeke zia na kota ndo zo so be ti lo aye si lo yeke zia na kete ndo zo so be ti lo aye.

Daniel 6:7

Agbenyogbia use so na amakonzi alondo na loro, ala gue na ndo ti gbia si ala tene na lo, atene: “Gbia Darius, na nduzu!

Matthieu 13:42

ala yeke bi ande azo ni na ya ti kota wâ; kâ, gi toto na tengo pembe.

Matthieu 13:50

Fade ala yeke bi asioni zo na ya ti kota wâ; kâ, gi toto na tengo pembe.”

Matthieu 4:9

si lo tene na lo: “Tongana mo kuku na gbe ti mbi si mo voro mbi, fade mbi yeke mu aye so kue na mo.”

Marc 6:27

Nilaa lo tokua mbeni turugu hio; lo mu yanga na lo ti ga na li ti Jean-Baptiste. Turugu ni ague si lo fâ go ti Jean na da ti kanga.

Aye so Nzapa afa 14:11

Wâ so ayeke sara pasi na ala, fade guru ni ayeke londo kpu na kpu. Azo so ayeke voro nyama ni na limo ti nyama ni, ala na azo so nzoroko ti iri ti nyama ni ayeke na tere ti ala so, bi na lâ, ala yeke wu tere ti ala pepe.”

Aye so Nzapa afa 9:2

Lo zi yanga ti kota du ni, mbeni guru alondo na ya ni si ayeke sigigi; guru ni akpa guru ti mbeni kota wâ, asara si le ti nduzu na le ti lâ avuko.