Daniel 3:5 - Mbeti ti Nzapa - Tënë so amu fini

⁵ ‘Na ndembe so ala yeke ma toto ti tatalita, ti *ngoli, ti kete kundi na kota kundi, kalangba na amara ti ngoli nde nde, na aye ti sarango na mozoko nde nde, fade ala kuku na sese, ala voro yanda so gbia Nabukodonosor azia ni aluti na nduzu so.

Daniel 3:5 ပူးပေါင်းရင်းမြစ်များ

Abia (Psaumes) 115:4

Anzapa ti amara nde, a sara ala na wen ti nginza nga na lôro, maboko ti zo laa asara ala.

Daniel 2:46

Tongaso gbia Nabukodonosor ati akpo li ti lo na sese, lo voro Daniel si lo mu yanga titene a mu *sandaga si a zö dukani na Daniel.

Daniel 3:10

Gbia, mo wani, mo mu yanga, mo tene: ‘Tongana azo ama toto ti tatalita, ti ngoli, ti kete kundi na ti kota kundi, ti kalangba na amara ti ngoli nde nde, na aye ti sarango na mozoko nde nde, fade azo ni akuku na sese, ala voro yanda ti lôro ni.

Daniel 3:15

Fade ala yeke kiri ti ma toto ti tatalita, ti ngoli, ti kete kundi na ti kota kundi, ti kalangba na mara ti angoli nde nde na aye ti sarango na mozoko nde nde. Ala yeke fadeso nduru ti kuku na sese ti voro yanda ti lôro so mbi sara ni so? Tongana ala ke, fade a yeke bi ala biaku na ya ti kota wâ so ayeke za ngangu. Nzapa wa si ayeke zi ala na maboko ti mbi?”

Daniel 3:7

Na ndö ti tënë so, gi na ndembe so azo ti amara nde nde kue na azo ti ayanga ti kodro nde nde kue ama toto ti tatalita, ti ngoli, ti kete kundi, ti kota kundi na ti kalangba, ala kuku na sese si ala voro yanda ti lôro so gbia Nabukodonosor azia ni aluti na nduzu so.